ຕາມການເປີດເຜີຍຂອງທ່ານ ຮອງສາດສະດາຈານ ດຣ ບົວວັນ ແສນສະຖິດ ອຳນວຍການໂຮງໝໍ ແມ່ ແລະ ເດັກ ໃຫ້ຮູ້ວ່າ: ພາຍ ຫຼັງທີ່ ຍ້າຍອຸປະກອນຕ່າງໆຈາກໂຮງໝໍຫຼັງເກົ່າສຳເລັດໃນວັນທີ 29 ມິຖຸນາ ນີ້, ໂຮງໝໍແມ່ ແລະ ເດັກຫຼັງໃໝ່ຕັ້ງ ຢູ່ບ້ານໜອງພະຍາ ເມືອງໄຊທານີ ນະຄອນຫຼວງວຽງຈັນໄດ້ປີດໃຫ້ ບໍລິການຢ່າງເປັນ ທາງການ, ຊຶ່ງ ພຽງມື້ທຳອິດເທົ່າ ນັ້ນໄດ້ມີຄົນເຈັບ ເຂົ້າມາກວດ ສຸຂະພາບຫຼາຍກວ່າ 500 ຄົນ, ໃນນັ້ນມີຜູ້ເຂົ້າມາເກີດ ລູກ 20 ກໍລະນີ້, ຜ່າຕັດພະຍາດຍິງ 8 ກໍລະນີ້, ຊຶ່ງຖືວ່າໂຮງໝໍຫຼັງໃໝ່ ນີ້ສາມາດຕອບສະໜອງຄວາມ ຕ້ອງການຂອງຄົນເຈັບໄດ້ເປັນ ຢ່າງດີເຊັ່ນ: ສະຖາທີ່ກວ້າງຂວາງ, ສະອາດສວຍງາມ, ເຄື່ອງມືການ
ແພດຄົບຖ້ວມ, ຈຳນວນຕຽງຄົນ ເຈັບມີຫຼາຍກວ່າ 100 ຕຽງ, ເພື່ອ ກຽມພ້ອມຮັບຮອງຄົບເຈັບໄດ້ ຢ່າງພຽງພໍ, ໂຮງໝໍຫຼັງໃໝ່ນີ້ຍັງເຕັມ ໄປດ້ວຍສິ່ງອຳນວຍຄວາມສະ ດວກໃຫ້ແກ່ຍາດພີ່ນ້ອງຜູ້ມາເຝົ້າ ຄົນເຈັບຕ່າງໆ ແລະ ເຊື່ອວ່າໂຮງ ໝໍແຫ່ງນີ້ຈະປະກອບສ່ວນສຳຄັນຕໍ່ວຽກງານສະທາລະນະສຸກ ກໍຄື ຊ່ວຍເບິ່ງແຍງສຸຂະພາບຂອງແມ່ ແລະ ເດັກໄດ້ເປັນຢ່າງດີສາມາດ ປະຕິບັດໄດ້ນະໂຍບາຍການຊ່ວຍ ເຫຼືອຜູ້ທຸກຍາກຂາດເຂີນ.
ອຳນວຍການໂຮງໝໍດັ່ງກ່າວໃຫ້ຮູ້ວ່າ: ໃນ 6 ເດືອນຜ່ານມາມີຄົນ ເຈັບເຂົ້າມາກວດສຸຂະພາບ ຢູ່ໂຮງໝໍແມ່ລະເດັກຫຼັງເກົ່າຫຼາຍກວ່າ 3 ພັນຄົນ, ໃນນັ້ນເຂົ້ານອນປິ່ນປົວ ກວ່າ 2800 ຄົນ ແລະ ສາມາດຮັບ ປະກັນຄວາມປອດໄພໄດ້ 100%.
ແຫລ່ງຂ່າວ: ລາວພັດທະນາ