ດຣ.ເວີນສະຫວັນ ສີວິໄຊ ກັງວົນຫຼາຍໃນນັດທີ່ຈະພົບກັບ ຮວງແອັງອັດຕະປື ໃນວັນອາທິດນີ້, ເຖິງຢ່າງໃດກໍຕາມ ຍັງເຊື່ອຫມັ້ນໃນຄວາມສາມາດນັກເຕະ ແລະ ຄວາມໄດ້ປຽບຂອງນັກເຕະເສີມທັບ.
ດຣ ເວີນສະຫວັນ ສີວິໄຊ ຫຼື ຮູ້ກັນໃນນາມ ອາຈານ ເວີນ PVFC ຜູ້ຊ່ວຍຄູຝຶກທີມ SHB VT FC ໄດ້ເນັ້ນຢໍ້າໃຫ້ນັກເຕະໃນທີມໃນການຝຶກຊ້ອມ ຈົ່ງຫຼີ້ນດ້ວຍຄວາມກະຕືລືລົ້ນ, ເຕັມທີ່ກັບການຝຶກຊ້ອມ, ພັກຜ່ອນຫຼາຍໆ ເຮັດໃນສິ່ງທີ່ເຮົາຮ່ວມກັນສ້າງຂື້ນມາ ຄືການເຮັດດີທີ່ສຸດເພື່ອຮັບໃຊ້ສະໂມສອນ ແລະ ຍັງເນັ້ນໃຫ້ນັກເຕະທຸກຄົນພາກັນຫລີ້ນໃນເກມ ຫນັກໃນເກມ ບໍ່ແມ່ນຫລີ້ນດ້ວຍອາລົມ ຈົ່ງຫລີ້ນດ້ວຍໃຈ ໂດຍສະເພາະການສະສົມບັດເຫລືອງ ຫຼື ແດງ ທີ່ຈະມີຜົນຕໍ່ທີມໃນນັດຕໍ່ໄປ.
ນັດທີ່ຈະພົບກັບຮວງແອັງອັດຕະປືນີ້ ອຈເວີນບອກວ່າ : “ເຮົາໄດ້ປຽບເຂົາໃນເລື່ອງຂອງນັກເຕະເສີມທີມ ເຂົາເຈົ້າຈະໃຊ້ນັກເຕະໂຕເກົ່າຂອງເຂົາ ຄືການສ້າງຄວາມໄດ້ປຽບໃນການເຄາະບານ 1-2 ແລະ ໂຍນໃຫ້ປີກເປັນໂຕເຄື່ອນບານເຂົ້າເຂດປະຕູ. ສະນັ້ນ ພະຍາຍາມໃຫ້ອ້່າຍນ້ອງໃນທີມຈັບບານໃຫ້ໄດ້ປຽບ ແລະ ບໍ່ຕ້ອງຫຼີ້ນຫຼາຍຈັງຫວະ. ຖ້າຊະນະອັດຕະປືໄດ້ ມັນຈະເປັນບາດກ້າວສໍາຄັນ ໃນການສູ້ກັບທີມອື່ນໃນນັດຕໍ່ໄປ”
