ສຳນັກຂ່າວຕ່າງປະເທດ ລາຍງານໃນວັນທີ 26 ມິຖຸນານີ້ວ່າ ກຸ່ມຕິດອາວຸດລັດອິດສະລາມ ຫລື ໄອເອັສ ໄດ້ເປີດສາກບຸກໂຈມຕີເມືອງ 2 ແຫ່ງ ທາງພາກເໜືອຂອງປະເທດຊີເຣຍ ໂດຍສາມາດບຸກຄືບເຂົ້າໄປໃນເມືອງໂຄບານີ ເມືອງໃຫຍ່ທີ່ຕິດກັບຊາຍແດນຂອງປະເທດຕຸຣະກີ ເຊິ່ງພວກເຂົາເຄີຍບຸກຍຶດມາກ່ອນໃນໄລຍະຕົ້ນປີນີ້ ພ້ອມທັງຍັງສາມາດຍຶດພື້ນທີ່ທາງສ່ວນຂອງເມືອງຮາຊາກາ ທາງພາກຕາເວັນອອກສຽງເໜືອຂອງຊີເຣຍ ໄວ້ໄດ້ອີກດ້ວຍ.

ການບຸກໂຈມຕີໃນຄັ້ງນີ້ ກຸ່ມນັກຮົບລັດອິດສະລາມຫລາຍສິບຄົນ ໄດ້ບຸກເຂົ້າໂຈມຕີເມືອງໂຄບານີຈາກ 3 ທິດທາງ ນັບຕັ້ງແຕ່ຕອນເຊົ້າຂອງວັນພະຫັດເປັນຕົ້ນມາ ແລະ ສາມາດຍຶດພື້ນທີ່ຂອງເມືອງໄດ້ແລ້ວຫລາຍຈຸດ ເຮັດໃຫ້ມີຜູ້ເສຍຊີວິດຢ່າງໜ້ອຍ 12 ຄົນ.

ທັງນີ້ ກອງກຳລັງຂອງຝ່າຍລັດຖະບານຊີເຣຍ ໄດ້ຮຽກຮ້ອງໃຫ້ປະຊາຊົນໃນເມືອງໂຄບານີ ໃຫ້ຫລົບລີ້ຢູ່ແຕ່ໃນເຮືອນ ໂດຍໃນຂະນະນີ້ພວກເຂົາກຳລັງສົ່ງກຳລັງເສີມ ເຂົ້າໄປເພື່ອປົກປ້ອງເມືອງໂຄບານີແລ້ວ.