spot_img
Homeຂ່າວຕ່າງປະເທດຣັດເຊຍລະບຸ ມີຊາວອູແກຣນ ໄດ້ຮັບສະຖານະພາບເປັນຜູ້ລີ້ໄພຊົ່ວຄາວແລ້ວ 3 ແສນກ່ວາຄົນ!

ຣັດເຊຍລະບຸ ມີຊາວອູແກຣນ ໄດ້ຮັບສະຖານະພາບເປັນຜູ້ລີ້ໄພຊົ່ວຄາວແລ້ວ 3 ແສນກ່ວາຄົນ!

Published on

558000006829601

ສຳນັກຂ່າວຕ່າງປະເທດລາຍງານວ່າ ໃນວັນພຸດທີ 10 ມິຖຸນາຜ່ານມານີ້ ທ່ານ ເຊີເກ ເຕມຣີຢາໂຄວິດ ຜູ້ອຳນວຍການສຳນັກງານສູນກາງ ການຄວບຄຸມກວດຄົນເຂົ້າເມືອງຂອງຣັດເຊຍ ໄດ້ລະບຸວ່າ ມີພົນລະເມືອງຊາວອູແກຣນ ຫລາຍກ່ວາ 336,000 ຄົນ ໄດ້ຮັບສະຖານະເປັນຜູ້ລີ້ໄພຊົ່ວຄາວໃນຣັດເຊຍແລ້ວ.

ທັງນີ້ ການຖະແຫລງເຖິງຕົວເລກ ການອະນຸມັດໃຫ້ສະຖານະຜູ້ລີ້ໄພຊົ່ວຄາວດັ່ງກ່າວໃຫ້ແກ່ຊາວອູແກຣນໃນເທື່ອນີ້ ແມ່ນມີຂຶ້ນບໍ່ພໍເທົ່າໃດມື້ ຫລັງຈາກທີ່ໂຄສົກກະຊວງສະຖານະການສຸກເສີນຂອງຣັດເຊຍ ໄດ້ລະບຸວ່າ ທາງກະຊວງໄດ້ກະກຽມສົ່ງຂະບວນລົດບັນທຸກ ເພື່ອລຳລຽງການຊ່ວຍເຫລືອດ້ານມະນຸດສະທຳຮອບໃໝ່ ເຊິ່ງເປັນຮອບທີ 29 ເຂົ້າໄປເຂດໂດເນດ ແລະ ລູການ ທາງພາກຕາເວັນອອກຂອງອູແກຣນ ເຊິ່ງໄດ້ປະກາດແຍກໂຕເປັນເອກະລາດ ບໍ່ຂຶ້ນກັບລັດຖະບານກາງຂອງອູແກຣນ.

ຂະບວນລົດຂົນສົ່ງການຊ່ວຍເຫລືອດ້ານມະນຸດສະທຳຄັ້ງນີ້ ແມ່ນຈະມີທັງການຊ່ວຍເຫລືອອາຫານ, ຢາປົວພະຍາດ ແລະ ອຸປະກອນອື່ນໆທີ່ຈຳເປັນ ເຊິ່ງເປັນການຮ້ອງຂໍໂດຍກົງ ຂອງປະຊາຊົນທີ່ອາໄສໃນເຂດດັ່ງກ່າວ ເຊິ່ງສ່ວນໃຫຍ່ແມ່ນເປັນຊາວອູແກຣນທີ່ປາກພາສາຣັດເຊຍ ແລະ ມີຄວາມຜູກພັນທາງປະຫວັດສາດກັຊຣັດເຊຍ.

 

ບົດຄວາມຫຼ້າສຸດ

ຕ້ອນຮັບຢ່າງອົບອຸ່ນ! ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ

ປະທານປະເທດ ຕ້ອນຮັບນາຍົກລັດຖະມົນຕີ ແຫ່ງ ຣາຊະອານາຈັກໄທ ໃນວັນທີ 16 ຕຸລາ 2025 ນີ້, ທີ່ທໍານຽບປະທານປະເທດ, ທ່ານ ທອງລຸນ ສີສຸລິດ ປະທານປະເທດ ແຫ່ງ...

ຍທຂ ຈະສຸມໃສ່ວຽກງານເຄຫາ-ຜັງເມືອງ ນໍ້າປະປາຕາມແຜນພັດທະນາແບບຍືນຍົງ

ວຽກງານເຄຫາ ແລະ ຜັງເມືອງ, ວຽກງານນໍ້າປະປາ ກໍເປັນວຽກງານສໍາຄັນທີ່ພັກ-ລັດ ກໍຄືກະຊວງໂຍທາທິການ ແລະ ຂົນສົ່ງ (ຍທຂ) ໃຫ້ຄວາມສໍາຄັນ ແລະ ຈະສືບຕໍ່ສຸມໃສ່ແກ້ໄຂ ເພື່ອເຮັດໃຫ້ວຽກງານດັ່ງກ່າວບັນລຸຄາດໝາຍຕາມແຜນພັດທະນາແບບຍືນຍົງ. ສະຫາຍ ເຫຼັກໄຫຼ...

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...

ໄລຍະ 3 ເດືອນ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ສາມາດດຶງດູດການລົງທຶນໄດ້ 1 ຕື້ກວ່າໂດລາ

ທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ປະທານຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ໄດ້ລົງຊີ້ນຳວຽກງານ ຫ້ອງການ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ. ໃນຕອນເຊົ້າຂອງ ວັນທີ 13...