spot_img
Homeເກາະຕິດກິລາຊີເກມ‪‎ຫງຽນ‬ ທິ ອັນ ວຽນ ຄວ້າ 4 ຫຼຽນຄຳໃຫ້ທັບກິລາລອຍນ້ຳຫວຽດນາມໃນຊີເກມ 2015

‪‎ຫງຽນ‬ ທິ ອັນ ວຽນ ຄວ້າ 4 ຫຼຽນຄຳໃຫ້ທັບກິລາລອຍນ້ຳຫວຽດນາມໃນຊີເກມ 2015

Published on

ຫງຽນ ທິ ອັນ ວຽນ (Nguyễn Thị Ánh Viên) ນັກກິລາລອຍນ້ຳສາວດາວຮຸ່ງ ໄວ 19 ປີ ສ້າງຜົນງານໄດ້ຢ່າງໂດດເດັ່ນ ດ້ວຍການຄວ້າມາແລ້ວ 4 ຫຼຽນຄຳ, 1 ຫຼຽນເງິນ ແລະ 1 ຫຼຽນທອງ ໃຫ້ທັບນັກກິລາ ສສ ຫວຽດນາມ ໃນການເຂົ້າຮ່ວມແຂ່ງຂັນ ກິລາ ຊີເກມ ຄັ້ງທີ 28 ທີ່ປະເທດສິງກະໂປ ເປັນເຈົ້າພາບ ລະຫວ່າງວັນທີ 5-16 ມິຖຸນາ 2015.

ໃນຊີເກມ ຄັ້ງນີ້ ຫງຽນ ທິ ອັນ ວຽນ ລົງແຂ່ງຂັນໄປແລ້ວ 7 ຈາກທັງໝົດ 13 ລາຍການ ປະກອບມີ: ລອຍທຳມະດາ (Freestyle) 100 ແມັດ, 200 ແມັດ, 400 ແມັດ ແລະ 800 ແມັດ; ລອຍທ່າແມງກະເບື້ອ (Butterfly) 50 ແມັດ, 100 ແມັດ ແລະ 200 ແມັດ; ລອຍທ່າກົບ (Backstroke) 50 ແມັດ, 100 ແມັດ ແລະ 200 ແມັດ ; (Individual Medley) 200 ແມັດ ແລະ 400 ແມັດ. ໂດຍຄວ້າມາໄດ້ແລ້ວ 4 ຫຼຽນຄຳ ຈາກລອຍທຳມະດາ 800 ແມັດຍິງ (Women’s 800m Freestyle), ລອຍກົບ 200 ແມັດຍິງ (Women’s 200 m Backstroke); ລອຍທ່າປະສົມ 200 ແມັດຍິງ (Women’s 200 m Individual Medley) ແລະ ລອຍທ່າປະສົມ 400 ແມັດຍິງ (Women’s 400 m Individual Medley) ສ່ວນ 1 ຫຼຽນເງິນ ໄດ້ຈາກປະເພດລອຍທຳມະດາ 100 ແມັດຍິງ (Women’s 100 m Freestyle) ແລະ 1 ຫຼຽນທອງຈາກ ລອຍກົບ 50 ແມັດຍິງ (Women’s 50 m Backstroke), ໃນຂະນະທີ່ ລອຍທ່າແມງກະເບື້ອ 50 ແມັດຍິງ (Women’s 50 m Butterfly) ໄດ້ອັນດັບ 4 ແລະ ເຫຼືອການແຂ່ງຂັນອີກ 6 ລາຍການ.

ທັງນີ້, ສະຫະພັນລອຍນ້ຳແຫ່ງຊາດຂອງຫວຽດນາມຄາດວ່າ ຫງຽນ ທິ ອັນ ວຽນ ມີລຸ້ນ 7-8 ຫຼຽນຄຳ, ເພາະສົບທຽບສະຖິຕິຫຼ້າສຸດແລ້ວເຫັນວ່າ ຫງຽນ ທິ ອັນ ວຽນ ເໜືອກວ່າຄູ່ແຂ່ງຈາກຊາດອື່ນໆ.

ສຳລັບຜົນງານ ຊີເກມ ຄັ້ງຜ່ານມາ ຫງຽນ ທິ ອັນ ວຽນ ຍາດມາໄດ້ 3 ຫຼຽນຄຳ ແລະ 2 ຫຼຽນເງິນ ຂະນະທີ່ ການແຂ່ງຂັນ ເອຊຽນ ເກມ ຄັ້ງທີ 17 ທີ່ ສ ເກົາຫຼີ ໄດ້ 2 ຫຼຽນທອງ.
ສຳລັບ ຊີເກມ 2015 ຫວຽດນາມ ສົ່ງຄະນະນັກກິລາເຂົ້າຮ່ວມແຂ່ງຂັນທັງໝົດ 602 ຄົນ ປະກອບດ້ວຍນັກກິລາ 392 ຄົນ , ຄະນະນຳ 192 ຄົນ ແລະ ຄະນະແພດຕິດຕາມ 18 ຄົນ ຕັ້ງເປົ້າໝາຍຢ່າງໜ້ອຍ 60-70 ຫຼຽນ ຄຳ ຈາກ 17 ປະເພດກິລາ. ປັດຈຸບັນຍາດມາດໄດ້ແລ້ວ 32 ຫຼຽນຄຳ, 15 ຫຼຽນເງິນ ແລະ 37 ຫຼຽນທອງ ຢູ່ອັນດັບ 3 ຂອງຕາຕະລາງສະຫຼຸບຫຼຽນ.

11402667_866237623413885_8221798725567130641_n

ຂໍ້ມູາຈາກ: seagames2015.com & wikipedia.org

ບົດຄວາມຫຼ້າສຸດ

ສ ເກົາຫຼີ ມອບທຶນຈຳນວນ 6 ລ້ານໂດລາ ເພື່ອຂະຫຍາຍ ແລະ ປັບປຸງລະບົບນໍ້າປະປາ ກຳນົດຈັດຕັ້ງປະຕິບັດ 2025-2029

ລັດຖະບານ ສ ເກົາຫຼີສະໜອງທຶນຊ່ວຍເຫຼືອລ້າໂຄງການຂະຫຍາຍ ແລະ ປັບປຸງລະບົບນໍ້າປະປາຫຼັກຊາວ ເມືອງຄຳເກີດ ພິທີເຊັນບົດບັນທຶກການຮ່ວມມືໂຄງການຂະຫຍາຍ ແລະ ປັບປຸງລະບົບນໍ້າປະປາຫຼັກຊາວເມືອງຄຳເກີດ ແຂວງບໍລິຄຳໄຊ ລະຫວ່າງ ກະຊວງໂຍທາທິການ ແລະ ຂົນສົ່ງ (ຍທຂ)...

ຍທຂ ປະກາດແຕ່ງຕັ້ງທ່ານ ເດດສົງຄາມ ທຳມະວົງ ເປັນຮອງລັດຖະມົນຕີກະຊວງ ຍທຂ

ຍທຂ ປະກາດການຈັດຕັ້ງ ພະນັກງານການນຳຂັ້ນສູງ. ເມື່ອບໍ່ດົນມານີ້, ກະຊວງໂຍທາທິການ ແລະ ຂົນສົ່ງ (ຍທຂ) ປະກາດແຕ່ງຕັ້ງທ່ານ ເດດສົງຄາມ ທຳມະວົງ ເປັນຮອງລັດຖະມົນຕີກະຊວງ ຍທຂ ແລະ ຍົກຍ້າຍ...

ໂຮມຊຸມນຸມ ສະຫລອງວັນສື່ມວນຊົນ ແລະ ການພິມຈຳໜ່າຍ ຄົບຮອບ 75 ປີ

ໂຮມຊຸມນຸມ ສະຫລອງວັນສື່ມວນຊົນ ແລະ ການພິມຈຳໜ່າຍ ຄົບຮອບ 75 ປີ ພິທີໂຮມຊຸມນຸມ ສະເຫລີມສະຫລອງວັນສື່ມວນຊົນ ແລະ ການພິມຈຳໜ່າຍ ຄົບຮອບ 75 ປີ ໄດ້ຈັດຂຶ້ນໃນວັນທີ...

ປກສ ເມືອງບາຈຽງຈະເລີນສຸກແລະ ປກສ ແຂວງຈຳປາສັກສຶກສາອົບຮົມກຸ່ມຍັກຍອກຢາງພາລາຂອງສາມບໍລິສັດ

ກອງບັນຊາການ ປກສ ເມືອງບາຈຽງຈະເລີນສຸກແລະ ປກສ ແຂວງຈຳປາສັກສຶກສາອົບຮົມກຸ່ມຍັກຍອກຢາງພາລາຂອງສາມບໍລິສັດ ວັນທີ 8 ສິງຫາ 2025 ນີ້, ກອງບັນຊາການ ປກສ ເມືອງບາຈຽງຈະເລີນສຸກ ແລະ ປກສ...