ການມີລູກຄົນໜຶ່ງຕ້ອງມາພ້ອມກັບຄ່າໃຊ້ຈ່າຍຫລວງຫລາຍບໍ່ວ່າຈະຄ່າຜ້າອ້ອມ,ຄ່ານົມ ແລະຂອງໃຊ້ອື່ນໆອີກນັບບໍ່ຖ້ວນນີ້ເປັນທີ່ມາຂອງຂ່າວທີ່ສະລົດໃຈລ່າສຸດເມື່ອຄອບຄົວໜຶ່ງໃນຈໍເຈຍຕ້ອງເສຍລູກນ້ອຍໄປພຽງເພາະພວກພວກເຂົາບໍ່ມີເງິນຊື້ນົມໃຫ້ລູກ
ລາຍງານຂ່າວຂອງເດລິເມລລະບຸວ່າແມ່ຂອງເດັກນ້ອຍ ລໍເລນ ຟລິດທິດ ມີນ້ຳນົມບໍ່ພໍ ແຕ່ແທນທີ່ພວກເຂົາຈະໃຊ້ນົມຜົງທົດແທນລໍເລນແລະພໍ່ຂອງເດັກນ້ອຍ ເຮີເບິລ ແລນເດຣນພັດປະສົມນ້ຳລົງໄປໃນນົມແມ່ເປັນເຫດໃຫ້ເດັກນ້ອຍເສັຍຊີວິດຈາກພາວະເມົານ້ຳ ໂດຍທັງສອງກຳລັງຖືກສອບສວນໃນຄະດີຄາດຕະກຳລູກນ້ອຍອາຍຸ10ເດືອນຂອງໂຕເອງການໃຫ້ເດັກນ້ອຍດື່ມນ້ຳຫລາຍເກີນໄປເປັນອັນຕະລາຍຢ່າງຍິ່ງຕໍ່ເດັກນ້ອຍທີ່ມີອາຍຸຕ່ຳກວ່າ1ປີ
ໂຮງໝໍເດັກເຊນຫລຸຍໄດ້ອອກມາອະທິບາຍວ່າຖ້າເດັກນ້ອຍດື່ມນ້ຳຫລາຍເກີນໄປຈະເຮັດໃຫ້ລະດັບໂຊດຽມໃນຮ່າງກາຍເຈືອຈາງຊຶ່ງອາດເຮັດໃຫ້ເກີດອາການເກືອບສົ່ງຜົນກະທົບຕໍ່ສະຫມອງແລະອາດເຮັດໃຫ້ເສັຍຊີວິດໄດ້ນອກຈາກນີ້ລາຍງານຍັງລະບຸວ່າ:ໂດຍປົກກະຕິເດັກນ້ອຍຈະໄດ້ຮັບນ້ຳໃນປະລິມານທີ່ພຽງພໍຈາກນົມແມ່ຫລືນົມຜົງຢູ່ແລ້ວຖ້າແມ່ຮູ້ສຶກວ່າຄວນໃຫ້ລູກດື່ມນ້ຳເພີ່ມຄວນຈຳກັດປະລິມານໃຫ້ບໍ່ເກີນ2-3ອອນຕໍ່ເທື່ອແລະຄວນໃຫ້ເດັກນ້ອຍດື່ມສະເພາະເວລາທີ່ເດັກນ້ອຍກິນນົມແມ່ຫລືນົມຜົງອີ່ມແລ້ວເທົ່ານັ້ນ
ມີໂຄງການຫລາຍໂຄງການເຊັ່ນ:WICຊຶ່ງແຈກນົມຜົງເດັກນ້ອຍໃຫ້ກັບຄອບຄົວທີ່ຕ້ອງການນັບເປັນເລື່ອງທີ່ໜ້າເສົ້າຢ່າງຍິ່ງທີ່ຄອບຄົວດັ່ງກ່າວຕ້ອງສູນເສຍລູກນ້ອຍໄປຈາກຄວາມຮູ້ເທົ່າບໍ່ເຖິງການເຮົາຫວັງວ່າກໍລະນີນີ້ຈະເປັນອຸທາຫອນໃຫ້ກັບຜູ້ປົກຄອງທ່ານອື່ນໆໃຫ້ລະວັງບໍ່ຄວນໃຫ້ເດັກນ້ອຍດື່ມນ້ຳຫລາຍເກີນຈຳເປັນ