spot_img
Homeຂ່າວຕ່າງປະເທດບ່າວເຄັນຢາຮັກແຮງ! ສະເໜີງົວ ແລະ ແກະ ລວມ 150 ໂຕ ຂໍລູກສາວ ບາຣັກ ໂອບາມາ!

ບ່າວເຄັນຢາຮັກແຮງ! ສະເໜີງົວ ແລະ ແກະ ລວມ 150 ໂຕ ຂໍລູກສາວ ບາຣັກ ໂອບາມາ!

Published on

news03

ບ່າວນັກກົດໝາຍຊາວເຄັນຢາ ມັກລູກສາວປະທານາທິບໍດີ ບາຣັກ ໂອບາມາ ຢ່າງແຮງ ສະເໜີງົວ ແລະ ແກະ 150 ໂຕ ເປັນຄ່າດອງ ພ້ອມກຽມສົ່ງຈົດໝາຍໄປຂໍເຖິງຜູ້ນຳອາເມຣິກາອີກດ້ວຍ.

ສຳນັກຂ່າວຕ່າງປະເທດ ລາຍງານໃນວັນທີ 27 ພຶດສະພານີ້ວ່າ ທ່ານ ເຟລິກ ຄິໂປຣໂນ ບ່າວນັກກົດໝາຍຊາວເຄັນຢາ ທຸ່ມຄ່າດອງສຸດຂີດ ຫວັງຂໍລູກສາວປະທານາທິບໍດີສະຫະລັດອາເມຣິກາ ບາຣັກ ໂອບາມາ ໂດຍວາງຄ່າດອງເປັນແກະ 70 ໂຕ, ງົວແມ່ 50 ແລະ ແບ້ອີກ 30 ໂຕ ເຊິ່ງເຂົາໄດ້ປະກາດວ່າ ເຂົາໄດ້ຫລົງຮັກ ນາງ ມາເຣຍ ໂອບາມາ ລູກສາວກົກຂອງປະທານາທິບໍດີສະຫະລັດຢ່າງແທ້ຈິງ.

ທ່ານ ເຟລິກ ເລົ່າວ່າ ເຂົາໄດ້ຫລົງຮັກລູກສາວຜູ້ນຳອາເມຣິກາ ມາຕັ້ງແຕ່ປີ 2008 ແລະ ບໍ່ເຄີຍລົມສາວຄົນໃດອີກເລີຍ ໂດຍເຂົາໄດ້ມີຄວາມຕັ້ງໃຈສັດທາໃນຮັກ ທີ່ມີຕໍ່ ນາງ ມາເຣຍ ເທົ່ານັ້ນ ພ້ອມທັງຍັງບອກອີກວ່າ ຄອບຄົວຂອງເຂົາເອງຍິນດີທີ່ຈະຊ່ວຍເຫລືອເຂົາ ຖ້າຫາກທ່ານ ບາຣັກ ໂອບາມາ ຂຶ້ນຄ່າດອງລູກສາວ ເຊິ່ງຕອນນີ້ ເຂົາກຳລັງສົ່ງຈົດໝາຍໄປເຖິງ ທ່ານ ບາຣັກ ໂອບາມາ ເພື່ອສະແດງຄວາມປະສົງດັ່ງກ່າວ ແລະ ຫວັງວ່າທາງສະຖານທູດສະຫະລັດອາເມຣິກາ ປະຈຳເຄັນຢາ ຄົງຈະມອບສົ່ງຈົດໝາຍຂອງເຂົາ ໄປຫາທ່ານປະທານາທິບໍດີ.

ແນວໃດກໍຕາມ ເຂົາບອກວ່າຈະສົ່ງຈົດໝາຍໄປອີກຫລາຍໆຄັ້ງ ຈົນກ່ວາຈະມີການຕອບຮັບ ແລະ ຮອດປັດຈຸບັນ ຍັງບໍ່ທັນມີຄວາມເຫັນໃດໆ ຈາກທຳນຽບຂາວ ກ່ຽວກັບກໍລະນີດັ່ງກ່າວນີ້ເທື່ອ.

 

 

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...