spot_img
HomeBaby-ແມ່ແລະເດັກແມ່ຍິງແລະເດັກນ້ອຍ ຈະໄດ້ໃຊ້ໂຮງໝໍໃໝ່ ທີ່ທັນສະໄໝແລ້ວ

ແມ່ຍິງແລະເດັກນ້ອຍ ຈະໄດ້ໃຊ້ໂຮງໝໍໃໝ່ ທີ່ທັນສະໄໝແລ້ວ

Published on

New born hospital

ທ່ານ ຮອງສາດສະດາຈານ ດຣ ບົວວັນ ແສນສະຖິດ,ອຳນວຍການ ໂຮງໝໍແມ່ແລະ ເດັກແດງສູນກາງໃຫ້ຮູ້ວ່າ: ປັດຈຸບັນສະພາບຄົນເຈັບລົ້ນໂຮງໝໍແມ່ນມີເພີ່ມຂຶ້ນ ຍ້ອນມີຜູ້ມາໃຊ້ບໍລິການຫຼາຍຂຶ້ນ, ໃນຂະນະທີ່ໂຮງໝໍແມ່ ແລະເດັກ ພັດມີຂະ ໜາດນ້ອຍມີພຽງ 70 ຕຽງນອນ ເທົ່ານັ້ນ ແລະ ມີີສະພາບເກົ່າຊຸດໂຊມ, ຂະນ ະທີ່ຄົນເຈັບເຂົ້າມາປິ່ນປົວສະ ເລ່ຍມື້ໜຶ່ງບໍ່ຕ່ຳກວ່າ 300 ຄົນ,ໃນນັ້ນມີຜູ້ມາ ເກີດລູກຢ່າງໜ້ອຍ 20 ຄົນຕໍ່ມື້ ແແລະ ປິ່ນປົວອື່ນໆອີກ, ສະເລ່ຍແລ້ວ ເດືອນໜຶ່ງບໍ່ຕ່ຳກວ່າ 2 ພັນເທື່ອຄົນ,ແຕ່ຕຽງນອນພັດມີຈຳນວນຈຳກັດ,ຈຶ່ງເຮັດໃຫ້ ເກີດມີສະພາບຄົນເຈັບລົ້ນໂຮງໝໍ ມີຫຼາຍຂຶ້ນ, ແລະ ໃນໄລຍະຜ່ານມາທາງໂຮງໝໍກໍໄດ້ແກ້ໄຂບັນຫານີ້, ໂດຍການສຳສົ່ງຄົນເຈັບທີ່ເຫຼືອຈຳນວນຕຽງນອນ ໄປຍັງໂຮງໝໍສູງກາງແຫ່ງຕ່າງ, ເພື່ອໃຫ້ເຂົາເຈົ້າໄດ້ຮັບການປິ່ນປົວຢ່າງທົ່ວເຖິງ, ແຕ່ກໍຍັງມີຄົນ ເຈັບຈຳນວນໜຶ່ງທີ່ບໍ່ ຍອມໄປໂຮງໝໍອື່ນ,ເຂົາເຈົ້າຍອມນອນຕາມລະບຽງຂອງໂຮງໝໍ, ຊຶ່ງທາງໂຮງໝໍກໍໄດ້ໃຫ້ການ ຊ່ວຍເຫຼືອ ແລະ ເບິ່ງ ແຍງປິ່ນປົວເຂົາເຈົ້າເປັນຢ່າງດີ,ແຕ່ເພື່ອແກ້ໄຂ້ບັນຫາດັ່ງກ່າວໃນໄລຍະ ຍາວລັດຖະບານໄດ້ລົງທືນກໍ່ສ້າງໂຮງໝໍແມ່ ແລະ ເດັກຫຼັງໃໝ່, ເປັນໂຮງໝໍຂະໜາດໃຫຍ່,ມີ ຄວາມທັນສະໄໝ, ຊຶ່ງໄດ້ເລີ່ມກໍ່ສ້າງມາແຕ່ປີ 2013 ແລະ ຮອດປັດຈຸບັນ ແມ່ນສຳເລັດແລ້ວ 100% ແລະ ຄາດວ່າຈະເປີດໃຫ້ບໍລິການໃນເດືອນມິຖຸນານີ້ ແລະ ເຊື່ອວ່າ ຈະສາມາດຮອງຮັບ ຄວາມຕ້ອງການຂອງຜູ້ມາໃຊ້ບໍລິການໄດ້ຢ່າງພຽງພໍ ແລະ ສາມາດແກ້ໄຂບັນຫາຄົນເຈັບລົ້ນໂຮງໝໍໄດ້ເປັນຢ່າງດີ. ໂຮງໝໍຫລັງໃໝ່ນີ້ ເປັນໂຮງໝໍຂະໜາດໃຫຍ່ສາມາດບັນຈຸຕຽງນອນຄົນເຈັບໄດ້ຫຼາຍກວ່າ 150 ຕຽງ, ມີອຸປະກອນ ການແພດທີ່ທັນສະໄໝ ເລະ ມີສິ່ງອຳນວຍຄວາມສະດວກອື່ນໆອີກຫຼາກຫຼາຍສຳເລັດຄົນເຈັບ, ຕັ້ງຢູ່ບ້ານໜອງພະຍາ, ເມືອງໄຊທານີ ນະຄອນຫຼວງວຽງຈັນ.

 

ຂ່າວຈາກ: ລາວພັດທະນາ

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...