ການແຂ່ງຂັນພຣີເມຍລີກ ອັງກິດ ລະດູການ 2014-2015 ນັດທີ 37 ປະຈຳວັນເສົາທີ 16 ພຶດສະພາ 2015 ມີລົງສະໜາມ 7 ຄູ່: ເຊົາແຮມຕັນ ພົບ ແອສຕັນ ວິນລາ, ຊັນເດີແລນ ພົບ ເລສເຕີ ຊີຕີ, ສະເປີ ພົບ ຮັນ ຊີຕີ, ເວສແຮມ ພົບ ເອັບເວີຕັນ, ເບີນລີ ພົບ ສະໂຕກ, ຄວີນສະປາກ ພົບ ນິວຄາສເຊີນ ແລະ ລິເວີພູ ພົບ ຄຣິສຕັນ ພາເລຊ
ຊັນເດີແລນ ທີມອັນດັບ 16 ມີ 36 ຄະແນນຈາກ 35 ນັດ ຊະນະ 3 ຈາກເກມລີກ 5 ນັດ ຫຼ້າສຸດບຸກໄປຊະນະ ເອັບເວີຕັນ 2-0 ເປັນການຄວ້າໄຊຊະນະ 2 ນັດຕິດຕໍ່ກັນ ນັດນີ້ລົງຫຼີ້ນໃນຖີ່ນຕົວເອງ ດິກ ອັດໂວຄາດ ຫວັງ 3 ຄະແນນເທົ່ານັ້ນເພື່ອໜີຈາກການຕົກຊັ້ນ
ເລສເຕີ ຊີຕີ ທີມອັນດັບ 15 ມີ 37 ຄະແນນຈາກ 36 ນັດ ຊະນະ 4 ນັດຈາກເກມລີກ 5 ນັດ ຫຼ້າສຸດລົງຫຼີ້ນໃນຖີ່ນຕົວເອງຊະນະ ເຊົາແຮມຕັນ 2-0 ເປັນການຄວ້າໄຊຊະນະ 2 ນັດຕິດຕໍ່ກັນ ນັດນີ້ອອກມາເຢືອນຄູ່ແຂ່ງທີ່ກຳລັງໜີຕົກຊັ້ນເຊັ່ນກັນ ໄນເຈວ ເຟຍສັນ ຫວັງຊະນະຢ່າງດຽວເພື່ອຄວາມຢູ່ລອດຂອງທີມ
ສະໜາມ: ສະເຕດ້ຽມອອບ ໄລທ໌
ບັນຈຸຜູ້ເຂົ້າຊົມໄດ້: 49,000 ຄົນ
ຜູ້ຕັດສິນ: ມາຕິນ ແອັດກິນສັນ
ເວລາເຕະ: 21:00