ສຳ​ນັກ​ຂ່າວ​ຕ່າງ​ປະ​ເທດ ລາຍ​ງານ​ໃນ​ມື້​ນີ້ (12 ພຶດ​ສະ​ພາ) ນີ້​ວ່າ ໃນ​ເວ​ລາ 12:35 ໂມງ ຕາມ​ເວ​ລາ​ໃນ​ທ້ອງ​ຖິ່ນ ຫລື 14:05 ນາ​ທີ ຕາມ​ເວ​ລາ​ໃນ​ປະ​ເທດ​ລາວ ໄດ້​ເກີດ​ແຜ່ນ​ດິນ​ໄຫວຂະ​ໜາດ 7.4 ແມັກ​ນິ​ຈູດ ໃນ​ຄວາມ​ເລິກ 18.5 ກິ​ໂລ​ແມັດ ໂດຍມີ​ສູນ​ກາງ​ຢູ່​ທິດຕາ​ເວັນ​ອອກ ຫ່າງ​ຈາກ​ນະ​ຄອນ​ຫລວງ​ກາດ​ມັນ​ດຸ ປະ​ມານ 83 ກິ​ໂລ​ແມັດ ໂດຍ​ຄວາມ​ຮຸນ​ແຮງ​ແມ່ນ​ສາ​ມາດ​ຮັບ​ຮູ້​ໄດ້​ໄກ​ເຖິງນະ​ຄອນ​ຫລວງ ນິວ​ເດ​ລີ ປະ​ເທດ​ອິນ​ເດຍ, ລ່າ​ສຸດ ແມ່ນ​ມີ​ລາຍ​ງານ​ຜູ້​ເສຍ​ຊີ​ວິດ​ໃນ​ເບື້ອງ​ຕົ້ນ​ແລ້ວ 42 ຄົນ.