ລາຟາເອວ ນາດາວ ຕ້ອງອອກແຮງເມື່ອຍ ຫຼັງຈາກເອົາຊະນະ ຈອນ ອີດສຼເນີ 2-1 ເຊັດ ຜ່ານເຂົ້າຮອບ 8 ຄົນສຸດທ້າຍໃນການແຂ່ງຂັນເທນນິດ ມອນຕິຄາໂລ ມາດສ໌ເຕີໂອເພັ່ນ ການແຂ່ງຂັນເທນນິດ ເອທີພີ ທົວ ລາຍການ ມອນຕິຄາໂລ ມາດສ໌ເຕີ ທີ່ລັດໂມນາໂກ ເມື່ອວັນທີ 16 ທີ່ຜ່ານມາ

ໃນປະເພດຊາຍດ່ຽວຮອບ 3 ລາຟາເອວ ນາດາວ ມື 3 ຂອງລາຍການຈາກສະເປນ ລົງດວນກັບ ຈອນ ອີດສ໌ເນີ ຈອມເສີບໜັກ ມື 15 ຂອງລາຍການຈາກອາເມລິກາ
ຜົນປະກົດວ່າ ນາດາວ ຕ້ອງອອກແຮງເມື່ອຍເຖິງ 3 ເຊັດ ຈື່ງເອົາຊະນະ ອີດສ໌ເນີ ໄປໄດ້ 2-1 ເຊັດ ດ້ວຍຄະແນນ 7-6 ທາຍເບຣກ 8-6, 4-6 ແລະ 6-3

ໃນຂະນະທີ່ ໂຣເຈີ ເຟເດີເຣີ ອະດີດມື 1 ຂອງໂລກຊາວສະວິດ ພາດທ່າແພ້ໃຫ້ ກາແອວ ມົງຟິວ ຈາກຝຣັ່ງ 0-2 ເຊັດ ຄະແນນ 4-6, 6-7 ທາຍເບຣກ 5-7 ຕົກຮອບ 16 ຄົນສຸດທ້າຍໄປແບບພິກລ໋ອກ

ທາງດ້ານ ມິລອດສ໌ ຣາໂອນິດຊ໌ ມື 4 ຂອງລາຍການຈາກາກນາດາ ຊະນະ ທອມ ໂຣເບໂດ້ ມື 16 ຂອງລາຍການຈາກສະເປນ 2-1 ເຊັດ ຄແນນ 6-3, 3-6, 6-3