spot_img
Homeຂ່າວພາຍ​ໃນຍ້ອງຍໍພະນັກງານ-ກົມກອງ ທີ່ມີຜົນງານອຸປະຖຳກອງປະຊຸມໃຫຍ່ ຄັ້ງທີ IX ຂອງພັກ

ຍ້ອງຍໍພະນັກງານ-ກົມກອງ ທີ່ມີຜົນງານອຸປະຖຳກອງປະຊຸມໃຫຍ່ ຄັ້ງທີ IX ຂອງພັກ

Published on

 

:ພິທີປະດັບຫຼຽນໄຊ, ຫຼຽນກາແຮງງານ ແລະ ມອບໃບຍ້ອງຍໍລັດຖະບານ ໃຫ້ແກ່ພະນັກງານ ແລະ ກົມກອງທີ່ມີຜົນງານ ໃນການອຸປະຖຳກອງປະຊຸມໃຫຍ່ ຄັ້ງທີ IX ຂອງພັກ ໄດ້ຈັດຂຶ້ນໃນວັນທີ 26 ກຸມພາ 2013 ນີ້ ທີ່ສູນການຮ່ວມມືສາກົນ ແລະ ຝຶກອົບຮົມ (ຫຼັກ 5) ນະຄອນຫຼວງວຽງຈັນ ໂດຍມີທ່ານ ບຸນຍັງ ວໍລະ ຈິດ, ກຳມະ ການກົມ ການເມືອງ ສູນກາງພັກ, ຜູ້ປະຈຳການ ຄະນະເລຂາທິການສູນກາງພັກ, ຮອງປະທານປະ ເທດ; ທ່ານ ສົມມາດ ພົນເສນາ, ກຳມະການສູນກາງພັກ, ລັດຖະມົນຕີວ່າການກະຊວງໂຍທາທິການ ແລະ ຂົນສົ່ງ, ຮອງຫົວໜ້າອະນຸກຳມະການ, ຜູ້ປະຈຳການອະນຸກຳມະການເສດຖະກິດ; ມີຫົວໜ້າອະນຸກຳມະການ ເສດຖະກິດ; ມີບັນດາກຳມະການສູນກາງພັກ, ບັນດາຄະນະພັກແຂວງ, ຄະນະພັກກະຊວງ, ບັນດາອົງການຈັດ ຕັ້ງມະຫາຊົນ, ບັນດາລັດວິສາຫະກິດ, ບັນດາບໍລິສັດ ຫ້າງ ຮ້ານ, ບັນດາແຂກທີ່ຖືກເຊີນ ແລະ ພາກສ່ວນທີ່ ກ່ຽວຂ້ອງ ເຂົ້າຮ່ວມ.

ການປະດັບຫຼຽນໄຊ ແລະ ມອບໃບຍ້ອງຄັ້ງນີ້ ມີຜູ້ທີ່ມີຜົນງານດີເດັ່ນໄດ້ຮັບຫຼຽນໄຊແຮງງານຊັ້ນ II ຈຳນວນ 16 ທ່ານ, 6 ກົມກອງ; ຫຼຽນໄຊແຮງງານຊັ້ນ III ຈຳນວນ13 ທ່ານ, 5 ກົມກອງ; ຫຼຽນກາແຮງງານ 10 ທ່ານ, 23 ກົມກອງ ແລະ ມອບໃຍຍ້ອງຍໍລັດຖະບານ 21 ກົມກອງ. ການຍ້ອງຍໍດັ່ງກ່າວໄດ້ມີຂຶ້ນ ໃນໂອ ກາດສະຫຼຸບການ ຈັດຕັ້ງປະ ຕິ ບັດ ວຽກ ງານຂອງອະນຸກຳມະການເສດຖະກິດ ແລະ ການຍ້ອງຍໍພະນັກງານ ແລະ ກົມກອງດີເດັ່ນ ທີ່ມີຜົນງານປະກອບສ່ວນເຮັດໃຫ້ກອງປະຊຸມໃຫຍ່ ຄັ້ງທີ IX ຂອງພັກ ໄດ້ຮັບໝາກຜົນ ຢ່າງ ຈົບງາມ ຊຶ່ງບັນດາອະນຸກຳມະການຕ່າງໆ ໄດ້ເອົາໃຈໃສ່ປະກອບສ່ວນຢ່າງຫ້າວຫັນ ໂດຍສະເພາະ ອະນຸ ກຳມະການເສດຖະກິດ ໄດ້ຂຶ້ນແຜນຄວາມຕ້ອງການດ້ານງົບປະມານ, ພ້ອມ ທັງຕິດຕາມ ກວດກາ ແລະ ສະ ຫຼຸບການເບີກຈ່າຍ ເລີ່ມແຕ່ສົກປີ 2008-2009 ເຖິງສົກປີ 2010-2011 ຊຶ່ງສາມາດສະຫຼຸບການໃຊ້ຈ່າຍ ທີ່ເປັນງົບ ປະມານຂອງລັດ ຕະຫຼອດ ໄລ ຍະ 3 ປີ ມີຈຳນວນ 45 ຕື້ກວ່າກີບ. ນອກນັ້ນ ຍັງມີລາຍຈ່າຍເປັນວັດຖຸ ມີມູນຄ່າ ເກືອບ 450 ລ້ານກີບ ແລະ ມີເງິນອຸປະຖຳຍັງເຫຼືອ 9 ຕື້ກວ່າກີບ ຊຶ່ງຕົວເລກດັ່ງກ່າວ ແມ່ນໄດ້ ຮັບການລາຍງານ ຈາກກະຊວງການເງິນ ສະບັບເລກທີ 1199/ອສກ ລົງວັນທີ 19/05/2011.

ເວົ້າລວມແລ້ວ ຍ້ອນໄດ້ຮັບການຊີ້ນຳຢ່າງໃກ້ຊິດຈາກຂັ້ນເທິງ ກໍຄື ກົມການເມືອງສູນກາງພັກ ບວກ ກັບຄວາມເອົາໃຈໃສ່ຢ່າງຕັ້ງໜ້າ ແລະ ເປັນເຈົ້າການ ຂອງບັນດາພະນັກງານ ແລະ ພາກສ່ວນທີ່ກ່ຽວຂ້ອງ ລວມທັງການສະໜັບສະໜູນ ຊຸກຍູ້ ຈາກບັນດາຄະນະພັກຕ່າງໆ, ບັນດາລັດວິສາສາຫະກິດ, ບໍລິສັດ ຫ້າງ ຮ້ານ ເຮັດໃຫ້ວຽກງານ ຂອງອະ ນຸກຳມະ ການ ເສດ ຖະກິດ ສາມາດດຳເນີນໄປຢ່າງເປັນປົກກະຕິ ແລະ ສຳເລັດຕາມຄາດໝາຍທີ່ວາງໄວ້.

ທີ່ມາhttp://www.kpl.net.la

ບົດຄວາມຫຼ້າສຸດ

ຄົ້ນຄວ້າ-ປຶກສາຫາລື 8 ບັນດາຫົວຂໍ້ທີ່ສໍາຄັນ ໃນກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025

ກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025 ກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025 ໄດ້ໄຂຂຶ້ນໃນຕອນເຊົ້າ ວັນທີ 25 ສິງຫາ2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ ສີພັນດອນ,...

ປັບສູງສຸດ 2,000 ໂດລາ ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ

ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ ພ້ອມທັງຕັ້ງຄ່າປັບໄໝສູງສຸດ 2,000 ໂດລາ ຫຼື ປະມານ 45 ລ້ານກີບ ສຳນັກຂ່າວຕ່າງປະເທດລາຍງານໃນວັນທີ 18 ສິງຫາ 2025 ຜ່ານມາ,...

ປະຫວັດ “ບຸນຫໍ່ເຂົ້າປະດັບດິນ” ປະເພນີລາວທີ່ສືບທອດມາແຕ່ບູຮານນະການ

ວັນບຸນຫໍ່ເຂົ້າປະດັບດິນ ບຸນປະເພນີທີ່ບູຮານໄດ້ພາກັນປະຕິບັດກັນມາ ເພື່ອເປັນການອຸທິດບຸນກຸສົນ ໃຫ້ກັບຍາດຕິພີ່ນ້ອງ ຜູ້ທີ່ລ່ວງລັບໄປແລ້ວ ລວມທັງສັມພະເວສີ ຜີທີ່ບໍ່ມີຍາດ. ຄວາມ​ໝາຍ​ຄວາມ​ສໍາຄັນ​ຂອງ​ບຸນ​ຫໍ່​ເຂົ້າປະດັບດິນ: ຫໍ່​ເຂົ້າປະດັບດິນ ໝາຍ​ເຖິງ ການ​ນໍາ​ເອົາ​ອາຫານ​ຫວານ​ຄາວ ຊີ້ນ​ແຫ້ງ​ປາ​ຕາຍ, ເຂົ້າຕົ້ມເຂົ້າໜົມ, ໝາກ​ໄມ້​ນານາ​ຊະນິດ ແລະ...

ເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ

ເປີດເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ ໃນລະຫວ່າງວັນທີ 15-19 ສິງຫາ 2025 ນີ້, ຄະນະຮັບຜິດຊອບການບັນຈຸຄູອາສາສະໝັກເຂົ້າເປັນກຳລັງປ້ອງກັນຊາດ ນຳໂດຍ ທ່ານ ນາງ ຄຳພັດ ໄຊຍະລິນຄຳ ຮອງຫົວໜ້າກົມສ້າງຄູ...