Homeຂ່າວພາຍ​ໃນທ່ານຮອງນາຍົກລັດຖະມົນຕີ ຕ້ອນຮັບຫົວໜ້າອົງການໄຈກາ ຢ້ຽມອຳລາ

ທ່ານຮອງນາຍົກລັດຖະມົນຕີ ຕ້ອນຮັບຫົວໜ້າອົງການໄຈກາ ຢ້ຽມອຳລາ

Published on

ທ່ານຮອງນາຍົກລັດຖະມົນຕີ ຕ້ອນຮັບຫົວໜ້າອົງການໄຈກາ ຢ້ຽມອຳລາ

 

ຕອນບ່າຍ ວັນທີ 21 ກຸມພາ 2013 ຢູ່ທີ່ກະຊວງການຕ່າງປະເທດ ທ່ານ ດຣ. ທອງລຸນ ສີສຸລິດ ຮອງນາຍົກລັດຖະມົນຕີ ລັດຖະ
ມົນຕີວ່າການ ກະຊວງການຕ່າງປະເທດ ໄດ້ໃຫ້ກຽດຕ້ອນຮັບການເຂົ້າຢ້ຽມຂ່ຳນັບອຳລາຂອງທ່ານ Masato TOGAWA ຫົວໜ້າ
ອົງການຮ່ວມມືສາກົນຍີ່ປຸ່ນ (ໄຈກາ) ປະຈຳລາວ ໂອກາດຈະສຳເລັດໜ້າທີ່ຢູ່ ສປປ ລາວ ໃນທ້າຍເດືອນກຸມພາ 2013 ນີ້.
ທ່ານ ດຣ. ທອງລຸນ ສີສຸລິດ ໄດ້ໃຫ້ການຕ້ອນຮັບອັນອົບອຸ່ນ ສະແດງຄວາມຂອບໃຈຕໍ່ທ່ານຫົວໜ້າອົງການໄຈກາ ທີ່ໄດ້ເອົາໃຈໃສ່
ຢ່າງຕັ້ງໜ້າເຂົ້າໃນການປະກອບສ່ວນວຽກງານພັດທະນາຢູ່ລາວ ເຊິ່ງຕະຫຼອດການມາປະຕິບັດງານໄດ້ຫ້າວຫັນ ຮ່ວມເຮັດວຽກກັບ
ລັດຖະບານລາວ ແຕ່ປີ 2010 ເປັນຕົ້ນມາ ເອົາໃຈໃສ່ຕິດຕາມກວດກາບັນດາໂຄງການ ພ້ອມທັງຂົນຂວາຍທຶນຈາກລັດຖະບານ
ແລະ ປະຊາຊົນຍີ່ປຸ່ນ ເພື່ອປະກອບສ່ວນເຂົ້າໃນວຽກງານການພັດທະນາຢູ່ ສປປ ລາວ ເປັນຕົ້ນແມ່ນວຽກງານການສົ່ງເສີມດ້ານສຶກ
ສາທິການ ສາທາລະນະສຸກ ແລະ ໂຄງການເງິນກູ້ດອກເບ້ຍຕ່ຳ ໂອກາດດັ່ງກ່າວ ທ່ານ Masato TIGAWA ໄດ້ສະແດງຄວາມ
ຂອບໃຈຕໍ່ການຕ້ອນຮັບອັນອົບອຸ່ນຂອງພັກ-ລັດຖະບານ ຕະຫຼອດປະຊາຊົນລາວບັນດາເຜົ່າ ທີ່ໃຫ້ຄວາມຮ່ວມມືຊ່ວຍເຫຼືອການມາ
ປະຕິບັດວຽກງານຕະຫຼອດໄລຍະຜ່ານມາ ອັນໄດ້ເຮັດໃຫ້ວຽກງານການພັດທະນາຢູ່ ສປປ ລາວ ບັນລຸຈຸດປະສົງຕາມເປົ້າໝາຍສອງ
ຝ່າຍວາງໄວ້.
ຂ່າວແຈ້ງຕື່ມວ່າ: ໂອກາດດຽວກັນ ທ່ານ ດຣ. ທອງລຸນ ສີສຸລິດ ຮອງນາຍົກລັດຖະມົນຕີ ລັດຖະມົນຕີວ່າການ ກະຊວງການຕ່າງ
ປະເທດ ກໍໄດ້ໃຫ້ກຽດຕ້ອນຮັບການເຂົ້າຢ້ຽມຂ່ຳນັບຂອງທ່ານ Koichi TAKEI ຫົວໜ້າອົງການໄຈກາປະຈຳລາວຄົນໃໝ່ຕື່ມອີກ.
ທີ່ມາhttp://www.vientianemai.net

ບົດຄວາມຫຼ້າສຸດ

ເຝົ້າລະວັງ-ຮັບມື ພະຍາດອີໂບລາ ຫົວໜ້າກົມຄວບຄຸມພະຍາດຕິດຕໍ່ ລາຍງານສະພາບການລະບາດຂອງພະຍາດອີໂບລາທີ່ເກີດຂຶ້ນໃນທະວີບອາຟຣິກາ (ລາວແມ່ນມີຄວາມສ່ຽງຕໍ່າ)

ໃນວັນທີ 03 ມິຖຸນາ 2026 ທີ່ຜ່ານມາ ທ່ານ ປອ. ດຣ ພອນປະດິດ ສັງໄຊຍະລາດ ຫົວໜ້າກົມຄວບຄຸມພະຍາດຕິດຕໍ່ ລາຍງານກ່ຽວກັບສະພາບການລະບາດຂອງພະຍາດອີໂບລາທີ່ເກີດຂຶ້ນໃນບັນດາປະເທດຢູ່ທະວີບອາຟຣິກາ. ພະຍາດອີໂບລາເປັນພະຍາດທີ່ຕິດຕໍ່ຈາກສັດສູ່ຄົນ ແລະ ເປັນພະຍາດທີ່ຕິດຕໍ່ຈາກຄົນສູ່ຄົນໄດ້...

ມ້າງແກ້ງສະແກມເມີຈີນ ເຈົ້າໜ້າເມືອງໄຊທານີ ເຂົ້າມ້າງແກ້ງສະແກມເມີ ກັກຕົວຜູ້ກະທຳຜິດ 24 ຄົນ ບ້ານຂຸດສາມບາດ ເມືອງໄຊທານີ ນະຄອນຫຼວງວຽງຈັນ

ໂດຍປະຕິບັດຕາມທິດຊີ້ນໍາຂອງທ່ານລັດຖະມົນຕີ ກະຊວງປ້ອງກັນຄວາມສະຫງົບຢ່າງເຂັ້ມງວດ ແລະ ເດັດຂາດ ໃນການສຸມໃສ່ສະກັດກັ້ນ, ຕ້ານ ແລະ ແກ້ໄຂບັນຫາອາຊະຍາກຳທາງໂທລະຄົມ ຫຼື ອາຊະຍາກຳທາງລະບົບຄອມພິວເຕີ ກໍຄື ການປາບປາມພວກສໍ້ໂກງຊັບທາງໂທລະຄົມ ຫຼື ແກ້ງສະແກມເມີ. ຄຽງຄູ່ກັນນັ້ນ,...

ປະທານປະເທດ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ເດີນທາງເຖິງສະໜາມບິນສາກົນຊ່ຽວຊານ ນະຄອນຫາງໂຈ  ແຂວງເຈີ້ຈ່ຽງ  ສປ ຈີນ

ໃນວັນທີ 02 ມິຖຸນາ 2026, ສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ແລະ...