spot_img
Homeຂ່າວພາຍ​ໃນສສຊ ພົບປະ LFA ເລັ່ງປັບປຸງນິຕິກຳກຽມເຊື່ອມໂຍງດ້ານເສດຖະກິດ

ສສຊ ພົບປະ LFA ເລັ່ງປັບປຸງນິຕິກຳກຽມເຊື່ອມໂຍງດ້ານເສດຖະກິດ

Published on

ສສຊ ພົບປະ LFA ເລັ່ງປັບປຸງນິຕິກຳກຽມເຊື່ອມໂຍງດ້ານເສດຖະກິດ

 

ສະມາຊິກສະພາແຫ່ງຊາດ ເຂດເລືອກຕັ້ງທີ I ນຳໂດຍທ່ານນາງ ບົວຄຳ ທິບພະວົງ ຮອງກຳມາທິການເສດຖະກິດແຜນການ-ການ
ເງິນ ສະພາແຫ່ງຊາດ ສະມາຊິກສະພາແຫ່ງຊາດ (ສສຊ) ເຂດເລືອກຕັ້ງທີ I ນະຄອນຫຼວງວຽງຈັນ ລົງພົບປະສະມາຄົມເຟີນີເຈີ
ລາວ (LFA) ໃນວັນທີ 19 ກຸມມພາ 2013 ທີ່ສະມາຄົມເຟີນີເຈີລາວ ສະພາການຄ້າ ແລະ ອຸດສາຫະກຳແຫ່ງຊາດ ໂດຍມີຄະ
ນະບໍລິຫານງານສະມາຄົມເຟີນີເຈີລາວ ພ້ອມບັນດາພາກສ່ວນທີ່ກ່ຽວຂ້ອງ.
ທ່ານນາງ ບົວຄຳ ທິບພະວົງ ກ່າວວ່າ: ຈຸດປະສົງຂອງການລົງມາຄັ້ງນີ້ ແມ່ນປະຕິບັດຕາມກົດໝາຍຂອງສະພາແຫ່ງຊາດ ວ່າດ້ວຍ
ການຕິດຕາມກວດກາ ອີງຕາມພາລະບົດບາດເສດຖະກິດແຜນການ ແລະ ການເງິນ ຕາມທິດຊີ້ນຳຂອງປະທານສະພາແຫ່ງຊາດ
ໃນການນຳເອົາສະພາບຄວາມເປັນຈິງ ເພື່ອປະກອບສ່ວນເຂົ້າໃນການປັບປຸງກົດໝາຍວິສາຫະກິດ ແລະ ກົດໝາຍອຸດສາຫະກຳປຸງ
ແຕ່ງ ທີ່ກ່ຽວພັນກັບການເຄື່ອນໄຫວບັນດາວິສາຫະກິດ ເພື່ອລາຍງານຕໍ່ຂັ້ນສະພາແຫ່ງຊາດ ເພື່ອກະກຽມນຳສະເໜີໃນກອງປະຊຸມ
ສະໄໝສາມັນຂອງສະພາແຫ່ງຊາດ.
ທ່ານ ຄຳໄພ ສົມຊະນະ ປະທານສະມາຄົມເຟີນີເຈີລາວ ໄດ້ລາຍງານໂດຍຫຍໍ້ກ່ຽວກັບການດຳເນີນທຸລະກິດຂອງສະມາຄົມ ເຫັນ
ໄດ້ວ່າ: ການດຳເນີນທຸລະກິດແມ່ນມີຄວາມຫຍຸ້ງຍາກໃນໄລຍະຜ່ານມາ ແມ່ນບັນຫາດ້ານວັດຖຸດິບ ແຕ່ລັດຖະບານໄດ້ອະນຸຍາດໂກ
ຕາໄມ້ 30% ຂອງໂກຕາລັດຖະບານ ປະຈຳປີ 2013 ດັ່ງນັ້ນ ທາງສະມາຄົມຈຶ່ງຈະໄດ້ລົງໄປບັນດາແຂວງ ເພື່ອຊອກຫາວັດຖຸດິບ
ຕາມລັດຖະບານໄດ້ແຈ້ງອອກໄປ ຈຶ່ງສະເໜີຕໍ່ສະມາຊິກສະພາແຫ່ງຊາດເພື່ອນຳສະເໜີຕໍ່ຂັ້ນເທິງ ກໍຄືບັນດາອົງການປົກຄອງທ້ອງ
ຖິ່ນ ເພື່ອເຮັດໃຫ້ພວກເຮົາສຳເລັດໜ້າທີ່ ພ້ອມນັ້ນກໍຕ້ອງໄດ້ເອົາໃຈໃສ່ຕໍ່ບັນດາຫົວໜ່ວຍທຸລະກິດໃນທ້ອງຖິ່ນຕ່າງໆ ເນື່ອງຈາກວ່າ
ໃນໄລຍະຜ່ານມາ ທ້ອງຖິ່ນຍັງບໍ່ທັນອຳນວຍຄວາມສະດວກທຸລະກິດໄມ້ ທີ່ລັດຖະບານສັ່ງຫ້າມຍັງສືບຕໍ່ມີໃນທ້ອງຖິ່ນ ເປັນເຫດໃຫ້
ວັດຖຸດິບໃນ ສປປ ລາວ ບົກແຫ້ງລົງ ການຈັດຕັ້ງມະຕິຄຳສັ່ງ ແລະ ລະບຽບການຕ່າງໆທີ່ລັດຖະບານວາງອອກໄປນັ້ນ ຍັງບໍ່ເຂັ້ມ
ງວດ ການລັກລອບວັດຖຸດິບຍັງເປັນຂະບວນຢູ່ຢາກໃຫ້ທາງຄະນະຜູ້ແທນ ແລະ ພາກສ່ວນກ່ຽວຂ້ອງໃນບັນດາໂຮງຈັກໂຮງງານໃຫ້
ຄົນລາວອອກໜ້າ ເພື່ອສ້າງຜົນປະໂຫຍດໃຫ້ແກ່ເຂົາເຈົ້າ ຕໍ່ກັບບັນຫາດັ່ງກ່າວ ຢາກໃຫ້ຂັ້ນເທິງຕິດຕາມກວດກາຢ່າງຄັກແນ່ ດັ່ງ
ນັ້ນ ທາງສະມາຄົມພວກເຮົາຈຶ່ງຮຽກຮ້ອງເຖິງບັນດາພາກສ່ວນກ່ຽວຂ້ອງຂອງລັດ ຕ້ອງເອົາໃຈໃສ່ຊຸກຍູ້ ແລະ ເຫັນຄວາມສຳຄັນຕໍ່
ນັກທຸລະກິດ ເພື່ອດຳເນີນການເຄື່ອນໄຫວທຸລະກິດໃຫ້ສອດຄ່ອງ ກຽມພ້ອມເຊື່ອມໂຍງເສດຖະກິດກັບພາກພື້ນ ແລະ ສາກົນ ກໍຄື
ການສ້າງວຽກເຮັດງານທຳ ສ້າງລາຍຮັບປະກອບສ່ວນເຂົ້າໃນການລຶບລ້າງຄວາມທຸກຍາກໃຫ້ກັບປະຊາຊົນໃນທ້ອງຖິ່ນຕ່າງໆ.
ສຳລັບການປັບປຸງກົດໝາຍສະບັບດັ່ງກ່າວ ແມ່ນແນໃສ່ສ້າງຄວາມເອື້ອອຳນວຍໃຫ້ກັບບັນດາວິສາຫະກິດໃນການດຳເນີນທຸລະກິດ
ຄຽງຄູ່ກັນນັ້ນ ເພື່ອສ້າງໃຫ້ເປັນນິຕິກຳ ສາມາດສອດຄ່ອງກັບການເຊື່ອມໂຍງເສດຖະກິດກັບພາກພື້ນ ແລະ ສາກົນ.
ທີ່ມາhttp://www.vientianemai.net

ບົດຄວາມຫຼ້າສຸດ

ຄົ້ນຄວ້າ-ປຶກສາຫາລື 8 ບັນດາຫົວຂໍ້ທີ່ສໍາຄັນ ໃນກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025

ກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025 ກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025 ໄດ້ໄຂຂຶ້ນໃນຕອນເຊົ້າ ວັນທີ 25 ສິງຫາ2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ ສີພັນດອນ,...

ປັບສູງສຸດ 2,000 ໂດລາ ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ

ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ ພ້ອມທັງຕັ້ງຄ່າປັບໄໝສູງສຸດ 2,000 ໂດລາ ຫຼື ປະມານ 45 ລ້ານກີບ ສຳນັກຂ່າວຕ່າງປະເທດລາຍງານໃນວັນທີ 18 ສິງຫາ 2025 ຜ່ານມາ,...

ປະຫວັດ “ບຸນຫໍ່ເຂົ້າປະດັບດິນ” ປະເພນີລາວທີ່ສືບທອດມາແຕ່ບູຮານນະການ

ວັນບຸນຫໍ່ເຂົ້າປະດັບດິນ ບຸນປະເພນີທີ່ບູຮານໄດ້ພາກັນປະຕິບັດກັນມາ ເພື່ອເປັນການອຸທິດບຸນກຸສົນ ໃຫ້ກັບຍາດຕິພີ່ນ້ອງ ຜູ້ທີ່ລ່ວງລັບໄປແລ້ວ ລວມທັງສັມພະເວສີ ຜີທີ່ບໍ່ມີຍາດ. ຄວາມ​ໝາຍ​ຄວາມ​ສໍາຄັນ​ຂອງ​ບຸນ​ຫໍ່​ເຂົ້າປະດັບດິນ: ຫໍ່​ເຂົ້າປະດັບດິນ ໝາຍ​ເຖິງ ການ​ນໍາ​ເອົາ​ອາຫານ​ຫວານ​ຄາວ ຊີ້ນ​ແຫ້ງ​ປາ​ຕາຍ, ເຂົ້າຕົ້ມເຂົ້າໜົມ, ໝາກ​ໄມ້​ນານາ​ຊະນິດ ແລະ...

ເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ

ເປີດເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ ໃນລະຫວ່າງວັນທີ 15-19 ສິງຫາ 2025 ນີ້, ຄະນະຮັບຜິດຊອບການບັນຈຸຄູອາສາສະໝັກເຂົ້າເປັນກຳລັງປ້ອງກັນຊາດ ນຳໂດຍ ທ່ານ ນາງ ຄຳພັດ ໄຊຍະລິນຄຳ ຮອງຫົວໜ້າກົມສ້າງຄູ...