ກຸ່ມກໍ່ການຮ້າຍລັດອິດສະລາມ ເຜີຍຄລິບວີດີໂອຂ້າຕັດຄໍຊາວອີອະ 8 ຄົນ ໃນພື້ນທີ່ທາງພາກກາງຂອງປະເທດຊີເຣຍ.
ສຳນັກຂ່າວຕ່າງປະເທດ ລາຍງານໃນວັນທີ 30 ມີນານີ້ວ່າ ກຸ່ມກໍ່ການຮ້າຍລັດອິດສະລາມ ຫລື IS ໄດ້ເຜີຍແຜ່ຄລິບວີດີໂອຂ້າຕັດຄໍຊາຍ ຊາວມຸດສະລິມນິກາຍຊີອະ 8 ຄົນ ເຊິ່ງຄລິບດັ່ງກ່າວໄດ້ຖືກໂພສຕ໌ລົງທາງສື່ສັງຄົມອອນລາຍ ເມື່ອວັນອາທິດ (29 ມີນາ) ທີ່ຜ່ານມາ ໂດຍອ້າງວ່າເຫດການດັ່ງກ່າວ ເກີດຂຶ້ນທີ່ແຂວງຮາມາ ທາງຕອນກາງຂອງປະເທດຊີເຣຍ.
ໃນຄລິບວີດີໂອດັ່ງກ່າວ ປະກົດມີພາບກຸ່ມຊາຍ 8 ຄົນ ຢູ່ໃນຊຸດສີສົ້ມ ມືທັງສອງຂ້າງຖືກມັດຂັດຫລັງໄວ້ ຍ່າງເຂົ້າມາໃນທົ່ງຫຍ້າ ໂດຍມີກຸ່ມເດັກນ້ອຍໄວໜຸ່ມຍ່າງນຳຂະບວນ ກ່ອນທີ່ຈະສົ່ງຊາຍທັງໝົດໃຫ້ກັບກຸ່ມນັກຮົບ IS ໃນຈຳນວນນີ້ ມີເດັກນ້ອຍຊາຍຜູ້ໜຶ່ງເຮັດໜ້າທີ່ເປັນຄົນສົ່ງມີດໃຫ້ນັກຮົບແຕ່ລະຄົນ ກ່ອນທີ່ຈະລົງມືສັງຫານຕັດຄໍຜູ້ເຄາະຮ້າຍທັງໝົດຢ່າງໂຫດຫ້ຽມ.