ກຸ່ມກໍ່ການຮ້າຍລັດອິດສະລາມ ໃຊ້ນັກຮົບເດັກສັງຫານໄວໜຸ່ມອິດສະລາແອນ ອ້າງເປັນສາຍລັບຖືກສົ່ງຕົວມາສອດແນມ.
ສຳນັກຂ່າວຕ່າງປະເທດ ລາຍງານໃນວັນທີ 11 ມີນານີ້ວ່າ ກຸ່ມກໍ່ການຮ້າຍລັດອິດສະລາມ ຫລື IS ໄດ້ເຜີຍແຜ່ຄລິບວີດີໂອລ່າສຸດ ໂດຍສະແດງໃຫ້ເຫັນພາບ ການສັງຫານສາຍລັບຊາວອິດສະລາແອນ ເຊິ່ງໃນວີດີໂອໄດ້ລະບຸລາຍລະອຽດຂອງຜູ້ຖືກສັງຫານຄື ທ້າວ ໂມຮຳເໝັດ ຊາອິດ ອິດສະມາອິນ ມຸດຊາລາມ ເຊິ່ງເປັນໄວໜຸ່ມຊາວອິດສະລາແອນເຊື້ອສາຍອາຫລັບ ອາຍຸ 19 ປີ ໂດຍໄດ້ມີການຖ່າຍໃຫ້ເຫັນໜັງສືຜ່ານແດນຂອງເຂົາ ເພື່ອເປັນການຢັ້ງຢືນຕົວຕົນອີກດ້ວຍ. ຜູ້ເຄາະຮ້າຍລາຍດັ່ງກ່າວນີ້ ໄດ້ຖືກກ່າວຫາວ່າເປັນສາຍລັບ ທີ່ຖືກສົ່ງຕົວເຂົ້າມາລັກສອດແນມພາຍໃນກຸ່ມ ໃນຂະນະທີ່ຄອບຄົວຂອງຜູ້ເຄາະຮ້າຍລາຍດັ່ງກ່າວ ໄດ້ກ່າວກັບສື່ມວນຊົນວ່າ ທ້າວ ມຸດຊາລາມ ບໍ່ມີສ່ວນກ່ຽວຂ້ອງໃດໆກັບກຸ່ມສາຍລັບໂມຊາດຂອງອິດສະລາແອນ.