ແຕ່ງງານໝູ່ 3800 ຄູ່
ເມື່ອວັນອັງຄານ ທີ 3 ມີນາ ທີ່ຜ່ານມາ ຢູ່ທີ່ບ່ອນທໍາການໃຫຍ່ຂອງໂບສຖ໌ ແຫ່ງຄວາມເປັນອັນໜຶ່ງອັນດຽວກັນ ຊຶ່ງກໍ່ຕັ້ງໂດຍນັກບວດຊັນ ມຽງ ມູນ ຊາວເກົາຫຼີໃຕ້ ຈັດພິທີ ແຕ່ງງານໝູ່ 3800 ຄູ່ ພາຍໃນສະໜາມກິລາ ແຖວຊານກຸງໂຊລ ຖືເປັນການຈັດງານແຕ່ງໝູ່ຄັ້ງທີ່ 3 ນັບຕັ້ງແຕ່ ບາທຫຼວງຊັນມຽງມູນ ເສຍຊີວິດ ຈາກການປ່ວຍປອດບວມ ດ້ວຍອາຍຸ 92ປີ ເມື່ອ ເດືອນ ກັນຍາ ປີ 2012
ພິທີແຕ່ງງານໝູ່ຄັັ້ງນີ້ ນາງ ຮັກ ຈາ ຮານ ພັນລະຍາຂອງບາທຫຼວງ ຊັນມຽງມູນ ອາຍຸ72ປີ ດໍາເນີນ ການແທນ ສືບຕໍ່ອຸດົມການຂອງສາມີ ຊຶ່ງຈັດງານສົມລົດໝູ່ ເກືອບທຸກປີຕັ້ງແຕ່ຊ່ວງຕົ້ນທົດສະວັດປີ1960 ໂດຍຊ່ວງປີທໍາອິດຈະມີຄູ່ແຕ່ງງານບໍ່ພໍ່ເທົ່າໃດຄູ່ ແລະ ເພີ່ມຂຶ້ນເລື່ອຍໆຈົນເຖີງ 3000 ຄູ່ໃນປີ 1997 ແລະ ອີກ 21000 ຄູ່ໃນປີ 1999, ຄູ່ແຕ່ງງານສ່ວນໃຫຍ່ເປັນກຸ່ມຄົນໜຸ່ມສາວຫຼາຍຄູ່ເປັນຊາວຕ່າງຊາດ ຕ່າງວັດທະນາທໍາ.
