ໄດ້ຮັບແຮງກະຕຸ້ນຈາກໜັງ “Fifty Shades of Grey” ເຖີງຕ້ອງ ກະທໍາຊໍາເລົາສາວເພື່ອນຮ່ວມຫ້ອງ
ເປັນເລື່ອງ ນັກສຶກສາໜຸ່ມ ວິສະວະໃນສະຫະລັດອາເມລິກາ ກ່ອນເຫດກະທໍາຊໍາເລົາສາວເພື່ອນຮ່ວມຊັ້ນ ຮຽນແບບໜັງດັງເລື່່ອງ “Fifty Shades of Grey”
ວັນທີ 24 ກຸມພາ ທີ່ຜ່ານມາ ສຳນັກຂ່າວ ເດລີ ເມລ໌ ລາຍງານຂ່າວວ່າມີຊາຍໝຸ່ມຊື່ ໂມຮໍາໝັດ ຮັຊເຊນ ອາຍຸ 19ປີ ນັກສຶກສາຄະນະວິສາວະກໍາສາດ ຈາກມະຫາວິທະຍາໄລ ອິລລິນອຍສ໌ຊິກາໂກ ຖືກຕັ້ງຂໍ້ຫາທໍາຮ້າຍຮ່າງກາຍ ແລະ ລ່ວງລະເມີດທາງເພດ ສາວອາຍຸ 19 ເພື່ອນຮ່ວມຫ້ອງຮຽນດ້ວຍການລ່າມເຫຍື່ອ ແລະ ທໍາຮ້າຍຮ່າງກາຍ ລວມທັງກໍ່ອາດຊະຍາກໍາທາງເພດ ຄ້າຍຄືກັບສາກໜັງ ແນວອີໂຣຕິກ ຊື່ດັງເລື່ອງ “Fifty Shades of Grey”
ທັ່ງນີ້ ລາຍງານລະບຸວ່າ ເຫດການດັ່ງກ່າວເກີດຂຶ້ນທີ່ຫໍພັກຂອງຜູ້ກໍ່ເຫດ ໃນມະຫາວິທະຍາໄລດັ່ງກ່າວໂດຍ ຮັຊເຊນ ໃຫ້ການຮັບສາລະພາບກັບເຈົ້າໜ້າທີ່ຕໍາຫຼວດວ່າ ເຂົາໄດ້ຮັບແຮງບັນດານໃຈ ໃນການກໍ່ເຫດໃນຄັ້ງນີ້ມາຈາກໜັງດັງເລື່ອງ “Fifty Shades of Grey” ແທ້, ໂດຍຂະນະກໍ່ເຫດ ລາວໄດ້ໃຊ້ ກາລາວັດ ປິດປາກຂອງຍິງສາວໄວ້ ແລະ ປິດຕາດ້ວຍໝວກຝ້າຍທັກ ແລະ ຕີດ້ວຍສາຍແອວ ລວມທັງຊົກໃສ່ເຫຍື່ອຫຼາຍຄັ້ງ ໂດຍທີ່ຍິງສາວໄດ້ຂໍຮ້ອງໃຫ້ຢຸດທໍາຮ້າຍນາງ ແຕ່ກໍ່ບໍ່ເປັນຜົນ ເພາະຫຼັງຈາກນັ້ນເຂົ້າໄດ້ລ່ວງລະເມີດທາງເພດນາງໃນທີ່ສຸດ
ຢ່າງໃດກໍ່ຕາມ ຂະນະນີ້ ທ້າວ ໂມຮໍາໝັດ ຮັຊເຊນ ຜູ້ກໍ່ເຫດ ໄດ້ຖືກເຈົ້າໜ້າທີ່ຕໍາຫຼວດຈັບຄຸມໂຕ ແລະ ຕ້ອງໃຊ້ເງິນກວ່າ 500 000 ດອນລ່າສະຫະລັດ ໃນການປະກັນໂຕ ຢ່າງໃດກໍ່ຕາມທະນາຍຄວາມຂອງຈໍາເລີຍອ້າງວ່າ ເຫຍື່ອຍິນຍອມທີ່ຈະມີຄວາມສໍາພັນທາງເພດກັບຝ່າຍຊາຍໃນຂະນະນັ້ນ
ທັ່ງນີ້ ພາບພະຍົນເລື່ອງ “Fifty Shades of Grey” ສ້າງຈາກນະວະນິຍາຍຊື່ດັງຂອງນັກຂຽນຊາວອັງກິດ ຊຶ່ງຂະນະນີ້ສ້າງລາຍຮັບຫຼາຍກວ່າ 410 ລ້ານດອນລ່າ ທົ່ວໂລກໃນເວລາພຽງ 2 ອາທິດຫຼັງຈາກເຂົ້າສາຍໃນໂຮງ.