ກຸ່ມຕິດອາວຸດລັດອິດສະລາມ ຂູ່ຊາດຕາເວັນຕົກ ກຽມບຸກຍຶດເມືອງຫລວງຂອງປະເທດອີຕາລີ ບອກຈະໂຍນພວກເກລົງຫໍງ່ຽງປິຊາ.
ສຳນັກຂ່າວຕ່າງປະເທດ ລາຍງານໃນວັນທີ 23 ກຸມພານີ້ວ່າ ກຸ່ມລັດອິດສະລາມ ໄດ້ຂູ່ວ່າຈະບຸກຍຶດນະຄອນຫລວງໂຣມ ເມືອງຫລວງຂອງປະເທດອີຕາລີ ໂດຍລະບຸຈະໂຍນພວກຊາຍຮັກຊາຍ ລົງຈາກຫໍງ່ຽງປິຊາ ສະຖານທີ່ທ່ອງທ່ຽວຊື່ດັງຂອງອີຕາລີ.
ທັງນີ້ ເກຖືເປັນສິ່ງທີ່ຍອມຮັບບໍ່ໄດ້ໃນສັງຄົມຊາວມຸດສະລິມ ໂດຍຜ່ານມາກຸ່ມລັດອິດສະລາມ ໄດ້ເຄີຍລົງມືສັງຫານເກມາແລ້ວ ດ້ວຍການຈັບໂຍນລົງຈາກຕຶກ ເຊິ່ງມີໃຫ້ເຫັນຢູ່ໃນປະເທດຊີເຣຍມາແລ້ວ ເມື່ອຕົ້ນເດືອນທີ່ຜ່ານມາ.
ຢ່າງໃດກໍຕາມ ທາງດ້ານຜູ້ບັນຊາການທະຫານ ພາຍໃນລັດວາຕິກັນຂອງອີຕາລີ ໄດ້ມີການຈັດກຽມກຳລັງທະຫານເຂົ້າອາລັກຂາເຖິງ 110 ຄົນ ເພື່ອໄປປະຈຳການຢູ່ໃນຖະໜົນສາຍສຳຄັນຕ່າງໆ ບ່ອນທີ່ເປັນຈຸດສ່ຽງຕໍ່ການກໍ່ການຮ້າຍ ລວມເຖິງໄດ້ຈັດສົ່ງກຳລັງທະຫານ ໄປປ້ອງກັນຢູ່ຕາມໂຮງຮຽນຂອງຊາວຢິວ ແລະ ເຂດຊຸມຊົນຕ່າງໆອີກດ້ວຍ.