ສື່ທາງການກູບາເຜີຍແຜ່ພາບຖ່າຍລ່າສຸດ ຂອງອະດີດປະທານາທິບໍດີ ຟິແດນ ກາສະໂຕຣ ໃນຕອນຄ່ຳຂອງວັນທີ 2 ກຸມພາຜ່ານມາ ຍັງມີສຸຂະພາບແຂງແຮງດີ.
ສຳນັກຂ່າວຕ່າງປະເທດ ລາຍງານໃນວັນທີ 3 ກຸມພານີ້ວ່າ ສື່ມວນຊົນຂອງກູບາ ໄດ້ເຜີຍແຜ່ພາບຖ່າຍລ່າສຸດຂອງ ທ່ານ ຟິແດນ ກາສະໂຕຣ ຜູ້ນຳການປະຕິວັດກູບາ ໃນອາຍຸ 88 ປີ ພ້ອມກັບ ທ່ານນາງ ດາເລຍ ພັນລະຍາຂອງເພິ່ນເອງ ເຊິ່ງເປັນຮູບພາບການໃຫ້ກຽດອອກມາຕ້ອນຮັບ ຜູ້ນຳສະຫະພາບນັກສຶກສາກູບາ ທີ່ພາກັນຈັດທີມເຂົ້າຢ້ຽມຄຳນັບເຖິງເຮືອນພັກຂອງເພິ່ນເອງ ໃນວັນທີ 23 ມັງກອນຜ່ານມານີ້.
