ດາລາໜຸ່ມ ໜັງເລື່ອງ ພາວເວີຣ໌ ເຣນເຈີຣ໌ ເກີດຢາກຮ້າຍໃສ່ເພື່ອນຮ່ວມຫ້ອງ ຈັບດາບແທງສັງຫານ ກໍາລັງຖືກວິຈານທົ່ວສະຫະລັດ.
ລາຍງານຂອງສໍານັກຂ່າວ ດີອີນດີເພນເດນທ໌ ນັກສະແດງໜຸ່ມ ຣິຄາຣ໌ໂດ ເມດິນ່າ ຈູເນຍຮ໌(Ricardo Medina, Jr.) ຖືກຈັບໃນຂໍ້ຫາຂ້າຕະກໍາ ຫຼັງຕົກເປັນຜູ້ຕ້ອງສົງໃສເອົາດາບແທງເພື່ອນຮ່ວມຫ້ອງ.
ຜູ້ເສຍຫາຍລາຍນີຊື່ວ່າ: ໂຈຊົວ ຊັທເທີຣ໌ ອາຍຸ 36ປີ ຖືກແທງທີ່ບໍລິເວນທ້ອງນ້ອຍຫຼັງຈາກລາວໄດ້ມີການຖົບຖຽງກັບ ເມດີນ່າ ໃນຊ່ວງປາຍຂອງວັນເສົາ (31 ມັງກອນ ) ໃນບ້ານພັກທີ່ຫ່າງໄກໃນເຂດພູເຂົາຂອງລອສແອງເຈລິສ.
ເຈົ້າໜ້າທີ່ຕໍາຫຼວດ ກ່າວວ່າ ເມດີນ່າ ແລະ ແຟນສາວ ໄດ້ເຂົ້າໄປໃນຫ້ອງນອນຂອງພວກເຂົາ ແລະ ປິດປະຕູ ແຕ່ຊັທເທີຣ໌ ໃຊ້ກໍາລັງຍູ້ປະຕູເຂົ້າໄປ ເມດີນ່າຈຶ່ງແທງເຂົາດ້ວຍ ດາບ ທີ່ປະໄວ້ຫຼັງປະຕູ ຊຶ່ງເຫດການດັ່ງກ່າວນີ້ ເຮັດໃຫ້ໜັງເລື່ອງ ພາວເວີຣ໌ເຣນເຈີຣ໌ ຊາມູໄລ ຖືກວິຈານບໍ່ໜ້ອຍ ວ່າມີອິດທິພົນໃນແງ່ຂອງຄວາມຮຸນແຮງ ທີ່ປະກົດໃນໜັງ.
ທັງນີ້ ເມດິນ່າ ອາຍຸ 37ປີ ຮັບບົດເປັນ ເຣດ ເຣນເຈີຣ໌ ໂຄລ ອີແວນສ໌ໃນ ພາວເວີຣ໌ເຣນເຈີຣ໌ສ ໄວລ໌ດ ຟອຣ໌ສ ປີ 2002 ແລະ ຫຼ້າສຸດລາວຮັບບົດໄດເປັນ ເດເກີຣ໌ ໃນພາວເວີຣ໌ ເຣນເຈີຣ໌ ຊາມູໄລ ປີ2012 ຊຶ່ງດາບເປັນອາວຸດປະຈໍາໂຕຂອງລາວໃນໜັງເລື່ອງຕ່າງໆເຫຼົ່ານີ້.
ຂະນະທີ່ລາຍງານຂອງ ເດິແຣປ ລະບຸວ່າ ເມດິນ່າ ໂທແຈ້ງເຈົ້າໜ້າທີ່ຕໍາຫຼວດຫຼັງເກີດເຫດປະມານ 15 ນາທີ ກ່ອນຖືກຈັບ ແລະ ຕັ້ງຂໍ້ຫາຂ້າຕະກໍາ ໂດຍຄ້າປະກັນໂຕຂອງລາວຖືກຕັ້ງຢູ່ທີ່ 1 ລ້ານດອນລາສະຫະລັດ ສ່ວນ ຊັທເທີຣ໌ ຖືກນໍາໂຕສົ່ງໂຮງໝໍໂດຍເລັ່ງດວນ ແຕ່ແພດກໍ່ບໍ່ສາມາດຊ່ວຍຊີວິດລາວໄວ້ໄດ້.
>>ຂອບໃຈແຫຼ່ງຂໍ້ມູນ http://news.sanook.com/1741889/