spot_img
Homeຂ່າວພາຍ​ໃນລາວ​ສູນ​ເສຍ​ອາກອນ​ຢາສູບ ​ເປັນ​ຈຳນວນ​ເງິນ​ຢ່າງ​ຫຼວງຫຼາຍ!

ລາວ​ສູນ​ເສຍ​ອາກອນ​ຢາສູບ ​ເປັນ​ຈຳນວນ​ເງິນ​ຢ່າງ​ຫຼວງຫຼາຍ!

Published on

smoking

ວັນ​ທີ 27 ມັງກອນ​ນີ້ ທ່ານ ນາງ ດຣ ຈູ​ລຽດ ​​ໄຟ​ລ​ໂຊຄ໌, ຜ​ູ້ຕ່າງ​ໜ້າ​ອົງການ​ອະນາ​ໄມ​ໂລກ​ປະຈຳ​ລາວ​ໄດ້​ຖະ​ແຫຼ່ງຜົນ​ຂອງ ​ການ​ປະ​ເມີນ​ການຈັດຕັ້ງປະຕິບັດສົນທິສັນຍາ​ວ່າ​ດ້ວຍ​ການ​ຄວບ​ຄຸມ​ຢາສູບ​ຂອງ ສ ປປລາວ​ຕໍ່​ສື່​ມວນ​ຊົນ​ວ່າ: ລັດ ຖະບານ​ລາວ​ໄດ້ສຸມໃສ່ເຮັດໜ້າທີ່ຂອງຕົນໄດ້​ດີ​ພໍ​ສົມຄວນ​ໃນ​ການຈັດ​ຕັ້ງ​ ປະຕິບັດ​ສົນທິ ສັນຍາ​ສາກົນວ່າ​ດ້ວຍ​ການ​ຄວບ​ຄຸມ ຢາສູບ,ພາຍຫຼັງທີ່ໄດ້​​ໃຫ້​ສັດຕະຍາບັນ​ຕໍ່​ສົນ​ທິສັນຍາ​ດັ່ງກ່າວ​ໃນ​ປີ 2006 ,ຫຼັງ​ຈາກ​ນັ້ນ​ກົດໝາຍ​ວ່າ​ດ້ວຍ​ການ​ຄວບ​ຄຸມ​ຢາສູບ​ກໍ​ໄດ້​ຖືກ​ຮັບຮອງ​ເອົາ​ ໂດຍ​ສະພາ​ແຫ່ງ​ຊາດ​ໃນ​ເດືອນ​ພະ​ຈິກ​ 2009 ​ແລະ​ເພື່ອ​ເຮັດ​ໃຫ້​ກົດໝາຍ​ຄວບ​ຄຸມ​ຢາສູບ​ໄດ້​ຮັບ​ການຈັດ​ຕັ້ງ​ປະຕິບັດ, ບັນດາ​ອົງການ​ຈັດ​ຕັ້ງ​ຂອງ​ລັດຖະບານ​ເປັນ​ຕົ້ນ​ແມ່ນ​ກະຊວງ​ສາທາລະນະ​ ສຸກ,ກະຊວງ​ປ້ອງ​ກັນ​ຄວາມ​ສະຫງົບ, ກະຊວງ​ຄົມມະນາຄົມ​ແລະ​ຂົນ​ສົ່ງ,ສູນ​ກາ​ງສະຫາ​ພັນ​ແມ່ຍິງ​ແລະ​ກະຊວງ​ສຶກສາ​ ທິການ​ແລະ​ກິລາ,​ໄດ້​ອອກດຳ​ລັ​ດ​, ລະບຽບ​ການ​ເພື່ອ​ຈັດ​ຕັ້ງ​ປະຕິບັດ​ກົດໝາຍ​ດັ່ງກ່າວ​ໂດຍ​ອີງ​ຕາມ​ຂະ​ບວນການ​ ທາງ​ກົດໝາຍ,ຊຶ່ງ​ໄດ້​​ເຮັດ​ໃຫ້ຕົວ​ເມືອງ​ປອດ​ຄວັນ​ຢາ​ສູບ​ຖືກສ້າງ ​ຕັ້ງ​ຂື້ນ​ໃນ​ຫຼາຍ​​ເຂດ​ແຂວງ​ທົ່ວ​ປະ​ເທດ, ການ​ໂຄສະນາ​ກ່ຽວ​ກັບ​ຢາສູບ​ແມ່ນ​ມີ​ທ່າ​ອ່ຽງຫຼຸດ​ລົງ​ແລະ​ຍັບ​ເຂົ້າ​ຫາ ການ​ບັນລຸຕາມ​ສົນທິສັນຍາ​ເທື່ອລະ​ກ້າວ.​ ແຕ່ຄຽງຄູ່ກັນນັ້ນໃນປັດຈຸ​ບັນອຸປະສັກ​ທີ່​ສຳຄັນຂອງ​ລາວ​ໃນ​ການປະຕິບ​ັດຕາມ​ ພັນທະ​ຕ່າງໆ​ຂອງ​ສົນທິ​ສັນຍາ​ສາກົນ​ວ່າ​ດ້ວຍ​ການ​ຄວບ​ຄຸມ​ຢາ​ສູບ,​ໂດຍສະ​ ເພາະ​ແມ່ນ​ມາດຕາ 5.3 ​ແມ່ນການປົກ​ປ້ອງ​ນະ​​ໂຍບາຍ​ສຸຂະພາບ​ຈາ​ກການ​ແຊກ​ແຊງ​ຂອງ​ບໍລິສັດ​ຢາສູບ,​ ແມ່ນ​ສັນຍາ​ການ​ລົງ​ທືນ ພາຍ​ໃນ​ທີ່​ລັດຖະບານ​ລາວ​ໄດ້​ລົງ​ນາມ​ກັບ​ບໍລິສັດ​ຢາສູບ ອິມພີຣຽນ​ໃນ​ປີ 2001 ​ເພື່ອ​ຫັນ ​ປ່ຽນ​ກຳມະສິດ​ຢາສູບ​ຂອງ​ລັດ​ທີ່​ກຸ້ມ​ຕົນ​ເອົງ​ເປັນ​ບໍລິສັດ​ຮ່ວມ​ທືນ,​ໃນ​ ສັນຍາ​ແມ່ນ​ໄດ້​ມອບ​ຜົນ​ປະ​ໂຫຍ​ດຢ່າງ​ຫຼວງຫຼາຍ​ໃຫ້​ບໍລິສັດ​ຮ່ວມ​ທືນ,​ໂດຍ​ ປັດຈຸ​ບັນລັດຖະບານ​ລາວ​ໄດ້​ຮັບ​ອາ ກອນ​ຢາສູບ​ພຽງ 15% ຂອງ​ມູນ​ຄ່າ​ການ​ຜະລິດ, ຊຶ່ງ​ບໍ​ສະ​ເພາະ​ແຕ່​ເທົ່າ​ນັ້ນ​ສັນຍາ​ດັ່ງກ່າວ​ຍັງ​ສົ່ງ​ຜົນ​ກະ​ທົບ ທາງ​ລົບ​ຕໍ່​ຄວາມ​ພະຍາຍາມ​ກ່ຽວ​ກັບ​ການ​ຄວບ​ຄຸມ​ຢາສູບ​, ຂະນະ​ທີ່​ສ່ວນ​ແບ່ງ​ການ​ຕະຫຼາດ​ສ່ວນ​ໃຫຍ່​ພັດ​ແມ່ນ​ບໍລິສັດ​ຮ່ວມ​ທືນ​​ເປັນ​ ຜູ້​ໄດ້​ຮັບ ,ຈຶ່ງ​ເຮັດ​ໃຫ້ການ​​ເກັບ​ອາກອນ​ຢາສູບ​​ໃນ​ລາວ​ຕ່ຳ​ກວ່າ​ບັນດາ​ປະ​ເທດ​ໃນ​ອາ​ ຊຽນ, ດັ່ງນັ້ນ​ໃນ​ນາມ​ອົງການ​ອະນາ​ໄມ​ໂລກ​ຂໍ​​ແນະນຳ​ວ່າ: ອາກອນ​ການ​ຊົມ​ໃຊ້​ຢາສູບ​ໃນ​ລາວ​ຢ່າງ​ໜ້ອຍ ຕ້ອງເປັນ 70% ຂອງ​ມູນ​ຄ່າ​ການ​ຂາຍຍ່ອຍ,ສະ​ນັ້ນ​ໄລຍະ​ຜ່ານ​ມາ​ລັດຖະບານ​ລາວ​ໄດ້​ສູນ​ເສຍ​ ອາກອນ​ຢາ ສູບ​ເປັນ​ຈຳນວນ​ເງິນ​ຢ່າງ​ຫຼວງຫຼາຍແລະເຫັນ​ວ່າ​ບັນດາ​ມາດ​ຕະການ​ຕ່າງໆ​ຂອງ​ ສັນຍາ​ການ​ລົງທືນລະຫວ່າງ​ລັດຖະ ບານ​ລາວ​ກັບ ບໍລິສັດ​ຢາສູບ​ແມ່ນຍັງ​ບໍ່​ສອດຄ່ອງ​ກັບ​ສົນທິ​ສາຍາ​ສາກົນ​ວ່າ​ດ້ວຍ​ການ​ຄວບ​ ຄຸມ​ຢາສູບ, ລັດຖະທຳ​ມະນູນ​ແລະ​ນິຕິ​ກຳ​ຂອງ ສປປ ລາວ ​ແມ່ນ​ຄວນ​ລົບລ້າງຫຼື​ດັດ​ແປງໃຫ້​ສອດຄ່ອງ​ພາຍ​ໃຕ້​ຂະ​ບວນ ການ​ຍຸຕິ​ທຳ​ຂອງ​ກົດໝາຍ.

 

ແຫລ່ງ​ຂ່າວ: ລາວ​ພັດ​ທະ​ນາ

 

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...