spot_img
Homeຂ່າວພາຍ​ໃນຜະລິດຕະພັນເຂົ້າລາວ ສ້າງຄວາມສົນໃຈໃຫ້ແກ່ນັກທຸລະກິດ ສ ເກົາຫຼີ

ຜະລິດຕະພັນເຂົ້າລາວ ສ້າງຄວາມສົນໃຈໃຫ້ແກ່ນັກທຸລະກິດ ສ ເກົາຫຼີ

Published on

20150127092135

ໃນ​ໂອກາດ​ທີ່​ທ່ານ ກິມ ບົງ ມູນ ຮອງ​ຫົວໜ້າ​ໜ່ວຍ​ງານ​ສົ່ງເສີມ​ການ​ລົງທຶນ ສູນ​ອາ​ຊຽນ-ສ ເກົາຫຼີ ພ້ອມ​ຄະນະ​ເດີນທາງ​ມາຢ້ຽມຢາມ ​ສປປ ລາວ ວັນ​ທີ 26 ມັງກອນ 2015 ຜ່ານ​ມາ ຄະນະ​ດັ່ງກ່າວ​ໄດ້​ໄປ​ຢ້ຽມຢາມບໍ​ລິສັດ ລາວ​ກະເສດ 2000 ຈຳກັດຜູ້​ດຽວ ທີ່​ບ້ານ​ນາ​ໄຊ ເມືອງ​ໄຊເຊດ​ຖາ ນະຄອນຫຼວງ​ວຽງ​ຈັນ ໂດຍ​ໄດ້​ຮັບ​ການ​ຕ້ອນຮັບ ແລະ ຮັບ​ຟັງ​ການ​ລາຍ​ງານ​ການ​ດຳເນີນ​ທຸລະ​ກິດ​ຂອງ​ບໍລິສັດ​ຈາກທ່ານ​ນາງ ບົວ​ຫອມ ວົງ​ສີ​ປະສົມ ຜູ້ອຳນວຍການ​ບໍລິສັດ ລາວ​ກະເສດ 2000 ຈຳກັດ​ຜູ້​ດຽວ.

ບໍລິສັດ ລາວ​ກະເສດ 2000 ຈຳກັດ​ຜູ້​ດຽວ ເປັນ​ບໍລິສັດ​ທີ່​ດຳເນີນ​ທຸລະ​ກິດ​ດ້ານ​ກະສິກຳ ໂດຍສະເພາະ ການ​ຜະລິດ​ເຂົ້າ​ເປັນສິນຄ້າ ​ດ້ວຍ​ການ​ສົ່ງເສີມ​ຊາວກະສິກອນ ນະຄອນຫຼວງ​ວຽງ​ຈັນ ເຂດ​ທົ່ງ​ຮາບ​ທ່າ​ງ່ອນ ແລະ ແຂວງ​ວຽງ​ຈັນ ປູກ​ເຂົ້າ​ສະໜອງໃຫ້​ແກ່​ບໍລິສັດ ເພື່ອ​ຜະລິດ​ສົ່ງອອກ​ພາຍ​ໃນ ແລະ ປັດຈຸບັນ ພວມ​ກະກຽມ​ສົ່ງ​ອອກ​ຕ່າງ​ປະເທດ ແຕ່​ລະ​ປີ​ບໍລິສັດ​ສາມາດ​ຜະລິດ​ເຂົ້າ​ໄດ້​ປະມານ 3.000 ໂຕນ ມີ 6 ຜະລິດ​ຕະ​ພັນ​ຄື: ເຂົ້າໜຽວ ເຂົ້າຈ້າວ ເຂົ້າກ້ອງ ເຂົ້າກ່ຳ ເຂົ້າກ່ຳ​ຈ້າວ ແລະ ເຂົ້າກ່ຳ​ໜຽວ ໃນເດືອນ​ພະຈິກ 2014 ຜ່ານ​ມາ ທາງ​ສູນ​ອາ​ຊຽນ-ສ ເກົາຫຼີ ໄດ້ຊຸກຍູ້​ສົ່ງເສີມ​ໃຫ້​ບັນດາ​ຫົວໜ່ວຍທຸລະ​ກິດ​ຂອງ​ລາວ​ຫຼາຍ​ກວ່າ 10 ຫົວໜ່ວຍ​ນຳ​ເອົາ​ຜະລິດ​ຕະ​ພັນຂອງ​ຕົນ​ໄປ​ວາງສະແດງ ແລະ ຂາຍ​ຢູ່​ໃນ​ງານ​ວາງສະແດງ​ສິນຄ້າ​ອາ​ຊຽນ-ສ ເກົາຫຼີ ທີ່​ຈັດ​ຂຶ້ນທີ່ ສ ເກົາຫຼີ ໃນ​ນັ້ນ​ກໍ່​ມີ​ບໍລິສັດ ລາວ​ກະເສດ 2000 ທີ່​ໄດ້​ນຳ​ເອົາຜະລິດ​ຕະ​ພັນ​ເຂົ້າ​ໄປ​ວາງ​ສະແດງ ອັນ​ໄດ້​ສ້າງ​ຄວາມ​ສົນໃຈໃຫ້​ແກ່​ບັນດາ​ຫົວໜ່ວຍ​ທຸລະ​ກິດຂອງ ສ ເກົາຫຼີ ມີ​ຄວາມ​ຕ້ອງການ​ຜະລິດ​ຕະ​ພັນ​ເຂົ້າຂອງ​ບໍ​ລິສັດ ລາວ​ກະເສດ 2000 ເປັນ​ຈຳນວນ​ຫຼາຍ​ພັນ​ໂຕນ​ຕໍ່​ເດືອນ ໂດຍສະເພາະແມ່ນ ​ຜະລິດ​ຕະ​ພັນ​ເຂົ້າກ່ຳ ແຕ່​ທາງ​ບໍລິສັດ​ບໍ່​ສາມາດ​ທີ່ຈະ​ສະໜອງ​ໃຫ້​ໄດ້ ເນື່ອງ​ຈາກມີ​ຄວາມ​ຫຍຸ້ງຍາກ​ຫຼາຍ​ດ້ານ ໂດຍ​ສະເພາະກໍ່​ແມ່ນ​ບັນຫາການ​ຂົນສົ່ງ ທີ່​ປະເທດ​ລາວ​ເຮົາບໍ່​ມີ​ທະເລ​ ເຮັດ​ໃຫ້​ມູນ​ຄ່າ​ການຂົນສົ່ງ​ສູງ ແລະ ການ​ໄປ​ຮ່ວມງານ​ວາງສະແດງ​ຄັ້ງ​ນີ້ ​ກໍ່​ໄດ້​ບົດຮຽນ​ຫຼາຍ​ຈາກ ສ ເກົາຫຼີ ເພື່ອມາ​ເປັນ​ບົດຮຽນ​ໃນ​ການ​ປັບປຸງທຸລະ​ກິດ ​ກໍ່​ຄື​ຜະລິດ​ຕະ​ພັນ​ເຂົ້າ​ໃຫ້​ມີ​ຄຸນະພາບ​ດີ​ຂຶ້ນ​ຕື່ມ.

ຜ່ານ​ການ​ຢ້ຽມຢາມ​ເບິ່ງ​ຜະລິດ​ຕະ​ພັນ ແລະ ຮັບ​ຟັງ​ການລາຍ​ງານ​ຂອງ​ຜູ້ອຳນວຍການ​ບໍລິ​ສັດ ລາວ​ກະເສດ 2000 ຄັ້ງ​ນີ້ ເຮັດ​ໃຫ້​ຄະນະ​ຜູ້​ແທນ​ເຫັນ​ໄດ້​ວ່າ ຜະລິດ​ຕະ​ພັນ​ຂອງ​ບໍລິສັດ​ແມ່ນ​ມີຄຸນະພາບ​ສູງ ສາມາດ​ສົ່ງ​ອອກຕ່າງປະເທດ​ໄດ້ ແລະ ທາງ​ສູນອາ​ຊຽນ-ສ ເກົາຫຼີ ຈະ​ສືບຕໍ່​ໃນການ​ເປັນ​ຜູ້​ປະສານ​ງານ​ໃຫ້​ນັກທຸລະ​ກິດ ສ ເກົາຫຼີ ໄດ້​ມາ​ຮ່ວມທຶນ​ນຳ ເພື່ອ​ຜະລິດ​ເຂົ້າ​ເປັນ​ສິນຄ້າ​ເປັນ​ຈຳນວນ​ຫຼວງຫຼາຍ​ ສະໜອງ​ໃຫ້​ຕະຫຼາດ​ພາຍ​ໃນ ແລະ ຕ່າງປະເທດ.

 

ແຫລ່ງ​ຂ່າວ: ວຽງ​ຈັນ​ໃໝ່

 

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...