spot_img
Homeຂ່າວພາຍ​ໃນລັດ​ຊີ້​ແຈງ ເຫດ​ຜົນ​ອະ​ນຸ​ຍາດ ນັກ​ລົງ​ທຶນ​ຂຸດ​ຄົ້ນ-ສຳ​ຫວດບໍ່​ແຮ່ ຢ່າງ​ຫລວງ​ຫລາຍ!

ລັດ​ຊີ້​ແຈງ ເຫດ​ຜົນ​ອະ​ນຸ​ຍາດ ນັກ​ລົງ​ທຶນ​ຂຸດ​ຄົ້ນ-ສຳ​ຫວດບໍ່​ແຮ່ ຢ່າງ​ຫລວງ​ຫລາຍ!

Published on

mining

ໃນໄລຍະ​ດຳ​ເນີນກອງ​ປະຊຸມ​ສະ​ໄໝສາມັນ​ເທື່ອ​ທີ 8 ຂອງ​ສະພາ​​ແຫ່ງ​ຊາດ​ຊຸດ ທີ VII ລະຫວ່າງ​ເດືອນ​ ທັນວາ 25014 ຜ່ານ​ມາ ​ໄດ້ ​ມີ​ປະຊາຊົນ ສະ​ແດງ ຄວາມ​ສົນ​ໃຈ​ຕໍ່ກັບ​ບັນຫາ​ທີ່ລັດຖະບານ​ອະນຸ ຍາດ​ໃຫ້​ນັກ​ລົງ​ທືນຈາກ​ຕ່າງ​ຊາດ​ເຂົ້າ​ມາ​ສຳຫຼວດ ​ແລະ ຂຸດ​ຄົ້ນ​ຊັບພະຍາກອນ​ທຳ​ມະ​ຊາດ​ຂອງ​ປະ​ເທດ​ເຮົາຫຼາຍ​ເກີນ​ໄປ ອາດ​ຈະ​ເກີດ​ບັນຫາ​ຕາມ​ມາ​ໃນ​ອະນາຄົດ.

ຕໍ່ກັບ​ບັນຫາ​ນີ້ ທ່ານ ແກ້ວ ຄຳ​ຜາ​ວົງ ຮອງ​ຫົວໜ້າກົມ​ບໍ່​ແຮ່ ກະຊວງ​ພະລັງງານ ແລະ ບໍ່​ແຮ່ ໄດ້​ຊີ້​ແຈງ​ຢູ່​ສະພາ​ແຫ່ງ​ຊາດ ​ໃນ​ທ້າຍ​ອາທິດ​ຜ່ານ​ມາ​ວ່າ: ລັດ​ຖະບານ​ມີ​ເປົ້າໝາຍ​ເລັ່ງ ພັດທະນາປະ​ເທດ​ຊາດ​ໃຫ້ຫຼຸດພົ້ນ​ອອກ​ຈາກ​ຄວາມ​ດ້ອຍ​ພັດທະນາ​ໃນ​ປີ 2020, ການ​ເລືອກ​ເອົາ​ບໍ່​ແຮ່​ກໍຄື​ທ່າ​ແຮງ​ບົ່ມ​ຊ້ອນທີ່ເຂົ້າມາໝູນ​ໃຊ້ ​ໄປ​ພ້ອມ​ກັບ​ຂະ​ແໜງການທີ່​ມີ​ທ່າ​ແຮງອື່ນ​ໆ ອີກ. ສຳລັບການ​ອະນຸຍາດ​ລົງ​ທືນດ້ານ​ບໍ່​ແຮ່ຂັ້ນຕອນ​ທັງໝົດກໍ​ໄດ້​ຜ່ານ​ປະຕູ​ດຽວ​ໂດຍ​ມີຫຼາຍພາກ ສ່ວນ​ທີ່​ກ່ຽວຂ້ອງ​ເຊັ່ນ: ກະຊວງ​ຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ, ກະຊວງ​ພະລັງງານ

ແລະ ບໍ່​ແຮ່, ກະຊວງ​​ແຜນການ ແລະ ການ​ລົງ​ທືນ, ​ໄດ້​ສົມທົບ​ກັບ ແຂວງ ​ແລະ ທ້ອງ​ຖິ່ນເພື່ອມາ​ປຶກສາ​ກັນ ບັນທຶກ​ເປັນ​ລາຍ​ລັກ​ອັກ ສອນ, ຫຼັງຈາກ​ນັ້ນຈຶ່ງ​ສາມາດ​ໃຫ້​ບໍລິສັດ​ເຂົ້າ​ມາ​ເຊັນ​ສັນຍາ​ສຳ​ປະທານ​ສຳຫຼວດ ​ແລະ ຂຸດ​ຄົ້ນ​ບໍ່​ແຮ່​ໄດ້.

ທ່ານ ຮອງ​ຫົວໜ້າກົມ ຍັງ​ໄດ້​ກ່າວ​ອີກ​ວ່າ: ປັດຈຸບັນ​ນີ້ ມີ 170 ບໍລິສັດ​ທີ່​​ເຂົ້າ​ມາ​ສຳ ຫຼວດ ​ໃນ​ນັ້ນ ມີ​ເນື້ອ​ທີ່ 1 ແສນ​ກ່ວາຕາ​ລາງ​ກິ​ໂລ​ແມັດ, ຖ້າ​ທຽບ​ໃສ່​ເນື້ອ​ທີ່​ປະ​ເທ​ດກວມ​ເອົາ 43 % ​ແລະ ຂັ້ນຕອນ​ໃນ​ການ​ສຳຫຼວດຢູ່​ພາຍ​ໃຕ້​ການ​ຄຸ້ມ​ຄອງ​ກະຊວງ​ຊັບພະຍາກອນ​ທຳ​ມະ​ຊາດ ​ແລະ ສິ່ງ​ແວດ​ລ້ອມ. ບໍລິສັດ​ທີ່​ໄດ້​ສຳ​ປະທານ​ການ​ຂຸດ​ຄົ້ນ​ບໍ່​ແຮ່ມີ​ພຽງ​ແຕ່ 71 ບໍ ລິສັດ​ ທຽບ​ໃສ່ ເນື້ອ​ທີ່​ຂອງ​ປະ​ເທດ​​ແມ່ນກວມ​ພຽງ 1,3 %, ການ​ຊອກ​ສຳຫຼວດ​ເຖິງ​ແມ່ນ​ວ່າ​ຈະ​ມີ​ເນື້ອ ທີ່ ຫຼາຍ​ແຕ່​ຄວາມ​ເປັນ​ໄປ​ໄດ້​ໃນ​ຕົວ​ຈິງ​ຂອງ​ການ​ຂຸດ​ຄົ້ນ​ແມ່ນໜ້ອຍ ​ເຊິ່ງບໍ່ມີ​ຫຍັງທີ່​ຈະ​ຕ້ອງ​ກັງວົນ ເພາະ​ເບື້ອງ​ລັດ​ໄດ້​ມີ​ການ​ຄຸ້ມ​ຄອງ​ທີ່​ດີ.

 

ແຫລ່ງ​ຂ່າວ: ລາວ​ພັດ​ທະ​ນາ

 

ບົດຄວາມຫຼ້າສຸດ

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...

ພະນັກງານກວດກາ ສປປ ລາວ 30 ທ່ານ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນ

ພະນັກງານກວດກາ ສປປ ລາວ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນໃນລະຫວ່າງວັນທີ 17-25 ຕຸລາ 2025...

ກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ

ນາຍົກລັດຖະມົນຕີ ເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 47 ແລະ ບັນດາກອງປະຊຸມສຸດຍອດທີ່ກ່ຽວຂ້ອງ ໃນວັນທີ 26 ຕຸລາ 2025 ທີ່ກົວລາລໍາເປີ ປະເທດ ມາເລເຊຍ, ທ່ານ ສອນໄຊ...

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...