spot_img
Homeຂ່າວພາຍ​ໃນຈຳນວນພາຫະນະຢູ່ນະຄອນຫຼວງ ເພີ່ມຂຶ້ນຫຼາຍກວ່າ 6 ແສນຄັນ

ຈຳນວນພາຫະນະຢູ່ນະຄອນຫຼວງ ເພີ່ມຂຶ້ນຫຼາຍກວ່າ 6 ແສນຄັນ

Published on

20150119083706

ໂດຍ​ລວມ​ແລ້ວ ​ເຫັນ​ວ່າ​ຢູ່​ນະຄອນຫຼວງ​ວຽງ​ຈັນຂອງ​ພວກ​ເຮົາ ເສດຖະກິດ​ມີ​ການ​ຂະ​ຫາຍ​ຕົວຢ່າງ​ຕໍ່ເນື່ອງ ພື້ນຖານ​ໂຄງ​ລ່າງ​ໄດ້​ຮັບ​ການ​ພັດທະນາ ແລະ ຊີວິດ​ການ​ເປັນ​ຢູ່​ຂອງ​ປະຊາຊົນ​ກໍ່ນັບ​ມື້​ດີ​ຂຶ້ນ​ເລື້ອຍໆ ການ​ຊົມໃຊ້​ພາຫະນະ​ປະເພດ​ລົດຈັກ ແລະ ລົດ​ໃຫຍ່​ແມ່ນ​ນັບ​ມື້​ເພີ່ມ​ຂຶ້ນ​ໃນ​ແຕ່​ລະ​ປີ ຈາກ​ສະຖິຕິ​ການ​ມາຂຶ້ນ​ທະບຽນ​ຢູ່​ກອງ​ຄຸ້ມ​ຄອງ​ພາຫະນະ ແລະ ການ​ຂັບ​ຂີ່​ນະຄອນຫຼວງ​ວຽງ​ຈັນ ແລະ ຕາມ​ການ​ພົບ​ເຫັນ​ຕົວ​ຈິງ ​ຂອງ​ພາຫະນະ​ທີ່​ສັນຈອນ​ຢູ່​ຕາມ​ເສັ້ນທາງ​ຕົວເມືອງ​ນະຄອນຫຼວງ​ ເຫັນ​ວ່າ​ນັບ​ມື້​ແອ​ອັດ ແລະ ການ​ເພີ່ມ​ຂຶ້ນ​ຂອງ​ພາຫະນະ​ມັນ​ໄດ້​ສະແດງ​ໃຫ້​ເຫັນ​ວ່າ ເສດຖະກິດ​ຂອງ​ແຕ່​ລະ​ຄອບຄົວ​ຂອງ​ປະຊາຊົນ​ກໍ່​ນັບ​ມື້​ດີ​ຂຶ້ນ.

ທ່ານ ນວນ​ໄຊ ພະ​ໄຊ​ສົມບັດ ຫົວໜ້າ​ກອງ​ຄຸ້ມ​ຄອງ​ພາຫະນະ ແລະ ການ​ຂັບ​ຂີ່ ນະຄອນຫຼວງວຽງ​ຈັນ ໄດ້​ກ່າວ​ວ່າ: ຈຳນວນພາຫະນະ​ປະເພດ​ລົດຈັກ ແລະ ລົດ​ໃຫຍ່​ທີ່​ມາ​ຂຶ້ນ​ທະບຽນ (ໃສ່ປ້າຍ) ຢູ່​ກອງ​ຄຸ້ມ​ຄອງ​ພາຫະນະ ແລະ ການ​ຂັບ​ຂີ່​ນະຄອນຫຼວງວຽງ​ຈັນ (ທົ່ງ​ປົ່ງ) ສະເພາະປີ 2014 ຜ່ານ​ມາ​ແມ່ນ​ມີ​ທັງ​ໝົດ 661.612 ຄັນ ທຽບໃສ່​ປີ 2013 ແມ່ນ​ເພີ່ມ​ຂຶ້ນ 3% ແລະ ຖ້າທຽບໃສ່​ຈຳນວນ​ປະຊາກອນ​ຂອງນະຄອນຫຼວງ​ວຽງ​ຈັນ​ທີ່​ມີ​ໃນ​ປັດຈຸບັນ​ ປະມານ 8 ແສນ​ຄົນ ເຫັນ​ວ່າຈຳນວນ​ພາຫະນະ​ ແມ່ນ​ມີ​ຈຳນວນ​ຫຼວງຫຼາຍ​ເກືອບ​ຜູ້​ລະ​ຄັນ ໃນ​ຈຳນວນ​ດັ່ງກ່າວ​ນັ້ນ ປະເພດລົດຈັກ​ມີ​ຈຳນວນ 462.851 ຄັນ ລົດ​ສາມ​ລໍ້ 3.412 ຄັນ ລົດ​ເກງ 41.785 ຄັນ ລົດ​ກະບະ 84.890 ຄັນ ລົດ​ຈິບ 17.457 ຄັນ ລົດ​ຕູ້ 24.952 ຄັນ ລົດ​ບັນທຸກ 24.668 ຄັນ ແລະ ລົດ​ໂດຍສານ 1.597 ຄັນ ໃນ​ນີ້ ປ້າຍ​ລັດ​ຖະການ 17.483 ຄັນ ປ້າຍ​ເອກະຊົນ​ລາວ 528.301 ຄັນ ປ້າຍເອກະ​ຊົນ​ຕ່າງ​ດ້າວ 3.672 ຄັນ ປ້າຍ​ທຸລະ​ກິດ 1% ຫຼື ຍົກເວັ້ນ 22.254 ຄັນ ປ້າຍ​ທຸລະ​ກິດ 100% 80.011 ປ້າຍ ​ສທ (ສະຖານ​ທູດ) 1.158 ຄັນ ປ້າຍ ​ຂຕ (ຕ່າງປະເທດ) 4.766 ຄັນ ປ້າຍ ສປຊ (ອົງການ​ສະຫະ​ປະຊາຊາດ) 1.000 ຄັນ ປ້າຍ​ຊົ່ວຄາວ 2.941 ຄັນ ແລະ ປ້າຍ ​ສງ 26 ຄັນ.

 

ແຫລ່ງ​ຂ່າວ: ວຽງ​ຈັນ​ໃໝ່

 

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...