spot_img
Homeຄົມຄິດຄົມຄົນຄຳສຸພາສິດກອນ "ເຂົ້າບາຕ" ແລະ "ການທໍາບຸນ"

ກອນ “ເຂົ້າບາຕ” ແລະ “ການທໍາບຸນ”

Published on

 04la394

              ເຂົ້າບາຕ

ກອນຮ່າຍ,ລໍາ ” ກອນສິບ “

ຕັກບາຕ ພໍຜ່ານພົ້ນ…ບາງຄົນລຸກ ຢືນໂຕ

ບາງຄົນ ໂມທະນາ…ຍົກໃສ່ ເກສາເກົ້າ

ບາງຄົນ ຈົກເອົາເຂົ້າ…ຕິດຕາມເສົາ ຕ້າຍປ່່ອງ

ທານເຜຕຜີ ພວກພ້ອງ…ຜອງເຊື້ອ ເພື່ອບໍ່ມີ

 

ພວກວິນຍານ ໝູ່ນີ້…ທີ່ທຽວທ່ອງ ໄປມາ

ກາຍເປັນ ອາສູຣະ…ຍາຕບໍ່ມາ ທານທອດ

ຮອດເມື່ອວັນ ສິລສ້າງ…ພາງກັນຄາງ ອ້ອຍອິ່ງ

ພາກັນວິ້ງ ແລ່ນເຕັ້ນ…ເປັນວໍ້ ພໍ້ເຄື່ອງຂອງ

 

ເຂົ້າບາຕເຫຼືອ ພີ່ນ້ອງ…ຢ່າລືມຜ່ອງຊຸມຜີ

ທານເຂົາມີ ຄວາມສຸຂ…ທຸກຂ໌ບໍ່ກາຍ ມາໃກ້

ບຸນຍ໌ຜລາ ຊິພາໃຫ້…ໄປຊູອວນ ຊ້ວນຊ່ວຍ

ຍາມເຮົາມຸດ ມອດມ້ວຍ…ບຸນຍ໌ຊິຊ້ວຍ ສົ່ງສູງ!

 

ແກ້ວ ຊຸ່ມ ເພັນ ມຸ້ງໜ້າ…ໄປຫາຍ່າ ຈໍາປາ

ຫົວໜ້າຄຸມ ເຄຫາສ໌…ແຕ່ງພາ ຈັ່ງຫັນເຊົ້າ

ອາຫານຫວານ ຄາວເຂົ້າ…ຍາຕໂຍມເຂົາ ເອົາໃສ່

ທັງເຂົ້າຕອກ ດອກໄມ້…ຫຼາຍລົ້ນ ເລີຖປະມານ

 

ຈັດສັນເສັດ ຮຽບຮ້ອຍ…ເອີ້ນຄົນຊ່ອຍ ຊຸມຊາຍ

ຍົກພາຫວາຍ ໄປເຄນ…ຕໍ່ພຣະເນນ ຈົວນ້ອຍ

ມີທັງກອຍ ມັນດ້າງ…ພາງໝາກນອຍ ປາປົ່ນ

ມີທັງປີ້ງ ໄກ່ໂຈ້ນ…ຜົລໄມ້ ໝາກແຕງ

 

ມີທັງແກງ ທັງຂົ້ວ…ຊີ້ນງົວອ່ອນ ປາເຜົາ

ທັງລາບເທົາ ຫົວຫອຍ…ກ້ອຍກຸ້ງ-ປາ ຊິວອ້າວ

ປີ້ງປາຂາວ ປາແຂ້…ລວກດອກແຄ ຂ່າອ່ອນ

ສົ້ມປາພອນ ແຈ່ວຈ້ໍາ…ໝົກໝ້ໍາ ແລະ ແຈ່ວບອງ

 

ຝອຍທອງ ຂອງຫວານຖ້ວຍ…ກ້ວຍງ້າວໄຂ່ ຂຽວເຫຼືອງ

ທຸກເຍື່ອງ ລ້ວນຍໍຍົກ…ພ້ອມໂຕກຂັນ ໂຖນໍ້າ

ຖ້ວຍຊາມຈານ ຈັດຖ້າ…ຜ້າເຊັດມື ສ້ອມບ່ວງ

ຫໍແຈກກ້ວາງ ຕໍ່ກ້ວາງ…ເປັນລວງຕັ້ງ ຍື່ນຍາວ

 

ພຣະເນນຈົວ ສັນເຂົ້າ…ແມ່ຂາວນັ່ງ ຈັດຂອງ

ເກັບເງິນທອງ ຂອງທານ…ແຍກຈາກກັນ ມັນມົ້ວ

ມີທັງຫົວ ມັນດ້າງ…ບ້າງໃສ່ເງິນ ໃໝ໊ໃໝ່

ມີທັງຊໍ່ ດອກໄມ້…ມະລັຍກົ້ວ ກິ່ນຫອມ

 

ສາວສາວ ພາກັນລ້ອມ…ພ້ອມຈັດໃສ່ ໃນພານ

ຈໍາປາບານ ດາວເຮືອງ…ກີບດອກເຫຼືອງ ຫອມເອົ້າ

ອຸບົລບານ ຄັດເຄົ້າ…ຈໍາປາຂາວ ແດງອ່ອນ

ອິນທວາ ດອກຊ້ອນ…ສະອອນປ້າ ບາດທ່າແນມຯ

 

ປະພັນທ໌ໂດຍ:  ຂຽດຂາຄໍາ ທັມມະວົງສາ.

>>ຂອບໃຈ https://sites.google.com/site/laopoemsandbooks/

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...