spot_img
Homeຂ່າວພາຍ​ໃນປະທານປະເທດ ລົງຊຸກຍູ້ການຜະລິດ ຢູ່ເມືອງສີສັດຕະນາກ ແລະ ຫາດຊາຍຟອງ

ປະທານປະເທດ ລົງຊຸກຍູ້ການຜະລິດ ຢູ່ເມືອງສີສັດຕະນາກ ແລະ ຫາດຊາຍຟອງ

Published on

mr.choum

 

ຂປລ. ໃນຕອນເຊົ້າວັນທີ 14 ມັງກອນ 2015 ທ່ານ ຈູມມາລີ ໄຊຍະສອນ ປະທານປະເທດ ແຫ່ງ ສປປ ລາວ ພ້ອມດ້ວຍຄະນະ ໄດ້ລົງຊຸກຍູ້ການຜະລິດ ຢູ່ເມືອງສີສັດຕະນາກ ແລະ ຫາດຊາຍຟອງ ນະຄອນຫລວງວຽງຈັນ ໂດຍມີທ່ານເຈົ້າຄອງ, ຮອງເຈົ້າຄອງນະຄອນຫລວງວຽງຈັນ, ບັນດາທ່ານລັດຖະມົນຕີວ່າການ, ຊ່ວຍວ່າການ, ທ່ານເຈົ້າເມືອງ ແລະ ພະແນກການທີ່ກ່ຽວຂ້ອງ ເຂົ້າຮ່ວມເຄື່ອນໄຫວ.

ໂອກາດຢ້ຽມຢາມເມືອງຫາດຊາຍຟອງ ທ່ານປະທານປະເທດ ແລະ ຄະນະ ໄດ້ຢ້ຽມຢາມຟາມກະສິກຳ ພັນເພັດ ການກະເສດ ແລະ ໄດ້ຮັບຟັງການ ລາຍງານຈາກທ່ານ ທອງສະຫວັນ ມີບຸນ ປະທານບໍລິສັດ ພັນເພັດກະສິກຳ ຈໍາກັດ ບ້ານໜອງແຫ້ວ ເມືອງຫາດຊາຍຟອງ ກ່ຽວກັບການເຄື່ອນໄຫວຂອງບໍລິສັດ ເຊິ່ງ ຈຸດປະສົງຕົ້ນຕໍແມ່ນສົ່ງເສີມການປູກເຂົ້າ ເປັນແນວພັນລຸ້ນ 3 ເຂົ້າບໍລິໂພກ ແລະ ລ້ຽງສັດເປັນສິນຄ້າ ຕອບ ສະໜອງຕະຫລາດພາຍໃນ ແລະ ຕ່າງປະເທດ ຕາມແນວທາງນະໂຍບາຍຂອງພັກ ແລະ ລັດຖະບານ ກໍຄື ນະໂບຍາຍຂອງອຳນາດການປົກຄອງ ນະຄອນຫລວງວຽງຈັນ, ປະກອບສ່ວນ ເຂົ້າໃນການຜະລິດ ເພື່ອຄໍ້າ ປະກັນສະບຽງອາຫານ ແກ້ໄຂຄວາມທຸກຍາກຂອງປະຊາຊົນລາວບັນດາເຜົ່າ ພາຍໃນເມືອງ ກໍຄື ໃນຂອບ ເຂດນະຄອນ ຫລວງວຽງຈັນ ທັງໄດ້ຊຸກຍູ້ຊາວນາ ໃນເຂດເມືອງຫາດຊາຍຟອງ ປູກເຂົ້າຕາມນະໂຍບາຍຂອງ ພັກ ແລະ ລັດ ໃນຮູບແບບ 2 ບວກ 3 ເຊິ່ງເຫັນໄດ້ວ່າ ໄດ້ຜົນສຳເລັດເປັນກ້າວໆມາ.

ມາຮອດລະດູນາປີ 2013-2014 ທາງບໍລິສັດ ໄດ້ຈັດຕັ້ງກຸ່ມຊາວນາເຮັດການຜະລິດກະສິກໍາ ໂດຍ ສະເພາະແມ່ນ ການປູກເຂົ້າ ດ້ວຍກົນຈັກ ສາມາດຈັດຕັ້ງປະຕິບັດໄດ້ 8 ກຸ່ມ ມີຈຳນວນຄອບຄົວທັງໝົດ 300 ຄອບຄົວ, ໄດ້ສົ່ງເສີມປະຊາຊົນປູກເຂົ້າ ໃນເນື້ອທີ່ 700 ເຮັກຕາ, ໃນນັ້ນໄດ້ນໍາໃຊ້ ກົນຈັກຄົບຊຸດ 280 ເຮັກຕາ. ສ່ວນ 420 ເຮັກຕາ ແມ່ນໄດ້ຕອບສະໜອງທາງດ້ານປັດໃຈການຜະລິດ ເປັນຕົ້ນແມ່ນ: ການກຽມດິນ ເມັດພັນ, ຝຸ່ນຊີວະພາບ ແລະ ຝຸ່ນເຄມີ. ໄດ້ຊຸກຍູ້ ແລະ ສົ່ງເສີມປະຊາຊົນ ໂດຍນຳໃຊ້ນະໂຍບາຍ ຮູບແບບ ເດີມ 2 ບວກ 3 ແລະ ນໍາໃຊ້ກົນຈັກທັນສະໄໝເຂົ້າໃນການຜະລິດ ແບບຄົບວົງຈອນ ເຊິ່ງມີເຄື່ອງຈັກຕົກກ້າ 1 ເຄື່ອງ, ລົດໄຖຕຽມດິນ 5 ຄັນ, ເຄື່ອງປັກດໍາ, ເຄື່ອງເກັບກ່ຽວຜົນຜະລິດ, ເຄື່ອງຈັກອັກເຟືອງ ແລະ ລາຕາກ ໂດຍການນຳໃຊ້ແຮງງານຄົນເຂົ້າມາຊ່ວຍ ພຽງ 10% ແລະ ປະຊາຊົນແມ່ນສາມາດມີຜົນກຳໄລ ບໍ່ຫລຸດ 30%.

ໂອກາດດຽວກັນນີ້ ທ່ານປະທານປະເທດ ແລະ ຄະນະ ຍັງໄດ້ລົງຢ້ຽມຢາມໂຮງງານຜະລິດປາແດກ ທີ່ບ້ານຈອມເພັດ ເມືອງສີສັດຕະນາກ ນະຄອນຫລວງ ວຽງຈັນ ແລະ ຟາມກາບຊ້ອນ ພັດທະນາການກະເສດ ຄົບວົງຈອນ ເມືອງຫາດຊາຍຟອງ ນະຄອນຫລວງວຽງຈັນ ອີກດ້ວຍ.

 

ແຫລ່ງ​ຂ່າວ: ສຳ​ນັກ​ຂ່າວ​ສານ​ປະ​ເທດ​ລາວ

 

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...