ນາງງາມເອກວາດໍຣ໌ ເສຍຊີວິດຂະນະຢູ່ເທີງຕຽງຜ່າຕັເດໄຂມັນ ເນື່ອງຈາກໄດ້ແຟັກເກັດ ສັນຍາກໍາເປັນລາງວັນຈາກເວທີ ປະກວດ, ກ່ອນແພດ ແລະ ເຈົ້າໜ້າທີ່ໃນຫອ້ງຜ່າຕັດຖືກຄວບຄູມໂຕດໍາເນີນຄະດີ.
Catherine Cando ອາຍຸ 19ປີ ຊະນະການປະກວດຈາກເວທີ ປະກວດນາງງາມ the Queen of Duran ໃນປະເທດເອກວາດໍຣ໌ ໃນປີທີ່ຜ່ານມາ ໃນການປະກວດຄັ້ງນີ້ Catherine ໄດ້ຮັບລາງວັນເປັນລົດ ແລະ ແທັບເລ໊ດ ລວມທັງແຟັກເກັດສັນຍາກໍາດູດໄຂມັນຟຣີ ຊຶ່ງລາວໄດ້ຮັບເອົາລາງວັນທັງໝົດມາ ແຕ່ບໍ່ຍອມຮັບແຟັກເກັດສັນຍາກໍາ.
Catherine ເລີ່ມຕົ້ນອອກກໍາລັງກາຍຢ່າງໜັກເພື່ອຕ້ອງການຫຼຸດນໍ້າໜັກ ແຕ່ທາງການປະກວດ ໂທລະພາບຕິດຕໍ່ນາງຫຼາຍຄັ້ງເພື່ອໃຫ້ໄປເຮັດສັນຍາກໍາ ໂດຍອ້າຍຂອງ Catherineເລົ່າວ່າ ກ່ອນໄປເຮັດສັນຍາກໍານັ້ນ ນ້ອງສາວຂອງລາວໄດ້ຮັບໂທລະສັບຫຼາຍຄັ້ງ ແລະ ມີການເວົ້າທີ່ໂນ້ມນ້າວໃຫ້ໄປເຮັດສັນຍາກໍາ ແຕ່ນ້ອງສາວຂອງເຂົາກໍ່ປະຕິເສດໄປຫຼາຍຄັ້ງ ຊຶ່ງນ້ອງສາວຂອງເຂົາເຄີຍຕັດສິນໃຈຈະຍົກແຟັກເກັດທີ່ໄດ້ນີ້ໃຫ້ກັບຄົນອຶ່ນມາແລ້ວ ແຕ່ແລ້ວ Catherine ກໍ່ໄດ້ຕັດສິນໃຈໃໝ່ຍອມຕອບຕົກລົງເຂົ້າຮັບການຜ່າຕັດສັນຍາກໍາ.
ເລື່ອງຮ້າຍກໍ່ເກີດຂຶ້ນໃນລະຫວ່າງການຜ່າຕັດສັນຍາກໍາ Catherine ເສຍຊີວິດເທີງຕຽງຜ່າຕັດໃນຫ້ອງຜ່າຕັດດ້ວຍອາການຫົວໃຈຢຸດເຕັ້ນ ຕາມຄໍາໃຫ້ການຂອງເຈົ້າໜ້າທີ່ໃນຫ້ອງຜ່າຕັດ ແຕ່ທະນາຍຄວາມຝ່າຍຂອງນາງ ກ່າວວ່າ Catherine ເສຍຊີວິດຈາກອາການສະໝອງບວມນໍ້າ ຢ່າງໃດກໍ່ຕາມເຈົ້າໜ້າທີ່ຍັງຕ້ອງລໍຖ້າຄໍາຢືນຢັນ ຈາກແພດສັນລະສູດກ່ອນສໍາລັບສາເຫດການເສຍຊີວິດທີ່ແນ່ຊັດ.
ຢ່າງໃດກໍ່ຕາມ ເຈົ້າໜ້າທີ່ຕໍາຫຼວດໄດ້ຄວບຄູມຕົວແພດ ແລະ ຜູ້ກ່ຽວຂ້ອງທັງໝົດໄວ້ໂດຍຕັ້ງຂໍ້ຫາປະຕິບັດໜ້າທີ່ດ້ວຍຄວາມປະໝາດຈົນເຮັດໃຫ້ຜູ້ອຶ່ນເສຍຊີວິດ.
>> ຂອບໃຈhttp://news.sanook.com/1730985/