“ ໂນວັດ ຍໍໂຄວິຊ ” ຜົນງານຍັງສຸດຍອດ ຫຼັງຈາກເອົາຊະນະ ເຊີຣ໌ເກ ສະຕາຄອຟສະກີ 2 ແຊັດລວດ ລິ່ວ 8 ຄົນສຸດທ້າຍຫວດ ກາຕາຣ໌ ເອັກຊ໌ຊອນໂມບິລ ໂອເພັນ.

ການແຂ່ງຂັນເທນນິສ ເອທີພີ ເວີລດ໌ ທົວຣ໌ ລາຍການ ກາຕາຣ໌ ເອັກຊ໌ຊອນໂມບິລ ໂອເພັນ ຊຶ່ງເງິນລາງວັນລວມ 1.2 ລ້ານດອລລາຣ໌ ສະຫະລັດ ທີ່ກຸງໂດຮາ ປະເທດກາຕາຣ໌ ເມື່ອວັນພຸດທີ່ 7 ມັງກອນ ທີ່ຜ່ານມາເປັນການແຂ່ງຂັນໃນປະເພດຊາຍດຽວຮອບ 16 ຄົນສຸດທ້າຍ ໂນວັດ ຍໍໂຄວິຊ ນັກຕີມື 1 ຂອງໂລກຈາກເຊີຣ໌ເບຍ ຟອມຍັງຮ້ອນແຮງບໍ່ເລີກຫຼັງໄລ່ເອົ່າຊະນະ ເຊີຣ໌ເກ ສະຕາຄອຟສະກີ ຈາກຢູເຄນ ໄປຢ່າງສະບາຍ 2 ແຊັດລວດ 6-2, 6-1 ລອຍຜ່ານເຂົ້າໄປຫຼິ້ນໃນຮອບກ່ອນຮອງສະນະເລີດຕໍ່ໄປໄດ້ສໍາເລັດ.

ສ່ວນໂທມັສ ເບີຣ໌ດິໍຊ ເຕັງ 3 ຈາກເຊັກ ກໍ່ທໍາຜົນງານໄດ້ດີບໍ່ໜ້ອຍ ເມື່ອ ໄລ່ເອົາຊະນະ ບລາຊ ຄາຟຊິຊ ຈາກ ສະໂລວາເນຍ ໄປຂາດລອຍ 2 ແຊັດລວດ 6-1, 6-2 ຂະນະທີ່ ດາບິດ ເຟຣ໌ເຣຣ໌ ມື 4 ຈາກສະເປນ ຜ່ານເຂົ້າຮອບຕໍ່ໄປໄດ້ສໍາເລັດຫຼັງເອົາຊະນະ ເຟຣ໌ນານໂດ ເບຣ໌ດາສໂກ ເພື່ອນຮ່ວມຊາດໄປໄດ້ 2 ແຊັດລວດ 6-3, 6-2.

ຜົນຄູອຶ່ນໆ ອີໂວ ຄາຣ໌ໂລວິຊ (ໂຄເອເຊຍ, ມື7) ຊະນະ ນິໂຄລາຊວິລີ (ຈໍຣ໌ເຈຍ) 7-6 (7-6), 6-3, ອິວານ ໂດດິກ (ໂຄເອເຊຍ) ຊະນະ ມິຊາເອລ ແບຣ໌ເຣີຣ໌ (ເຢຍລະມັນ) 7-6,(7-1), 6-2 , ດັສຕິນ ບຣາວນ໌ (ເຢຍລະມັນ) ຊະນະ ຍານ ເລນນາຣ໌ດ ສະຕຣຸຟຟ໌ (ເຢຍລະມັນ 7-6(11-9), 6-4, ອັນເຄຼຍສ ເຊປປີ (ອີຕາລີ) ຊະນະ ຊູເອົາ ຊູຊາ (ບຣາຊີລ) 7-5, 6-2.