ເຈົ້າໜ້າທີ່ອິນໂດເນເຊຍພົບສ່ວນຫາງຂອງເຄື່ອງບິນແອຣ໌ເອເຊຍ ທ່ຽວບິນ QZ8501 ທີ່ຕົກໃນທະເລຊາວາ ເມື່ອ 28 ທັນວາ 2014 ແລ້ວ.
ສໍານັກຂ່າວຕ່າງປະເທດລາຍງານຈາກ ກຸງຈາກາຕາ ປະເທດອິນໂດເນເຊຍ ເມື່ອ ວັນທີ 7 ມັງກອນ ວ່າທາງການອິນໂດເນເຊຍຢືນຢັນ ພົບຊິ້ນສ່ວນຫາງຂອງເຄື່ອງບິນ ແອຣ໌ເອເຊຍ ອິນໂດເນເຊຍ ທ່ຽວບິນ QZ8501 ແລ້ວ ຊຶ່ງອາດເປັນໂອກາດສໍາຄັນໃນການພົບກ່ອງດໍາ ຂອງເຄື່ອງບິນ ແລະ ຊ່ວຍໃຫ້ ຮູ້ເຖິງເຫດການທີ່ຕົກທະເລເມື່ອ 10 ວັນກ່ອນ.
ນາຍບັມບັງໂຊລິສຕ໌ໂຍ ຫົວໜ້າສໍານັກງານຄົ້ນຫາ ແລະ ກູ້ໄພ ອິນໂດເນເຊຍກ່າວດ້ວຍຄວາມໝັ້ນໃຈວ່າ ພົບສ່ວນຫາງຂອງເຄື່ອງບິນຫຼັງຈາກໄດ້ເບິ່ງພາບໃຕ້ນໍ້າ ແລະ ອາກຈະນໍາໄປສູ່ການພົບກ໋ອງດໍາ ເນື່ອງຈາກວ່າໂດຍປົກກະຕິກ໋ອງດໍາທີ່ບັນທຶກຂໍ້ມູນຈະຕິດຕັ້ງໄວ້ທີ່ສ່ວນຫາງຂອງເຄື່ອງບິນ ການພົບຄັ້ງນີ້ ທ່ານ ໂຊລິສຕ໌ໂຍ ບອກວ່າປະສົມຄວາມສໍາເລັດຕາມເປົ້າໝາຍ
ກ່ອນໜ້ານີ້ ທ່ານ ໂຊລິສຕ໌ໂຍບອກວ່າພົບ 5 ຊີ້ນສ່ວນ ຂະໜາດໃຫຍ່ ຂອງເຄື່ອງບິນແຕ່ບໍ່ມີການຢຶນຢັນວ່າເປັນສ່ວນໃດຂອງເຄື່ອງບິນ ຊຶ່ງແຕກຕ່າງຈາກຄັ້ງນີ້ທີ່ເຂົາເຊື່ອວ່າພົບຊີ້ນສ່ວນຫາງຂອງເຄື່ອງບິນແລ້ວ ຫາກວ່າເປັນຊີ້ນສ່ວນຫາງແທ້ກ໋ອງດໍາກໍ່ຈະຢູ່ທີ່ນັ້ນ.
ທັງນີ້ເຄື່ອງບິນແອຣ໌ເອເຊຍອຶນໂດເນເຊຍ ທ່ຽວບິນ QZ8501 ຫາຍໄປຈາດຈໍເລດາຣ໌ ໃນລະຫວ່າງມີພາຍຸເມື່ອວັນທີ 28 ທັນວາ 2014 ທີ່ຜ່ານມາ ລະຫວ່າງບິນຈາກເມືອງສຸລາບາຍາ ໄປສິງກະໂປ ພ້ອມຜູ້ໂດຍສານ ກັບລູກເຮືອ162 ຄົນ ສ່ວນໃຫຍ່ເປັນຊາວ ອິນໂດເນເຊຍ, ແມ່ນປະຕິບັດການກູ້ໄພຄັ້ງໃຫຍ່ໄດ້ຮັບການຊ່ວຍເຫຼືອຈາກນານຊາດ ແຕ່ຂະບວນການກູ້ຊາກເຄື່ອງບິນ ແລະ ສົບຜູ້ເສຍຊີວິດບໍ່ອາດດໍາເນີນໄປຢ່າງລາບລື້ນເນື່ອງຈາກສະພາບອາກາດທີ່ດປັນອຸປະສັກ ຕໍ່ການຄົ້ນຫາ ຊຶ່ງເທົ່າທີ່ຜ່ານມາ ກູ້ສົບຜູ້ເສຍຊີວິດໄດ້ແລ້ວ 39 ລາຍໂດຍທັງໝົດແມ່ນຟູຂຶ້ນມາເທີງໜ້ານໍ້າທະເລ.
>>http://www.dailynews.co.th/Content/foreign