ເປີດເປັນທາງການງານວາງສະແດງສິນຄ້າຜະລິດຕະພັນ (ເຟີນິເຈີ) ໄມ້ລາວຄັ້ງທໍາອິດປະຈໍາປີ 2015 ຊຶ່ງມີບັນດາຫົວ
ໜ່ວຍທຸລະກິດເຟີນິເຈີໄມ້ໃນນະຄອນຫຼວງ ແລະ ບັນດາແຂວງທົ່ວປະເທດໄດ້ນໍາເອົາສິນຄ້າຂອງຕົນເຂົ້າວາງສະແດງ
100 ກວ່າຫົວໜ່ວຍ, ມີ 249 ຫ້ອງວາງສະແດງ, ມູນຄ່າສິນຄ້າເຂົ້າຮ່ວມວາງສະແດງທັງໝົດເກືອບ 25 ຕື້ກີບ.
ທ່ານ ຄໍາໄພ ສົມຊະນະ ປະທານສະມາຄົມເຟີນິເຈີລາວລາຍງານວ່າ: ງານວາງສະແດງຜະລິດຕະພັນເຟີນິເຈີລາວຄັ້ງທີ
I ປີ 2015 ນີ້, ແມ່ນມີຄວາມໝາຍຄວາມສໍາຄັນເປັນຍ່າງຍິ່ງຕໍ່ການຈະເລີນເຕີບໂຕຂອງ ທຸລະກິດເຟີນິເຈີ, ເປັນການ
ເຕົ້າໂຮມເພື່ອແລກປ່ຽນບົດຮຽນຊຶ່ງກັນ ແລະ ກັນ, ທັງໂຄສະນາ, ຈໍາໜ່າຍຕໍ່ຊາວລາວ ແລະ ຊາວຕ່າງປະເທດໃຫ້ຮັບ
ຮູ້ເຖິງຄວາມພ້ອມຂອງເຟີນິເຈີລາວໃນການ ຈະແຂ່ງຂັນກັບພາກພື້ນ ແລະ ສາກົນ ທີ່ຈະເປັນການກະຕຸກຊຸກຍູ້ໃຫ້
ປະຊາຊົນລາວບັນດາເຜົ່າມີການຜະລິດ ສິນຄ້າໃຫ້ນັບມື້ນັບຫຼາຍຂຶ້ນທັງດ້ານປະລິມານ ແລະ ຄຸນນະພາບ, ເພື່ອດຶງດູູດ
ເອົາການລົງທຶນຈາກທັງພາຍໃນ ແລະ ຕ່າງປະເທດເຂົ້າມາລົງທຶນໃນຂົງເຂດການຜະລິດເຟີນິເຈີສ້າງມູນຄ່າ ເພີ່ມໃຫ້
ແກ່ຜະລິດຕະພັນໄມ້ລາວ ປະກອບສ່ວນສ້າງວຽກເຮັດງານທໍາໃຫ້ກັບພໍ່ແມ່ປະຊາຊົນລາວນັບມື້ຫຼາຍຂຶ້ນ.
ສະເພາະງານຄັ້ງນີ້ ທ່ານ ກອງມາ ລາ ພົມມາໄລ ຮອງປະທານສະມາຄົມ ເຟີນິເຈີລາວລະບຸວ່າ: ມີບັນດາຫົວໜ່ວຍທຸ
ລະກິດເຟີນິເຈີໄມ້ໃນນະຄອນຫຼວງ ແລະ ບັນດາແຂວງທົ່ວປະເທດນໍາເອົາເຄື່ອງເຟີນິເຈີຂອງຕົນເຂົ້າວາງສະແດງ 100
ກວ່າຫົວໜ່ວຍ, ມີ 249 ຫ້ອງວາງສະແດງ, ມາຈາກບັນດາແຂວງຕ່າງໆມີ 24 ຫ້ອງວາງຂາຍ, ຈາກນະຄອນຫຼວງວຽງ
ຈັນມີ 225 ຫ້ອງວາງຂາຍ, ມີມູນຄ່າສິນຄ້າເຂົ້າຮ່ວມວາງສະແດງທັງໝົດປະມານ 24,9 ຕື້ກີບ ແລະ ຄາດວ່າຈະມີຜູ້ສົນ
ໃຈເຂົ້າຊົມ ແລະ ເລືອກຊື້ສິນຄ້າໃນຕະຫຼອດງານນັບແສນຄົນ.
ພິທີເປີດເປັນທາງການງານວາງສະແດງຜະລິດຕະພັນ (ເຟີນິເຈີ) ໄມ້ລາວຄັ້ງທີ I ປະຈໍາປີ 2015 ໄດ້ຈັດຂຶ້ນໃນວັນທີ 5
ມັງກອນ ແລະ ຈະດໍາເນີນໄປຈົນເຖິງ 11 ມັງກອນຂອງເດືອນດຽວກັນ ໂດຍໃຫ້ກຽດເຂົ້າຮ່ວມຕັດແຖບຜ້າ ແລະ ລັ່ນ
ຄ້ອງເປີດງານໂດຍແມ່ນ ທ່ານ ສົມສະຫວາດ ເລັ່ງສະຫວັດ ຮອງນາຍົກລັດຖະມົນຕີ, ຜູ້ຊີ້ນໍາວຽກງານເສດຖະກິດການ
ຜະລິດ ແລະ ຈໍລະຈອນ, ພ້ອມນີ້ ກໍມີທ່ານເຈົ້າຄອງນະຄອນຫຼວງ ທ່ານລັດຖະມົນຕີວ່າການກະຊວງອຸດສາຫະກໍາ ແລະ
ການຄ້າ, ບັນດາທ່ານລັດຖະມົນຕີຊ່ວຍວ່າການ, ທູຕານຸທູດ, ຕາງໜ້າຈາກອົງການຈັດຕັ້ງສາກົນທັງພາກລັດ ແລະ
ພາກທຸລະກິດເຂົ້າຮ່ວມ.
ແຫລ່ງຂ່າວ: ເສດຖະກິດ – ສັງຄົມ