ຂ່າວຫຼ້າສຸດຂອງການເຄື່ອນໄຫວ ການຄົ້ນຫາເຮືອບິນ QZ8501 ທີ່ສູນຫາຍໄປ ໄດ້ລາຍງານວ່າ ໜ່ວຍງານການຄົ້ນຫາເຮືອບິນລໍາດັ່ງກ່າວໄດ້ມີການຂະຫຍາຍ ພື້ນທີ່ໃນການຄົ້ນຫາອອກຕື່ມ ຈາກມື້ວານນີ້ ທີ 29 ທັນວາ ທີ່ແບ່ງອອກເປັນພຽງ 8 ສ່ວນໃນການຄົ້ໜຫາ ແລະ ໄດ້ຂະຫຍາຍອອກມາເປັນ 15 ສ່ວນ, ພ້ອມທັງເພີ່ມຈໍານວນກໍາລັງການຄົ້ນຫາຂອງເຮືອ ແລະ ເຮລີຄົບເຕີຂຶ້ນຕື່ມອີກ ແລະ ຍັງໄດ້ຮັບການສະໜັບສະໜູນການຊ່ວຍເຫຼືອຈາກນານາຊາດ. ອີ່ງໃສ່ສະຖານທີ່ຈຸດຄົ້ນຫາຂອບເຂດນໍ້າທະເລຊາວາທີ່ມີຄວາມເລຶກປະມານ 50 – 100 ແມັດເທົ້ານັ້ນຈຶ່ງເຮັດໃຫ້ຫຼາຍໆຝ່າຍເຊື່ອວ່າຈະພົບເຫັນຊາກຂອງເຮືອບິນລໍາດັງກ່າວໃນໄວໆນີ້.
