ຊາວຮົ່ງກົງແຕກຕື່ນ ສວາຍໂອກາດເກັບເງິນກາງຖະໜົນ ຫລັງລົດຂົນເງິນປະສົບອຸບັດເຫດ ເງິນຕົກເຮ່ຍເດຍລະດາດ
35 ລ້ານໂດລາຮົ່ງກົ່ງ ຕຳຫລວດເຕືອນຮີບສົ່ງຄືນ ກ່ອນຈະຖືກຂໍ້ຫາຮ້າຍແຮງ.
ເມື່ອວັນທີ 25 ທັນວາຜ່ານມານີ້ ເກີດອຸບັດເຫດທີ່ສ້າງຄວາມວຸ້ນວາຍກາງຖະໜົນ ຢູ່ເກາະຮົງກົງ ສປ ຈີນ ເມື່ອມີລົດຂົນ
ເງິນຄັນໜຶ່ງ ປະສົບອຸບັດເຫດຢູ່ເຂດ ຫວັ່ນ ຈ໋າຍ ໃນຂະນະທີ່ກຳລັງຂົນເງິນຈຳນວນ 525 ລ້ານໂດລາຮົ່ງກົ່ງ ເປັນເຫດເຮັດ
ໃຫ້ມີເງິນຕົກເຮ່ຍກາງຖະໜົນເຖິງ 35 ລ້ານໂດລາຮົ່ງກົ່ງ ກະຈາຍຢູ່ນອກລົດ ສົ່ງຜົນເຮັດໃຫ້ຜູ້ທີ່ເຫັນເຫດການ ຕ່າງກໍ
ຮີບເຂົ້າມາເກັບເອົາເງິນທີ່ຕົກເຮ່ຍຢູ່ກາງຖະໜົນຢ່າງວຸ້ນວາຍ ກ່ອນທີ່ຕະຫລວດຈະເດີນທາງມາເຖິງ.
ພະຍານທີ່ພົບເຫັນເຫດການໄດ້ເລົ່າວ່າ ມີຜູ້ຄົນຫລາຍສິບຄົນ ລົງຈາກລົດຂອງຕົນ ແລ້ວມາເກັບເອົາເງິນທີ່ເຮ່ຍຕາມ
ຫົນທາງ ໂດຍຊ່ວງເວລາທີ່ລົດຂົນເງິນປະສົບອຸບັດເຫດນັ້ນ ເປັນຊ່ວງເວລາພັກທ່ຽງ ຈິ່ງເຮັດໃຫ້ເກີດມີການຈະລາຈອນ
ຕິດຂັດ.