ບອສຊ່າບອລ (Bossaball) ເມື່ອຟັງຊື່ແລ້ວຈະອອກຄ້າຍໆແນວຂອງພະເພດດົນຕີ ບອສຊາໂນວ່າ ແຕ່ຄວາມຈິງແມ່ນບໍ່ມີຫັຍງກ່ຽວຂ້ອງກັນເລີຍ ພຽງແຕ່ເປັນກິລາທີ່ໄດ້ຮັບອິດທິພົນມາຈາກ ກິລາ ຫາດຊາຍ
ນີ້ເປັນກິລາໃໝ່ທີ່ຖືກຄິດຂຶ້ນໃນປະເທດເບລຢຽມ ເມື່ອບໍ່ພໍ່ເທົ້ໃດປີມານີ້ເອງ ໂດຍນໍາເອົາກິລາຫຼາຍໆຊະນິດມາລວມໄວ້ ບໍ່ວ່າຈະເປັນ ກິລາບານຕີ, ບານເຕະ ລິລາລອດບ້ວງ(ຍິມນາສຕິກ) ສີລະປະການຕໍ່ສູ້ແບບຄາໂອເປລ່າ ຂອງປະເທດບຣາຊິວ ຊຶ່ງການຫຼິ້ນຈະຄ້າຍກັບ ບານຕີ ທີ່ກະໂດດຢູ່ເທິງ ແທຣມໂບລິນ(ກົງຢາງສາມາດເດັ່ງຄົນຂຶ້ນ) ໂດຍມີອຸປະກອນສໍາຄັນຄື ແທຣມໂບລິນ ກົງຍາງທີ່ເປັນຖົງລົມ ເອົາໄວ້ກະໂດດ ມີເສັ້ນຮອບວົງ 3-4ແມັດ ເພື່ອໃຫ້ຜູ້ຫຼິ້ນແຕ່ລະຝ່າຍກະໂດດຂຶ້ນ ຕີໝາກບານໄປຍັງຝັ່ງກົງກັນຂ້າມທີ່ມີຕາໜ່າງຂັ້ນກາງຖ້າຜູ້ຫຼິ້ນຕົກລົງໄປກໍ່ບໍ່ເຈັບເພາະເປັນຖົງຢ່າງທີ່ໃຫຍ່ທີ່ສູບລົມໄວ້ຮອງຮັບຢູ່ແລ້ວບໍ່ມີສ່ວນແຂງຫຼືຂອບແຂງໃຫ້ສ່ຽງຕໍ່ການບາດເຈັບ
ກະຕິກາຄືແຕ່ລະທີມຈະມີຜູ້ຫຼີ້ນ 3-5 ຄົນ ນັບແຕ້ມຄືກັນກັບບານຕີ ແຕ່ສາມາດໃຊ້ທຸກພາກສ່ວນຂອງຮ່າງກາຍຫຼິ້ນໄດ້ ນັບແຕ່ ຫົວ ມື ເຂົ່າ ສອກ ຕິນ ແລະ ສ່ວນອຶ່ນໆຂອງຮ່າງກາຍສາມາດໃຊ້ໄດ້ໝົດ ຈະເອົາຂາໜີບໝາກບານໄວ້ກໍ່ຍັງໄດ້, ເຊິ່ງແຕ່ລະທີມສາມາດສໍາພັດບານກ່ອນທີ່ຈະສົ່ງໄປຍັງຝ່າຍກົງກັນຂ້າມບໍ່ໃຫ້ເກີນ 8 ຄັ້ງ ການຕັດສິ້ນຈະວັດຜົນຂອງການຊະນະ 2 ໃນ 3 ແຊັກ ຝ່າຍໃດໄດ້ແຕ້ມເຖີງ 25 ແຕ້ມກ່ອນ ແມ່ນຈະໄດ້ແຊັກໜຶ່ງ
ສ່ວນນັກກິລາແຕ່ງຊຸດຄ້າຍຊຸດລອຍນໍ້າສີສັນເປັນທີມດຽວກັນມີເພງມັນໆປະກອບ, ສ່ວນການຫຼິ້ນສາມາດຫຼິ້ນໄດ້ທັງຍິງ ແລະ ຊາຍ ແລະເປັນກິລາທີ່ນິຍົມກັນຫຼາຍໃນປະເທດ ເບລຢຽມ
ຂອບໃຈຂໍ້ມູນຈາກ: krobkruakao.com