Homeຂ່າວສັ້ນຫັນເອົາພາກທຸລະກິດ ເຂົ້າສູ່ລະບົບໂຄງສ້າງວິສາຫະກິດກົນໄກຕະຫຼາດ

ຫັນເອົາພາກທຸລະກິດ ເຂົ້າສູ່ລະບົບໂຄງສ້າງວິສາຫະກິດກົນໄກຕະຫຼາດ

Published on

ພາກທຸລະກິດຕ້ອງເຂົ້າສູ່ລະບົບໂຄງສ້າງວິສາຫະກິດກົນໄກຕະຫລາດເພື່ອເຄືອນໄຫວທຸລະກິດໃຫ້ມີປະສິດທິຜົນ

ທ່ານ ດຣ. ສິນ​ລະ​ວົງ ຄຸດ​ໄພທູນ ເຈົ້າ​ຄອງ​ນະຄອນຫລວງ​ວຽງ​ຈັນ​ ໄດ້​ພົບ​ປະ​ໂອ້​ລົມ ​ກັບ​ພາກ​ທຸລະ​ກິດ​ໃນ​ໂອກາດ​ເຂົ້າ​ຮ່ວມ​ກອງ​ປະຊຸມ​ພົບ​ປະ ລະ​ຫວ່ງ ​ອົງການ​ປົກຄອງ​ນະຄອນຫລວງວຽງ​ຈັນ ແລະ ສະພາ ​ການ​ຄ້າ ​ແລະ ອຸດ​ສາ​ຫະກຳ​ນະຄອນຫລວງວຽງ​ຈັນ​ ​ໃນນ​ວັນ​ທີ 24 ທັນວາ 2014 ທີ່ນະຄອນຫລວງ​ວຽງ​ຈັນ. ​ໂດຍທ່ານ ​ໄດ້​ເນັ້ນ​ໃຫ້​ພາກ​ທຸລະ​ກິດ​ຕ້ອງ​ເຂົ້າ​ສູ່​ລະບົບ​ໂຄງ​ສ້າງ​ວິ​ສາ​ຫະກິດ​ໃນ​ກົນ​ໄກ​ຕະຫລາດ ​ແລະ ຕາມ​ກົດໝາຍກຳນົດ ເພື່ອ​ຍັບ​ເຂົ້າ​​ໃກ້​ກົດໝາຍ, ທ່າ​ອຽງ​ລວມຂອງ​ສາກົນ ແລະ ຂອງ​ເຂດ​ການ​ຄ້າ​ເສລີ ເພື່ອ​ປ້ອງ​ກັນ​ການ​ເຄື່ອນ​ໄຫວ​ທຸລະ​ກິດ ​ໃຫ້​ມີ​ປະສິດທິ​ຜົນ, ມີ​ຄວາມ​ສະ​ເໝີ​ພາບ​ກັນ ແລະ ​ເຮັດ​ໃຫ້​ພະນັກງານ ຫລື ຜູ້​ໃຊ້​ແຮງ​ງານ​ໃນ​ຂົງ​ເຂດ​ທຸລະ​ກິດ​ມີ​ຄວາມ​ເພິ່ງ ​ພໍ​ໃຈ ​ແລະ ມີ​ອະນາ​ຄົດ​ໝັ້ນຄົງ.

ພ້ອມ​ກັນນີ້, ທ່ານ​ເຈົ້າ​ຄອງ​ນະຄ​ອນຫລວງ​ວຽງ​ຈັນ ຍັງ​ສະ​ເໜີ​ໃຫ້​ພາກ​ທຸລະ​ກິດ​ປັບ ປຸງ​ບັນຊີ​ລາຍຮັບ-ລາຍ​ຈ່າຍ ໃຫ້​ສອດຄ່ອງ​ກັບ​ກົດໝາຍ​ວ່າ​ດ້ວຍ​ການ​ບັນຊີ, ກົດໝາຍ​ວ່າ​ດ້ວຍ​ວິ​ສາ​ຫະກິດ ​ແລະ ກົດໝາຍ ​ກ່ຽວຂ້ອງ​ອື່ນໆ ເພາະ​ປັດຈຸບັນ​ຍັງ​ພົບ​ວ່າ​ມີ​ພາກ​ທຸລະ​ກິດ ​ແລະ ວິ​ສາ​ຫະກິດ​ບໍ່​ຖື​ບັນຊີ​ເຖິງ 60%; ສະ​ເໜີໃຫ້​ສະພາ ​ການ​ຄ້າ ​ແລະ ອຸດສາຫະກຳ​ນະຄອນຫລວງ ​ເລືອກ​ຕົວ​ເດັ່ນ​ຂອງ​ພາກ​ທຸລະ​ກິດ, ຜູ້​ປະກອບ​ການ ​ໃຫ້​ຖື​ເອົາມູນ​ຄ່າ​ການ ​ເສຍ​ພາສີ-ອາກອນ​ຂອງ​ຕົນ, ຜູ້​ເສຍ​ພາສີ​-ອາກອນ​ຫລາຍ​ຖື​ວ່າ​ເປັນ​ຜູ້​ມີ​ຜົນງານ​ຫລາຍ​ກວ່າ, ຜູ້​ປະກອບສ່ວນ​ເສຍ​ພັນທະ ​ຫລາຍ​ຖືກຕ້ອງ​ຕາມ​ກົດໝາຍ ຖື​ວ່າ​ຫົວໜ່ວຍ​ທຸລະ​ກິດ​ນັ້ນ​ເປັນ​ນັກ​ຮັກ​ຊາດ ​ແລະ ​ເປັນ​ນັກ​ພັດທະນາ​ຫລາຍ​ກວ່າ​ໝູ່.

​ກອງ​ປະຊຸມ​ພົບ​ປະ ລະ​ຫວ່ງ ​ອົງການ​ປົກຄອງ ​ນະຄອນຫລວງ​ວຽງ​ຈັນ ແລະ ສະພາ​ການ​ຄ້າ ​ແລະ ອຸດ​ສາ​ຫະກຳ​ນະຄອນ ຫລວງວຽງ​ຈັນ​ ຄັ້ງນີ້ ​ໄດ້​ເປີດ​ໂອກາດ​ໃຫ້​ພາກ​ທຸລະ​ກິດ​ໄດ້​ສະ​ເໜີ​ແນວ​ຄວາມ​ຄິດ ​ແລະ ທັດ ສະນະ​ໃນ​ການ​ດຳ​ເນີນ​ທຸລະ​ກິດ ລວມທັງ​ຂໍ້​ສະດວກ ​ແລະ ຂໍ້​ຫຍຸ້ງຍາກ​ຕ່າງໆຕໍ່​ພາກ​ລັດ ທັງ​ນີ້ ກໍ​ເພື່ອ​ສົ່ງ​ເສີມ​ໃຫ້​ພາກ​ທຸລະ​ກິດ, ຜູ້​ປະກອບ​ການ​ສາມາດ​ເຄື່ອນ​ໄຫວ​ທຸລະ​ກິດ​ໄດ້​ຢ່າງ​ເຕັມ​ເມັດ​ເຕັມ​ໜ່ວຍ, ​ແກ້​ໄຂ​ສິ່ງ​ທີ່​ເປັນ​ອຸປະສັກ​ໃຫ້​ໂລ່ງ​ລ່ຽນ ​ແນ​ໃສ​ສ້າງ ​ໃຫ້​ພາກ​ລັດ ​ແລະ ພາກ​ທຸລະ​ກິດ​ເປັນອັນ​ໜຶ່ງ​ອັນ​ດຽວ​ກັນ.

ຂອບໃຈບົດຄວາມດີໆ ຈາກ: ຂປລ

 

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...