ກຸ່ມບໍລິສັດ T&T Group ຂອງຫວຽດນາມ ສືບຕໍ່ລົງທຶນໃຫຍ່! ເປີດໂຕໂຄງການໄຟຟ້າພະລັງງານລົມ “Savan 2” ເກືອບ 500 MW ຢູ່ແຂວງສະຫວັນນະເຂດ (ຝ່າຍຫວຽດນາມເປັນຜູ້ຈ່າຍ ແລະ ລົງທຶນທັງໝົດ)

ໃນການມາຢ້ຽມຢາມ ສປປ ລາວ ຢ່າງເປັນທາງການ, ທ່ານ ເລ ມິງ ຮຸ່ງ ນາຍົກລັດຖະມົນຕີ ແຫ່ງ ສສ ຫວຽດນາມ ແລະ ທ່ານ ສະເຫຼີມໄຊ ກົມມະສິດ ນາຍົກລັດຖະມົນຕີ ແຫ່ງ ສປປ ລາວ ໄດ້ຮ່ວມກັນເຂົ້າຮ່ວມ ເປັນສັກຂີພິຍານໃນພິທີແລກປ່ຽນບົດບັນທຶກຄວາມເຂົ້າໃຈ (MOU) ໂຄງການໄຟຟ້າພະລັງງານລົມ Savan 2 ລະຫວ່າງ ກຸ່ມບໍລິສັດ T&T Group ແລະ ບໍລິສັດ Vinacom ຢ່າງເປັນທາງການ ທີ່ນະຄອນຫຼວງວຽງຈັນ.

ໂຄງການ Savan 2 ຖືເປັນການກ້າວເດີນຄັ້ງສໍາຄັນ ແລະ ເປັນ ໂຄງການໃໝ່ລ່າສຸດ ທີ່ຕໍ່ຍອດມາຈາກຄວາມສໍາເລັດຂອງໂຄງການ Savan 1 ທີ່ໄດ້ເປີດດຳເນີນງານໄປກ່ອນໜ້ານີ້ ເພື່ອແນໃສ່ຊຸກຍູ້ການພັດທະນາ ພະລັງງານສະອາດ ແລະ ຫັນປ່ຽນພະລັງງານຂອງທັງສອງປະເທດ ລາວ – ຫວຽດນາມ.

✅ໂຄງການນີ້ຈະຖືກກໍ່ສ້າງ ແລະ ພັດທະນາຂຶ້ນຢູ່ ເມືອງນອງ, ແຂວງສະຫວັນນະເຂດ ສປປ ລາວ.

✅ມີມູນຄ່າການລົງທຶນທັງໝົດສູງເຖິງ 768 ລ້ານໂດລາສະຫະລັດ.

✅ມີກຳລັງການຜະລິດຕິດຕັ້ງທັງໝົດ 495 MW.

✅ ຕາມແຜນການທີ່ວາງໄວ້, ໂຄງການ Savan 2 ຈະເລີ່ມເປີດດຳເນີນງານທາງການຄ້າ (COD) ແລະ ເລີ່ມສົ່ງກະແສໄຟຟ້າຂາຍກັບຄືນໄປໃຫ້ປະເທດຫວຽດນາມ ພາຍໃນທ້າຍປີ 2028.

ເມື່ອໂຄງການ Savan 2 ນີ້ສໍາເລັດສົມບູນ, ເມື່ອລວມເຂົ້າກັບໂຄງການ Savan 1 ຈະເຮັດໃຫ້ມີກຳລັງການຜະລິດພະລັງງານລົມລວມກັນເກືອບ 1,000 MW (1 GW) ເຊິ່ງຈະກາຍເປັນໜຶ່ງໃນແຫຼ່ງພະລັງງານສະອາດທີ່ສໍາຄັນ ທີ່ລາວສົ່ງອອກໄປຫວຽດນາມ.

ພ້ອມທັງເປັນການຮັດແໜ້ນຄວາມສາມັກຄີ ແລະ ການຮ່ວມມືດ້ານເສດຖະກິດ-ພະລັງງານ ລະຫວ່າງ ສອງຊາດໃຫ້ຍືນຍົງຕະຫຼອດໄປ.

ຂໍ້ມູນຈາກ:Thông tin Chính phủ