ເຮືອນປະຊາຊົນ 3 ຫຼັງຢູ່ບ້ານເມືອງໝໍ ເມືອງແກ່ນທ້າວ ແຂວງໄຊຍະບູລີ ຖືກເສຍຫາຍເຖິງ 3 ຕື້ກວ່າກີບ ຍ້ອນລິດຂອງ
ອັກຄີໄພ.
ເຫດເກີດຂຶ້ນເວລາ 8:00 ໂມງເຊົ້າ ຂອງວັນທີ 20 ທັນວາ ປີ 2014 ນີ້, ໂດຍຕົ້ນເພີງໄດ້ເກີດຈາກເຮືອນລຸງວິ ລາດ ພົມມະດີ
ອາຍຸ 65 ປີ ປະຊາຊົນ ບ້ານເມືອງໝໍ, ໄຟໄດ້ລຸກໄໝ້ຢູ່ຊັ້ນສອງ ກ່ອນຈາກນັ້ນກໍ່ລຸກລາມໄປໃສ່ເຮືອນຂອງ ລຸງແຫຼ້ ວັນຄຳ
ອາຍຸ 65 ປີ ແລະ ເຮືອນລຸງຮ່ວງສຸກກະເສີມ ອາຍຸ 64 ປີ ຢູ່ຕິດກັນ ຕາມການປະເມີນເບື້ອງຕົ້ນຄວາມເສຍຫາຍທັງ 3 ຫຼັງ
ດັ່ງກ່າວ ຕົກເປັນມູນຄ່າຫຼາຍເຖິງ 3,5 ຕື້ກວ່າກີບ.
ສ່ວນສາເຫດແມ່ນເກີດມາຈາກໄຟຟ້າລັດວົງຈອນ ແນວໃດກໍຕາມ ເຫດການໄຟໄໝ້ຄັ້ງນີ້ແມ່ນບໍ່ມີຜູ້ໄດ້ຮັບບາດເຈັບ ຫຼື
ເສຍຊີວິດ ແລະ ທາງອຳນາດການປົກຄອງເມືອງ, ໄດ້ລົງຊີ້ນຳອຳນາດການປົກຄອງບ້ານໃຫ້ການຊ່ວຍ ເຫຼືອບັນເທົາທຸກ
ເບື້ອງຕົ້ນໃຫ້ແກ່ຄອບຄົວດັ່ງກ່າວດ້ວຍການຈັດ ສະຖານທີ່ພັກເຊົາຊົ່ວຄາວ ແລະ ເຄື່ອງນຸ່ງຫົ່ມຈຳນວນໜຶ່ງແລ້ວ.
ແຫລ່ງຂ່າວ: ເສດຖະກິດ – ສັງຄົມ