Homeຂ່າວພາຍ​ໃນໄດ້ບໍ່ເສຍຄ່າຜ່ານທາງ ຢູ່ເສັ້ນທາງ 16 W ຈຸດເກັບເງິນ ບ້ານຄັນແຍງ ຫາ ຫ້ວຍເພັກ, ເມືອງໂພນທອງ, ແຂວງຈໍາປາສັກ ໃນໄລຍະບຸນນະມັດສະການຜາສາດຫີນວັດພູຈໍາປາສັກ

ໄດ້ບໍ່ເສຍຄ່າຜ່ານທາງ ຢູ່ເສັ້ນທາງ 16 W ຈຸດເກັບເງິນ ບ້ານຄັນແຍງ ຫາ ຫ້ວຍເພັກ, ເມືອງໂພນທອງ, ແຂວງຈໍາປາສັກ ໃນໄລຍະບຸນນະມັດສະການຜາສາດຫີນວັດພູຈໍາປາສັກ

Published on

ອີງຕາມແຈ້ງການຂອງຫ້ອງວ່າການແຂວງຈໍາປາສັກແຂວງຈໍາປາສັກ, ເລກທີ 111 /ຫວຂ.ຈສ  ລົງວັນທີ 30 ມັງກອນ 2026.

ອີງຕາມ ໜັງສືແຈ້ງເຈດຈໍານົງຂອງ ບໍລິສັດດວງດີກໍ່ສ້າງຂົວ-ທາງ ສະບັບເລກທີ 04/ບດດ ລົງວັນທີ 30 ມັງກອນ 2026.

ຫ້ອງວ່າການແຂວງຈໍາປາສັກ ຂໍຖືເປັນກຽດແຈ້ງມາຍັງ ພະແນກການ, ກົມກອງ, ອົງການລັດທຽບເທົ່າພະແນກ ຂັ້ນແຂວງ, ນະຄອນປາກເຊ, 9 ເມືອງ, ພະນັກງານ, ທະຫານ, ຕໍາຫຼວດ ແລະ ປະຊາຊົນບັນດາເຜົ່າ ຮັບຊາບກ່ຽວກັບ ການປະຕິບັດນະໂຍບາຍບໍ່ເສຍ ຄ່າຜ່ານທາງ ຕາມເສັ້ນທາງ 16 W ຢູ່ຈຸດເກັບເງິນບ້ານຄັນແຍງ ຫາ ຫ້ວຍເພັກ ເມືອງໂພນທອງ ແຂວງຈໍາປາສັກ ສໍາລັບ ລົດບາງປະເພດ: (ປະເພດທີ 03, ລົດ 04 ລໍ້) ຄື: ລົດເກັ່ງ, ລົດຈິບ, ລົດກະບະ ແລະ ລົດຕູ້ໂດຍສານບໍ່ເກີນ 7 ບ່ອນນັ່ງ, ເຊິ່ງໄດ້ກໍານົດໄລຍະເວລາໃນການປະຕິບັດ ດັ່ງນີ້:

– ໄລຍະທີ 01: ເລີ່ມແຕ່ ເວລາ 12:00 ໂມງ (ຕອນທ່ຽງ) ຂອງວັນທີ 31 ມັງກອນ 2026 ຮອດເວລາ 00:00 ໂມງ (ຕອນກາງຄືນ) ກົງກັບມື້ເປີດງານບຸນນະມັດສະການຜາສາດຫີນວັດພູຈໍາປາສັກ ປະຈໍາປີ 2026 ຢ່າງເປັນທາງການ.

– ໄລຍະທີ 2: ເລີ່ມແຕ່ ເວລາ 00:00 ໂມງ (ຕອນກາງຄືນ) ຮອດເວລາ 12:00 ໂມງ (ຕອນທ່ຽງ) ຂອງ ວັນທີ 02 ກຸມພາ 2026, (ກົງກັບມື້ຕັກບາດໃນງານບຸນນະມັດສະການຜາສາດຫີນວັດພູຈໍາປາສັກ ປະຈໍາປີ 2026).

ສໍາລັບ. ລົດຂົນສົ່ງຜູ້ໂດຍສານ, ລົດຂົນສົ່ງສິນຄ້າ ປະເພດ 6 ລໍ້ຂຶ້ນໄປ ແມ່ນຈະໄດ້ຈ່າຍຄ່າຜ່ານເສັ້ນທາງ ຕາມອັດຕາປົກກະຕິ.

ດັ່ງນັ້ນ, ຈຶ່ງແຈ້ງມາຍັງທ່ານເພື່ອຊາບ ແລະ ຈັດຕັ້ງປະຕິບັດຕາມເນື້ອໃນແຈ້ງການສະບັບນີ້ດ້ວຍ.

 

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...