ເວລາ ປະມານ 10:40 ນາທີ ວັນທີ 22 ທັນວາ 2014 ເກີດເຫດແຈ້ງໄປຍັງ ສະມາຄົມອາສາ ກູ້ໄພນະຄອນຫຼວງວຽງຈັນ, ມີຄົນຕົກປະຕູໄຊເສຍຊີວິດ ຄາທີ.ເປັນເພດຊາຍ ອາຍຸປະມານ 20 ປີ. ຜູ້ກ່ຽວນຸ່ງເສື້ອສີແດງ ຊຸດກິລາ ທີມແມ່ນຢູ.
ສາເຫດຂອງການຕາຍຄັ້ງນີ້, ຜູ້ເຫັນເຫດການບອກວ່າ ເປັນການໂດດລົງມາຂ້າຕົວຕາຍ, ເຊິ່ງແຮງຈູງໃຈ ຂອງການຕາຍຄັ້ງນີ້ ແມ່ນຍັງບໍ່ທັນໄດ້ຮັບຊາບ. ເຈົ້າໜ້າທີ ກູ້ໄພນະຄອນຫຼວງວຽງຈັນ ໄດ້ນຳສົບໄປທີ່ ໂຮງໝໍ 150 ຕຽງ ແລະ ເຈົ້າໜ້າທີ່ກອງພິສູດ ຫຼັກຖານ ກຳລັງດຳເນີນ ການສືບສວນ ຕໍ່ໄປ.
ຜູ້ກ່ຽວແມ່ນຂີ່ລົດຖີບ LA ສີແດງ ໄປຝາກໄວ້ ບ່ອນຝາກລົດ, ກ່ອນທີ່ຈະຂຶ້ນໄປໂດດຂ້າຕົວຕາຍ.
ຈຸດທີ່ຄົນຕາຍຕົກລົງມາແມ່ນດ້ານໜ້າປິ່ນໄປທາງ ຫໍຄຳ,ຜູ້ກ່ຽວຕົກລົງມາ ຖືກໂຖດອກໄມ້ ຝາກຊ້າຍ (ຖ້າປິ່ນໜ້າເຂົ້າຫາປະຕູໄຊ),ຫົວກະແທກຢາງແຮງ, ຈົນເສຍຊີວິດ. ທີມກູ້ໄພ ເຂົ້າໄປເພື່ອຈະຊ່ວຍ ແຕ່ ຜູ້ກ່ຽວຕາຍກ່ອນແລ້ວ.
ພາບແລະຂ່າວ: ນັກຂ່າວສັນຈອນ ແລະໂທລະໂຄ່ງ