Homeຂ່າວພາຍ​ໃນລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

Published on

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ.

ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ, ທ່ານ ຄຳມອນ ສີສອນສັກ ຫົວໜ້າພະແນກໂຍທາທິການ ແລະ ຂົນສົ່ງແຂວງວຽງຈັນ ໄດ້ຊີ້ແຈງຕໍ່ກອງປະຊຸມສະໄໝສາມັນ ເທື່ອທີ 9 ຂອງສະພາປະຊາຊົນ ແຂວງວຽງຈັນ ຊຸດທີ II ໃນວັນທີ 30 ກໍລະກົດ 2025 ນີ້ວ່າ: ເຫດຜົນ ແລະ ຄວາມຈໍາເປັນທີ່ພາໃຫ້ມີການປັບຂຶ້ນລາຄານໍ້າປະປາ ຢູ່ແຂວງວຽງຈັນ ແມ່ນຍ້ອນໄລຍະຜ່ານມາ ສະພາບເສດຖະກິດໂລກມີການຜັນຜວນ, ອັດຕາການແລກປ່ຽນເງິນຕາ ບໍ່ມີຄວາມສະຖຽນລະພາບ ເຮັດໃຫ້ເງິນກີບອ່ອນຄ່າລົງ ເຊິ່ງສົ່ງຜົນກະທົບໂດຍກົງຕໍ່ລາຄາສິນຄ້າຕ່າງໆ ໂດຍສະເພາະ ລາຄາສານເຄມີ, ວັດຖຸອຸປະກອນທໍ່ນໍ້າຕ່າງໆ ທີ່ນຳໃຊ້ເຂົ້າໃນຂະບວນການຜະລິດ ແລະ ບໍລິການນໍ້າປະປາ ແມ່ນນຳເຂົ້າຈາກຕ່າງປະເທດ ເຮັດໃຫ້ມີລາຄາ ເພີ່ມຂຶ້ນສູງຫລາຍເທົ່າຕົວ ບວກກັບລາຄາໄຟຟ້າທີ່ປັບຕົວຂຶ້ນໃນປັດຈຸບັນ ຈຶ່ງເປັນສາເຫດເຮັດໃຫ້ລາຄານ້ຳປະປາ ມີການປັບລາຄາຂຶ້ນ.

ທ່ານ ຄຳມອນ ສີສອນສັກ ກ່າວຕື່ມວ່າ: ຜ່ານມາໄດ້ສະເໜີຕໍ່ຂັ້ນເທິງ ໃນກັນປັບຂຶ້ນລາຄາຫລາຍຄັ້ງແລ້ວ ແຕ່ບໍ່ໄດ້ຮັບການປັບປຸງ. ແຕ່ຢ່າງໃດກໍ່ຕາມ ໃນການປັບຂຶ້ນລາຄານ້ຳປະປາ ຢູ່ແຂວງວຽງຈັນໃນຄັ້ງນີ້ ເປັນຄັ້ງທຳອິດນັບຕັ້ງແຕ່ ລັດວິສາຫະກິດນ້ຳປະປາ ແຂວງວຽງຈັນ ໄດ້ຮັບການສ້າງຕັ້ງຂຶ້ນ.

ແຫຼ່ງຂ່າວ: ປະເທດລາວ

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...