ອິນເດຍປະກາດເຕືອນໄພລະດັບ ສີແດງ ກຽມຮັບມືຄື່ນຄວາມຮ້ອນຮຸນແຮງດັດສະນີຄວາມຮ້ອນສູງເຖິງ 51.9 ອົງສາ ຂະນະດຍວກັນຄຸນນະພາບອາກາດກໍຢູ່ໃນລະດັບ ບໍ່ດີ ດັດສະນີຄຸນນະພາບອາກາດຢູ່ທີ 245 ເຊິ່ງສູງເກີດເກນມາດຕະຖານ ສົ່ງຜົນກະທົບຕໍ່ສຸຂະພາບະຊາຊົນ.
ໃນວັນທີ 11 ມິຖຸນາ 2025 ສຳນັກຂ່າວ ເອພີ ລາຍງານວ່າ: ນະຄອນເດລີນິວ ເມືອງຫຼວງຂອງອິນເດຍ ກຳລັງປະເຊີນຄື່ນຄວາມຮ້ອນຮຸນແຮງ ໂດຍອຸນຫະພູມວັດແທກໄດ້ 40.9-45 ໃນຫຼາຍພຶ້ນທີ່, ໂດຍສະຖານີວັດແທກອຸນຫະພູມທີ່ຮ້ອນທີ່ສຸດໃນຊ່ວງບ່າຍ ທີ່ເຂດອານາຍາການ ວັດແທກໄດ້ 45 ອົງສາ ຂະນະທີ່ດັດສະນີຄວາມຮ້ອນສູງເຖິງ 51.9 ອົງສາ ເຊິ່ງລວມຄວາມຮ້ອນ ແລະ ຄວາມຊຸ່ມເຂົ້ານຳກັນ.
ທາງດ້ານກົມອຸຕຸນິຍົມວິທະຍາອິນເດຍ ອອກມາປະກາດ ເຕືອນໄພ ລະດັບສີແດງ ເຊິ່ງເປັນລະດັບສູງສຸດ ແນະໃນໃຫ້ປະຊາຊົນຫຼີກລ່ຽງການເຮັດກິດຈະກຳກາງແຈ້ງ, ກິນນ້ຳໃຫ້ຫຼາຍ ແລະ ລະວັງສຸຂະພາບໃນຊ່ວງບ່າຍທີ່ມີອາກາດຮ້ອນອົບເອົ້າ ເຊິ່ງຄາດວ່າອາກາດຮ້ອນຈະຄ່ອຍໆລຸດຜ່ອນລົງລັງຈາກວັນທີ 13 ມິຖຸນາ ເປັນຕົ້ນໄປຫຼັງຈາກມີພາຍຸ ແລະ ຝົນຕົກ ຈາກນັ້ນລະຫວ່າງວັນທີ 14-17 ມິຖຸນາ ອຸນຫະພູມຈະຫຼຸດລົງຢູ່ປະມານ 37-42 ອົງສາ ພ້ອມັທງມີຝົນເລັກນ້ອຍ-ປານກາງ ແລະ ລົມແຮງທີ່ຊ່ວຍຫຼຸດຜ່ອນຄວາມຮ້ອນ.