spot_img
Homeຂ່າວຕ່າງປະເທດພາຍຸໄຊໂຄຣນ ອັນເຟດ ໃກ້ພັດເຂົ້າອອສເຕເລຍ ເຈົ້າໜ້າທີ່ເລັ່ງອົບພະຍົບປະຊາຊົນຫາຍແສນຄົນ

ພາຍຸໄຊໂຄຣນ ອັນເຟດ ໃກ້ພັດເຂົ້າອອສເຕເລຍ ເຈົ້າໜ້າທີ່ເລັ່ງອົບພະຍົບປະຊາຊົນຫາຍແສນຄົນ

Published on

ອອສເຕເລຍກຽມຮັບມືພາຍຸໄຊໂຄຣນ ອັນເຟດ ເຈົ້າໜ້າທີ່ຄາດປະຊາຊົນໄດ້ຮັບຜົນກະທົບກວ່າ 4 ລ້ານຄົນ.

ສຳນັກຂ່າວຕ່າງປະເທດລາຍງານໃນວັນທີ 7 ມີນາ 2025, ປະຊາຊົນຫຼາຍແສນຄົນທາງຕະເວັນອອກຂອງປະເທດອອສເຕເລຍ ໄດ້ຮັບຄຳສັ່ງອົບພະຍົບກ່ອນທີ່ພາຍຸໄຊໂຄຣນ ອັນເຟດ ຈະພັດຂຶ້ນຝັ່ງໃນເຊົ້າວັນເສົາ 8 ມີນາ 2025 ເນື່ອງຈາກພາຍຸເລີ່ມເຮັດໃຫ້ຝົນຕົກໜັກ ມີຄື້ນໃຫຍ່ ແລະ ກະແສລົມແຮງ ທີ່ສົ່ງຜົນເຮັດໃຫ້ໄຟຟ້າດັບ ແລະ ໄດ້ປິດສະໜາມບິນ​.

ຜູ້ຊ່ຽວຊານດ້ານສະພາບອາກາດລະບຸວ່າ: ເສັ້ນທາງຂອງພາຍຸຊ້າລົງໃນຊ່ວງບໍ່ເທົ່າໃດມື້ຜ່ານມາ ແລະ ເຄື່ອນທີ່ບໍ່ສະໝ່ຳສະເໝີ ເຊິ່ງເປັນສາເຫດທີ່ພາຍຸຈະຂຶ້ນຝັ່ງຊ້າກວ່າທີ່ຄາດການເອົາໄວ້ກ່ອນໜ້ານີ້ ໂດຍມີຜູ້ຄົນກວ່າ 4 ລ້ານຄົນຢູ່ໃນແນວຂອງພາຍຸໄຊໂຄຣນ ອັນເຟດ ຄາດວ່າຈະພັດເຂົ້າທາງຊາຍຝັ່ງຊັນຊາຍໂຄສ ແລະ ໂກໂຄສ ເຊິ່ງເປັນຊາຍຝັ່ງຂອງອອສເຕເລຍທີ່ມີຊື່ສຽຽທີ່ສຸດໃນເລື່ອງຊາຍຫາດທີ່ສວຍງາມ ລວມເຖິງເມືອງບິສເບນ ຫຼື ເມືອງໃຫຍ່ອັນດັບທີ 3 ຂອງອອສເຕເລຍ.

ນອກຈາກກະແສລົມທີ່ແຮງແລ້ວ ຄາດວ່າພາຍຸໄຊໂຄຣນ ອັນເຟດ ຈະເຮັດໃຫ້ເກີດຝົນຕົກໜັກໃນປະລິມານທີ່ຫຼາຍ ເຊິ່ງຈະສົ່ງຜົນກະທົບຕໍ່ພຶ້ນທີ່ຂະໜາດໃຫຍ່ ເພາຈະເກີດເຫດການ້ຳຖ້ວມກະທັນຫັນ ເນື່ອງຈາກຈະເຮັດໃຫ້ແມ່ນ້ຳລົ້ນອອກຈາກຝັ່ງ.

ຢ່າງໃດກໍຕາມໂຮງຮຽນເກືບ 1,000 ແຫ່ງໄດ້ປິດການຮຽນການສອນ ລະບົບຂົນສົ່ງສາທາລະນະຖືກລະງັບ ແລະ ສະໜາມບິນ ຖືກປິດໃຫ້ບໍລິການ ເຊິ່ງຄາດວ່າຖ້ຽວບິນໜ້າຈະກັບມາໃຫ້ການບໍລິການໄດ້ໄວທີ່ສຸດໃນວັນອາທິດນີ້.

ບົດຄວາມຫຼ້າສຸດ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ

ສານຂອງ ທ່ານນາຍົກລັດຖະມົນຕີ ເນື່ອງໃນໂອກາດວັນສາກົນຕ້ານຢາເສບຕິດ ຄົບຮອບ 38 ປີ ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 38 ປີ (26 ມິຖຸນາ 1987 -...

ສານຫວຽດນາມ ດຳເນີນຄະດີຜູ້ຕ້ອງສົງໃສພະນັກງານລັດ 41 ຄົນ ໃນຂໍ້ຫາສໍ້ລາດບັງຫຼວງ ສ້າງຄວາມເສຍຫາຍ 45 ລ້ານໂດລາ

ສານຫວຽດນາມໄດ້ເປີດການພິຈາລະນາຄະດີສໍ້ລາດບັງຫຼວງ ແລະ ຮັບສິນບົນ ມູນຄ່າ ເກືອບ 1,500 ລ້ານບາດ ຫຼື ປະມານ 45 ລ້ານໂດລາ. ສຳນັກຂ່າວຕ່າງປະເທດລາຍງານໃນວັນທີ 24 ມິຖຸນາ 2025,...

ນໍ້າຖ້ວມຮຸນແຮງຢູ່ແຂວງກຸຍໂຈ ຂອງ ສປ ຈີນ

ຝົນຕົກໜັກຕໍ່ເນື່ອງເຮັດໃຫ້ນໍ້າຖ້ວມໜັກໜ່ວງຢູ່ແຂວງກຸຍໂຈ (Guizhou) ຂອງ ສປ ຈີນ, ປະຊາຊົນ 80,000 ກວ່າຄົນ ຕ້ອງໄດ້ອົບພະຍົບຢ່າງເລັ່ງດ່ວນ. ລັດຖະບານຈີນໄດ້ປະກາດຍົກລະດັບມາດຕະການສຸກເສີນເພື່ອຮັບມືກັບໄພນໍ້າຖ້ວມກະທັນ, ເນື່ອງຈາກຝົນຕົກໜັກຕໍ່ເນື່ອງເປັນເວລາຫຼາຍມື້ໃນແຂວງກຸຍໂຈ ເຊິ່ງຕັ້ງຢູ່ທາງຕາເວັນຕົກສ່ຽງໃຕ້ຂອງ ສປ ຈີນ, ໂດຍລະດັບນໍ້າ...

ໄປບໍ່ລອດ! ເຈົ້າໜ້າທີ່ອຸທະຍານ ແຫ່ງປະເທດໄທ ຈັບກຸມຄົນລາວ 2 ຄົນ ລັກລອບຂາຍຊາກສັດປ່າ

ເຈົ້າໜ້າທີ່ໄທ ຈັບກຸມ 2 ຊາວລາວ ກຽມລັກລອບຄ້າຂາຍຊາກສັດປ່າຫຼາຍກວ່າ 101 ກິໂລກຼາມ ສຳນັກຂ່າວຕ່າງປະເທດລາຍງານໃນວັນທີ 25 ມິຖຸນາ 2025 ຜ່ານມາ, ເຈົ້າໜ້າທີ່ກົມອຸທະຍານແຫ່ງຊາດ ສັດປ່າ ແລະ...