Homeຂ່າວຕ່າງປະເທດບໍລິສັດຈີນອອກກົດລະບຽບຫ້າມພະນັກງານເຂົ້າຫ້ອງນ້ຳກາຍ 2 ນາທີ ຫາກຝ່າຝືນຈະຖືກຕັດເງິນເດືອນ

ບໍລິສັດຈີນອອກກົດລະບຽບຫ້າມພະນັກງານເຂົ້າຫ້ອງນ້ຳກາຍ 2 ນາທີ ຫາກຝ່າຝືນຈະຖືກຕັດເງິນເດືອນ

Published on

ບໍລິສັດຈີນອອກກົດລະບຽບຫ້າມພະນັກງານເຂົ້າຫ້ອງນ້ຳກາຍ 2 ນາທີ

ສຳນັກຂ່າວ Business Standard ລາຍງານໃນວັນທີ 25 ກຸມພາ 2025 ກ່ຽວກັບເລື່ອງລາວສຸດຮືຮາ ເມື່ອບໍລິສັດແຫ່ງໜຶ່ງໃນປະເທດຈີນ ອອກກົດລະບຽບ ໃຫ້ພະນັກງານສາມາດເຂົ້າຫ້ອງນ້ຳໄດ້ພຽງຄັ້ງລະ 2 ນາທີ, ໂດຍບໍລິສັດດັ່ງກ່າວ ເປັນບໍລິສັດຜະລິດເຄື່ອງຈັກ ເຊິ່ງມີສຳນັກງານໃຫຍ່ຕັ້ງຢູ່ ເມືອງຝໍຊານ ເຂດກວາງຕຸ້ງ ປະເທດຈີນ.

ບໍລິສັດດັ່ງກ່າວໄດ້ກຳນົດເວລາການເຂົ້າຫ້ອງນ້ຳພຽງ 2 ນາທີ ຖ້າຫາກພະນັກງານຄົນໃດຢາກເຂົ້າດົນກວ່ານັ້ນຕ້ອງໄດ້ໄປຂໍອະນຸຍາດຝ່າຍຊັບພະຍາກອນຂອງອົງກອນ ລາຍງານຍັງລະບຸຕື່ີມອີກວ່າ: ບໍລິສັດອອກກົດນີ້ກໍເພື່ອຮັກສາລະບຽບໃນການເຮັດວຽກ ພ້ອມອ້າງອີງເຖິງຕຳລາການແພດບູຮານວ່າ: ການກຳນົດເວລາໃນການໃຊ້ຫ້ອງນ້ຳມັນຈະສົ່ງຜົນດີຕໍ່ສຸຂະພາບ.

ໃນຂະນະທີ່ທາງສຳນັກຂ່າວ South China Morning Post ລະບຸຕື່ມອີກວ່າ: ບໍລິສັດດັ່ງກ່າວໄດ້ຕິດຕັ້ງກ້ອງວົງຈອນເພື່ອກວດສອບການປະຕິບັດຕາມກົດລະບຽບຂອງພະນັກງານ ຖ້າຫາກພະນັກງານຝ່າຝືນກົດລະບຽບຈະຖືກປັບເງິນຈຳນວນ 100 ຢວນ ຫຼື ປະມານ 3 ແສນກວ່າກີບ ໂດຍຈະຕັດຈາກເງິນເດືອນພາຍໃນເດືອນນັ້ນ.

ຢ່າງໃດກໍຕາມ ກົດລະບຽບດັ່ງກ່າວບໍ່ແມ່ນຄັ້ງທຳອິດທີ່ບໍລິສັດຈີນເຮັດແບບນີ້ ໂດຍກ່ອນໜ້ານີ້ກໍມີບໍລິສັດໜຶ່ງໃນຕົງກວ່ານ ໄດ້ເກັບເງິນຄ່າປັບ 20 ຢວນ ຫຼື ປະມານເກືອບ 70 ພັນກີບ ສຳລັບພະນັກງານທີ່ໃຊ້ຫ້ອງນ້ຳຫຼາຍກວ່າ 1 ຄັ້ງ ໃນໂມງການເຮັດວຽກ 8 ຊົ່ວໂມງ.

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...