ໂຊກດີບໍ່ມີຜູ້ເສຍຊີວິດ ເຮືອບິນ Delta Air lines ປະສົບອຸບັດຕິເຫດຂະນະລົງຈອດ ທີ່ການາດາ
ສຳນັກຂ່າວຕ່າງປະເທດລາວຍງານ ເກີດເຫດເຮືອບິນໂດຍສານຂອງສາຍການບິນເດລຕາ ຖ້ຽວບິນ 4819 ປະສົບອຸບັດຕິເຫດຂະນະລົງຈອດເຮັດໃຫ້ເຮືອບິນລຳດັ່ງກ່າວພິກຄວ້ຳຢູ່ກາງລັນເວຂອງສະໜາມບິນ ໂຕຮອນໂຕ ໃນປະເທດການາດາ
ຖ້ຽວບິນດັ່ງກ່າວເດີນທາງມາຈາກລັດມິນິໂຊຕາ ມີຜູ້ໂດຍສານ ແລະ ເຈົ້າໜ້າທີ່ສາຍການບິນລວມ 80 ຄົນ ເຊິ່ງເຫດການເກີດຂຶ້ນໃນຊ່ວງເວລາປະມານ 02:45 ໂມງເຊົ້າ ຂອງວັນທີ 18 ກຸພາ 2025 (ຕາມເວລາທ້ອງຖິ່ນປະເທດລລາວ)
ຕາມການລາຍງານຫຼ້າສຸດລະບຸວ່າ: ເຫດການດັ່ງກ່າວບໍ່ມີລາຍງານຜູ້ເສຍຊີວິດ ແຕ່ມີຜູ້ບາດເຈັບຢ່າງນ້ອຍ 18 ຄົນ ໃນນັ້ນ ບາດເຈັບໜັກ 3 ຄົນ, ທາງດ້ານຊີອີໂອສະໜາມບິນໂຕຮອນໂຕ ເປີດເຜີຍວ່າ: ເຈົ້າໜ້າທີ່ສາມາດເຂົ້າເຖິງຈຸດເກີດເຫດໄດ້ຢ່າງໄວວາ ສ່ວນສາເຫດທີ່ເກີດຂຶ້ນທາງດ້ານເຈົ້າໜ້າທີ່ ກຳລັງຢູ່ໃນຂັ້ນຕອນ ສືບສວນ-ສອບສວນ ຫາຄວາມຈິງ.
ແຫຼ່ງຂ່າວ: TODAY