spot_img
Homeຂ່າວພາຍ​ໃນBurns Night 2025 ຄ່ຳຄືນແຫ່ງວັດທະນະທຳສະກັອດແລນສຸດປະທັບໃຈໃນລາວ

Burns Night 2025 ຄ່ຳຄືນແຫ່ງວັດທະນະທຳສະກັອດແລນສຸດປະທັບໃຈໃນລາວ

Published on

ຄ່ຳຄືນແຫ່ງການສະເຫຼີມສະຫຼອງ Burns Night 2025 ຈັດຂຶ້ນເມື່ອວັນທີ 1 ກຸມພາ ທີ່ຜ່ານມາ, ໃນໂຮງແຮງ Holiday Inn and Suites, ນະຄອນຫຼວງວຽງຈັນ ໂດຍກຸ່ມ British Business Group in Laos (BBGL) ຈັດຂຶ້ນເພື່ອລະນຶກເຖິງຊີວິດ ແລະ ຜົນງານຂອງ ໂຣເບີດ ເບີນ(Robert Burns) ນັກກະວີເອກແຫ່ງສະກັອດແລນ.

ການເຕັ້ນລຳສະກັອດແລນຢ່າງມ່ວນຊື່ນ (ຮູບພາບ: British Business Group Lao PDR)

ພາຍໃນງານເຕັມໄປດ້ວຍກິ່ນອາຍຂອງວັດທະນະທຳສະກັອດແທ້ໆ, ບໍ່ວ່າຈະເປັນເມນູອາຫານແບບດັ້ງເດີມ ເຊັ່ນ: Haggis, ການບັນຍາຍບົດກະວີຂອງ ໂຣເບີດ ເບີນ, ການຂັບຮ້ອງເພງສະກອດ, ການສະແດງເຄື່ອງດົນຕີເປົ່າປີ່ສະກັອດ ແລະ ການເຕັ້ນລຳສຸດຄຶກຄື້ນ.

ການສະແດງເຄື່ອງດົນຕີປີ່ສະກັອດແລນ (ຮູບພາບ: British Business Group Lao PDR)

ທ່ານ ລີ ເຊີຣິແດນ ປະທານ BBGL ໄດ້ກ່າວວ່າ: “ມັນເປັນຄ່ຳຄືນທີ່ພິເສດ ໃນການສະເຫຼີມສະຫຼອງວັດທະນະທຳສະກັອດແລນ ແລະ ໄດ້ແບ່ງປັນສິ່ງເຫຼົ່ານີ້ໃຫ້ກັບຜູ້ຄົນຫຼາກຫຼາຍເຊື້ອຊາດ”

ໜຶ່ງໃນສິ່ງທີ່ສຳຄັນຂອງຄ່ຳຄືນນີ້ ຄືການສະແດງເຕັ້ນສະກັອດສຸດມ່ວນຊື່ນ ໂດຍທີມນັກເຕັ້ນຈາກ Fanglao Dance Studio ເຊິ່ງ ເຊີຣິແດນ ຍັງໄດ້ກ່າວຕື່ມອີກວ່າ: ນີ້ເປັນຊ່ວງເວລາທີ່ລາວມັກເປັນພິເສດ.

ການສະເຫຼີມສະຫຼອງດ້ວຍຄວາມມ່ວນຊື່ນ (ຮູບພາບ: British Business Group Lao PDR)

ງານ Burns Night 2025 ບໍ່ພຽງແຕ່ມອບຄວາມບັນເທີງເທົ່ານັ້ນ ແຕ່ຍັງນຳພາຜູ້ເຂົ້າແຂ່ງຮ່ວມສຳພັດບັນຍາກາດທີ່ມີສະເນ່ ຂອງມໍລະດົກທາງວັດທະນະທຳສະກັອດແລນ ແລະລະນຶກເຖິງຜົນງານອັນຊົງຄຸນຄ່າຂອງ ໂຣເບີດ ເບີນ ຢ່າງເຕັມອີ່ມ.

ທີ່ມາ: Lao Tian Times

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...