Homeຂ່າວຄາດຕະກຳລູກຊາຍທໍລະພີ ກິນເຫຼົ້້າເມົາກໍ່ເຫດທຳຮ້າຍຮ່າງກາຍແມ່ເສຍຊີວິດ

ລູກຊາຍທໍລະພີ ກິນເຫຼົ້້າເມົາກໍ່ເຫດທຳຮ້າຍຮ່າງກາຍແມ່ເສຍຊີວິດ

Published on

ລູກຊາຍທຳຮ້າຍຮ່າງກາຍແມ່ຈົນເສຍຊີວິດຢູ່ເມືອງເລົ່າງາມ

ອີງຕາມການລາຍງານຂອງເຈົ້າໜ້າທີ່ ປກສ ແຂວງສາລະວັນ ໃຫ້ຮູ້ວ່າ: ໃນຄັ້ງວັນທີ 15 ກຸມພາ 2025 ເວລາ 14:30 ນາທີ,​ ໄດ້ເກີດເຫດລູກຊາຍທຳຮ້າຍຮ່າງກາຍແມ່ ຈົນເສຍຊີວິດ ທີ່ບ້ານວັງເປືອຍ ເມືອງເລົ່າງາມ ແຂວງສາລະວັນ.

ຕາມການລາຍງານເບື້ອງຕົ້ນລະບຸວ່າ: ຜູ້ກໍ່ເຫດ ຊື່ວ່າ ທ້າວ ສິນ ອາຍຸ 40 ປີ ໄດ້ດື່ມເຫຼົ້າ ກັບຄົນບ້ານດຽວກັນຈົນເມົາ,​ ແລ້ວເກີດເຫດຜິດຖຽງກັນ ກັບ ນາງ ຈັນໄທ ອາຍຸ 68 ປີ (ຜູ້ເປັນແມ່) ແລ້ວ ທ້າວ ສິນ ໄດ້ທຳຮ້າຍຮ່າງກາຍ ນາງ ຈັນໄທ ໂດຍໃຊ້ງ່າກົກລຳໄຍ ຍາວປະມານ 50 ຊັງຕີແມັດ, ຕີໃສ່ງ່ອນ ຂອງນາງ ຈັນໄທ ຈົນເຮັດໃຫ້ຫົວແຕກ.

ຈາກນັ້ນ, ທ້າວ ສິນ ກໍໄດ້ຍ່າງອອກຈາກເຮືອນໄປ, ຕໍ່ມາທາງຍາດພີ່ນ້ອງມາພົບເຫັນ ນາງ ຈັນໄທ ຈຶ່ງໄດ້ພາຕົວໄປໂຮງໝໍຢ່າງຮີບດ່ວນ ແຕ່ສຸດທ້າຍ ກໍບໍ່ສາມາດຊ່ວຍຊີວິດໄວ້ໄດ້ທັນ ເຈົ້າໜ້າທີ່ຈຶ່ງນຳຕົວຜູ້ກໍ່ເຫດມາສອບສວນ ແລະ ດຳເນີນຄະດີຕາມກົດໝາຍ, ເຊິ່ງຜ່ານມາ, ທ້າວ ສິນ ແມ່ນຕິດຢາເສບຕິດຢ່າງຮຸນແຮງ,​ ອາລະວາດຄອບຄົວ,​ ເຄີຍຈູດເຮືອນເອງ ແລະ ເຄຍຖືກດັດສ້າງທີ່ສູນບັງເຍາະ 01 ຄັ້ງ ແລະ ໄປບຳບັດ ຢູ່ຄ້າຍຄຸມຂັງນາໄຊ 01 ຄັ້ງ.

ແຫຼ່ງຂ່າວ: ໜັງສືພິມຄວາມສະຫງົບ

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...