Home​ຂ່າວທ່ອງທ່ຽວປີຜ່ານມາ ແຂວງຈໍາປາສັກ ມີລາຍຮັບຈາກການທ່ອງທ່ຽວ 90 ລ້ານກວ່າໂດລາສະຫະລັດ

ປີຜ່ານມາ ແຂວງຈໍາປາສັກ ມີລາຍຮັບຈາກການທ່ອງທ່ຽວ 90 ລ້ານກວ່າໂດລາສະຫະລັດ

Published on

ທ່ານ ວັນນະໄຊ ຊາດຕະກຸນ ຫົວໜ້າພະແນກຖະແຫລງຂ່າວ, ວັດທະນະທຳ ແລະ ທ່ອງທ່ຽວ ແຂວງຈໍາປາສັກ ໃຫ້ຮູ້ໃນໂອກາດລາຍງານຕໍ່ກອງປະຊຸມສະຫລຸບການຈັດຕັ້ງປະຕິບັດປີທ່ອງທ່ຽວລາວ 2024 ຈັດຂຶ້ນຢູ່ນະຄອນ ຫລວງວຽງຈັນ ເມື່ອບໍ່ດົນມານີ້ ວ່າ: ປີ 2024 ຜ່ານມາ ເຊິ່ງເປັນປີທ່ອງທ່ຽວລາວ ແຂວງຈໍາປາສັກ ໄດ້ຈັດຕັ້ງທັງໝົດ 12 ກິດຈະກໍາ ເປັນວາລະການຈັດງານສົ່ງເສີມການທ່ອງທ່ຽວລາວ.

ໃນນັ້ນ, ມີກິດຈະກໍາລະດັບເມືອງ 10 ກິດຈະກໍາ, ລະດັບ ແຂວງ 1 ກິດຈະກໍາ ແລະ ລະດັບຊາດ 1 ກິດຈະກໍາ ໂດຍເລີ່ມຈາກງານສົມໂພດຕົ້ນໄມ້ມະນີໂຄດ ຢູ່ຄອນພະເພັງ ເມືອງໂຂງ ເປັນກິດຈະກໍາທໍາອິດໃນເດືອນມັງກອນ. ນອກນີ້, ໃນແຕ່ລະເດືອນໄດ້ຈັດ ງານຕ່າງໆຕາມວາລະ ແລະ ງານແຫ່ພະສາດເຜິ້ງ, ກາບໄວ້ພະທາດຄູຂີ້ຫອມ ຢູ່ບ້ານວັດທາດ ເມືອງຈໍາປາສັກ ເປັນກິດຈະກໍາສຸດທ້າຍໃນກາງເດືອນພະຈິກ 2024.

ຜ່ານການຈັດຕັ້ງປະຕິບັດບັນດາກິດຈະກໍາທີ່ໄດ້ກໍານົດໄວ້ ເຮັດໃຫ້ປີຜ່ານມາ ແຂວງຈໍາປາສັກ ສາມາດດຶງດູດນັກທ່ອງທ່ຽວ ທັງພາຍໃນ ແລະ ຕ່າງປະເທດ ເຂົ້າ ມາທ່ອງທ່ຽວຢູ່ແຂວງຈຳປາ ສັກ ທັງໝົດ 647.325 ຄົນ. ໃນນັ້ນ, ນັກທ່ອງທ່ຽວຕ່າງປະ ເທດ 322.357 ຄົນ, ທຽບໃສ່ແຜນການ ປະຕິບັດໄດ້ລື່ນແຜນ, ສາມາດສ້າງລາຍຮັບໄດ້ 90 ລ້ານກວ່າໂດລາສະຫະລັດ.

ແຫຼ່ງຂ່າວ: LNR

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...