spot_img
Homeຂ່າວພາຍ​ໃນເຊິນທ່ຽວບຸນນະມັດສະການ ຜາສາດຫີນວັດພູຈຳປາສັກ ປະຈຳປີ 2025

ເຊິນທ່ຽວບຸນນະມັດສະການ ຜາສາດຫີນວັດພູຈຳປາສັກ ປະຈຳປີ 2025

Published on

ທ່ານ​ ໂສມ​ ບຸດຕະກຸນ​ ຮອງ​ເຈົ້າແຂວງ​ໆ​ຈໍາປາສັກ​ ໃຫ້ຮູ້ວ່າ: ການຈັດງານບຸນນະມັດສະການ ຜາສາດຫີນວັດພູຈຳປາສັກປະຈຳປີ 2025 ຈັດຂຶ້ນໃນວັນທີ 10 -​ 12​ ກຸມພາ ນີ້,​ ໃນງານ​ ທ່ານຈະໄດ້ຊົມການສະແດງບົດຟ້ອນສິນລະປະພື້ນເມືອງ, ການສະແດງສິນລະປະຍ້ອນຍຸກ​ ທີ່ບົ່ງບອກເຖິງປະຫວັດສາດຄວາມເປັນມາແຫ່ງການກຳເນີດຂອງວັດພູຈຳປາສັກ.​

ພ້ອມນີ້​ ກໍຈະມີການວາງສະແດງສິນຄ້າ​ ​ໜຶ່ງເມືອງ​ ໜຶ່ງຜະລິດຕະພັນ (ໂອດ໊ອບ)​, ການແຂ່ງຂັນກິລາພື້ນເມືອງຫຼາກຫຼາຍປະເພດ.​ ແຕ່ລະຄືນ​ ຍັງມີການສະແດງສິລະປະຂອງນ້ອງນັກຮຽນ ແລະ ຊົມການສະແດງໝໍລຳເລື່ອງ ທີ່ເປັນເອກະລັກ ຂອງຊາວແຂວງຈໍາປາສັກ.​ ໃນໄລຍະດຽວກັນ​ ກໍຈະມີງານບຸນກາເຟ​ ຢູ່ເມືອງປາກຊ່ອງ.​

ສໍາລັບມື້ເປີດງານຢ່າງເປັນທາງການ​ ຈະຈັດຂຶ້ນ​ໃນຕອນບ່າຍວັນທີ​ 10 ກຸມພາ​ ເຊິ່ງຈະມີຂະບວນແຫ່ຂອງກ້ອນກຳລັງຕ່າງໆ,​ ມີການສະແດງບົດຟ້ອນສີລະປະ,​ ການສະແດງສິລະປະລະຄອນຍ້ອນຍຸກ.​ ຈາກນັ້ນ,​ ການນໍາແຂວງຈໍາປາສັກ ກໍຈະກ່າວເປີດງານຢ່າງເປັນທາງການ.​ ຕໍ່ມາກໍຈະມີການລັ່ນກອງໄຊ 9 ບາດ ເພື່ອເປັນນີມິດໝາຍອັນດີແກ່ການເປີດງານ.​ ພ້ອມນີ້​ ກໍຈະມີການຈຸດພຸໄຟ ແສງ​ ສີ​ ສຽງ ທີ່ອະລັງການ​ ຕື່ມອີກ.​

ວັນທີ​ 11​ ກຸມພາ​ ກໍຈະມີການແຂ່ງຂັນກິລາພື້ນເມືອງ ເຊັ່ນ: ກິລາປິນເສົາເອົາລາງວັນ, ກິລາກ໋ອບຄົນຈົນ, ກິລາແລ່ນກະເປົ໋າ ແລະ ທ່ຽວງານບຸນຕາມອັດທະຍາໄສ.​

ໃນວັນທີ​ 12​ ກຸມພາ​ 2025​ ຕອນເຊົ້າ,​ ຄະນະນໍາຂັ້ນແຂວງ ກໍຈະໄດ້ນໍາພາມວນຊົນທໍາບຸນໃສ່ບາດຖວາຍສັງຄະທານ​ ແດ່ພະສົງ.​ ຕອນແລງ​ ກໍມີພິທີວຽນທຽນ ເນື່ອງໃນວັນມາຄະບູຊາ.​ ໃນງານ​ປີນີ້,​ ຍັງໄດ້ເຊື້ອເຊີນແຂກຈາກພາຍໃນ ແລະ ຕ່າງປະເທດ ເປັນຈຳນວນຫຼາຍ ເປັນຕົ້ນບັນດາແຂວງຈາກ ສສ ຫວຽດນາມ, ຣາຊະອານາຈັກໄທ,​ ຣາຊະອານາຈັກກຳປູເຈຍ ແລະ ບັນດາທ່ານເອກອັກຄະລັດຖະທູດຂອງຫຼາຍປະເທດທີ່ປະຈຳຢູ່ ສປປ ລາວ​ ເຂົ້າມາຮ່ວມງານ ເພື່ອເສີມຂະຫຍາຍມູນເຊື້ອ ປະຫວັດສາດ,​ ຮີດຄອງປະເພນີ ອັນດີງາມຂອງຊາດລາວ ໃຫ້ສາກົນໄດ້ຮັບຮູ້ ພ້ອມທັງເປັນການດຶງດູດ ນັກທ່ອງທ່ຽວ.
ແຫຼ່ງຂ່າວ: ໜັງສືພິມຈຳປາໃໝ່

ບົດຄວາມຫຼ້າສຸດ

ປີທ່ອງທ່ຽວລາວ 2024 ດຶງດູດ ນັກທ່ອງທ່ຽວໄດ້ 7 ລ້ານກວ່າເທື່ອຄົນ

ໃນປີ 2024 ຜ່ານມາ ສປປ ລາວ ໄດ້ເປີດປີທ່ອງທ່ຽວລາວ 2024 ໃນຂອບເຂດທົ່ວປະເທດ ຄຽງຄູ່ກັບການຈັດງານບຸນປະເພນີ ແລະ ບຸນສຳຄັນຕ່າງໆ ຂອງທ້ອງຖິ່ນ ໂດຍມີງານວາງສະແດງຜະລິດຕະພັນການທ່ອງທ່ຽວ, ກະສິກຳ,...

ດວງປະຈຳວັນທີ: 6 ກຸມພາ 2025

ດວງປະຈຳວັນທີ: 6 ກຸມພາ 2025 - ຄົນເກີດວັນຈັນ: ໄດ້ຮັບຄຳຕອບກ່ຽວກັບເລື່ອງວຽກງານທີ່ເຄີຍຄາດຫວັງ, ມີເກນເສຍເງິນໄປກັບສິ່ງທີ່ຢາກໄດ້, ຄົນໂສດລະວັງປັນຫາທີ່ມາກັບຄົນລົມ ຄົນມີຄູ່ມີເລື່ອງຕ້ອງໄດ້ລົມກັບ, ລະວັງໂລກຄຽດຈາກການນອນບໍ່ພໍ. - ຄົນເກີດວັນຄານ: ວຽກງານມີປັນຫາກັບຄົນໃນທີມ, ຕ້ອງເກັບເງິນໄວ້ເພື່ອກໍລະນີສຸກເສີນ, ຄົນໂສດ...

ໄທຕັດໄຟຟ້າ ອິນເຕີເນັດ ແລະ ນ້ຳມັນ 5 ຈຸດໃນຊາຍແດນມຽນມາ ເພື່ອແກ້ໄຂບັນຫາແກ້ງຄໍເຊັນເຕີ

ໄທຕັດໄຟຟ້າ ອິນເຕີເນັດ ແລະ ນ້ຳມັນ 5 ຈຸດໃນຊາຍແດນມຽນມາ ເພື່ອແກ້ໄຂບັນຫາແກ້ງຄໍເຊັນເຕີສຳນັກຂ່າວຕ່າງປະເທດລາຍງານໃຫ້ຮູ້ວ່າ: ໃນວັນທີ 5 ກຸມພາ 2025, ເຈົ້າໜ້າທີ່ການໄຟຟ້າສ່ວນພູມມິພາກ ປະເທດໄທ ປຶກສາຫາລື...

ສປປ ລາວ ສອບສວນຄະດີສໍ້ລາດບັງຫຼວງ ສຳເລັດ 4 ເລື່ອງ ໃນປີ 2024

ສອບສວນຄະດີສໍ້ລາດບັງຫຼວງ ສຳເລັດ 4 ເລື່ອງ ພົບຄວາມ ເສຍຫາຍ 115.08 ຕື້ກີບ, 3.2 ລ້ານບາດ, 25.68 ລ້ານໂດລາ ແລະ 7.8...