Homeຂ່າວອຸບັດຕິເຫດຊີ້ແຈງ ກໍລະນີທີ່ຄົນເຈັບຕ່າງປະເທດ ຂ້າມໄປປິ່ນປົວຢູ່ໄທ ຈາກອຸບັດຕິເຫດລົດເມຕຳຕົ້ນໄມ້

ຊີ້ແຈງ ກໍລະນີທີ່ຄົນເຈັບຕ່າງປະເທດ ຂ້າມໄປປິ່ນປົວຢູ່ໄທ ຈາກອຸບັດຕິເຫດລົດເມຕຳຕົ້ນໄມ້

Published on

ຈາກກໍລະນີທີ່ຫຼາຍຄົນໃຫ້ຄວາມສົນໃຈຕໍ່ກັບເຫດການອຸບັດເຫດລົດເມວຽງຈັນ-ປາກເຊ ເສຍຫຼັກຕຳຕົ້ນໄມ້ຢູ່ເຂດບ້ານໜອງສະໂນ ເມືອງລະຄອນເພັງ, ແຂວງສາລະວັນ ເມື່ອວັນທີ 26 ມັງກອນ 2025 ທີ່ຜ່ານມາ.

ຫຼ້າສຸດນີ້, ດຣ. ຄິດສະແຫວງ ສີສຸລາດ, ຮອງຜູ້ອໍານວຍການໂຮງໝໍແຂວງຈໍາປາສັກ ໄດ້ໃຫ້ສໍາພາດຜ່ານລາຍການຮອບບ້ານຜ່ານເມືອງ ຂອງວິທະຍຸກະຈາຍສຽງແຫ່ງຊາດລາວ ໃນວັນທີ 27 ມັງກອນ 2025 ວ່າ: ໂຮງໝໍແຂວງຈໍາປາສັກ ໄດ້ຮັບຄົນເຈັບຈາກເຫດການດັ່ງກ່າວທັງໝົດ 30 ຄົນ (ໃນນີ້ລວມທັງຜູ້ເສຍຊີວິດຄາທີ່ 1 ຄົນ), ໃນຈໍານວນຄົນເຈັບທັງໝົດ ແມ່ນເປັນຕ່າງປະເທດ 25 ຄົນ (ເຈັບໜັກ 3 ຄົນ) ແລະ ຄົນລາວ 4 ຄົນ (ເຈັບໜັກ 1 ຄົນ). ເຊິ່ງທາງໂຮງໝໍກໍໄດ້ປິ່ນປົວຄົນເຈັບຕາມຂັ້ນຕອນດ້ານວິຊາການ.

ສຳລັບສາເຫດທີ່ນຳຕົວຄົນເຈັບຕ່າງປະເທດໄປປິ່ນປົວຢູ່ປະເທດໄທນັ້ນຍ້ອນວ່າ: ກ່ອນເດີນທາງມາທ່ອງທ່ຽວ ເຂົາເຈົ້າໄດ້ເຮັດປະກັນໄພ, ເຊິ່ງມີໂຮງໝໍຄູ່ສັນຍາຢູ່ໄທ ແລະ ເຂົາເຈົ້າກໍຕ້ອງການໄປປິ່ນປົວຢູ່ໂຮງໝໍທີ່ເປັນຄູ່ສັນຍາປະກັນໄພດັ່ງກ່າວ.

ດັ່ງນັ້ນ, ທາງໂຮງໝໍແຂວງຈໍາປາສັກ ໄດ້ປະສານຫາບັນດາໂຮງໝໍທີ່ເປັນຄູ່ສັນຍາ ຢູ່ແຂວງອຸບົນລາດຊະທານີຂອງໄທ ເພື່ອຊ່ວຍເຫຼືອເຄື່ອນຍ້າຍຄົນເຈັບທີ່ເປັນຕ່າງປະເທດທັງ 25 ຄົນ ໄປປິ່ນປົວ.

ທ່ານໃຫ້ຮູ້ຕື່ມວ່າ: ສໍາລັບຄົນເຈັບທີ່ເປັນຄົນລາວ ຈໍານວນ 4 ຄົນ, ໃນນີ້ ເຈັບໜັກ 1 ຄົນ ໄດ້ເອົາໄປປິ່ນປົວຢູ່ໂຮງໝໍໃນແຂວງອຸບົນລາດຊະທານີຂອງໄທ, ສ່ວນອີກ 3 ຄົນແມ່ນປິ່ນປົວຢູ່ໂຮງໝໍແຂວງຈໍາປາສັກ, ເຊິ່ງທັງ 3 ມີອາການດີຂຶ້ນ ແລະ ຄາດວ່າຈະໄດ້ກັບບ້ານໃນໄວໆນີ້.

ທີ່ມາ: ລາຍການຮອບບ້ານຜ່ານເມືອງ ວິທະຍຸກະຈາຍສຽງແຫ່ງຊາດລາວ

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...