Homeຂ່າວອຸບັດຕິເຫດປີ 2024 ຢູ່ແຂວງອັດຕະປື ມີຜູ້ເສຍຊີວິດ 37 ຄົນຍ້ອນອຸບັດຕິເຫດຕາມຖະໜົນຫຼວງ

ປີ 2024 ຢູ່ແຂວງອັດຕະປື ມີຜູ້ເສຍຊີວິດ 37 ຄົນຍ້ອນອຸບັດຕິເຫດຕາມຖະໜົນຫຼວງ

Published on

ໃນປີ 2024 ຜ່ານມາ ທົ່ວແຂວງອັດຕະປື ມີອຸບັດຕິເຫດຕາມທ້ອງຖະໜົນຫຼວງເກີດຂຶ້ນທັງໝົດ 378 ລາຍ, ທຽບໃສ່ປີ 2023 ເພີ່ມຂຶ້ນ 18 ລາຍ, ຈຸດທີ່ມັກເກີດອຸບັດຕິເຫດຫຼາຍກວ່າໝູ່ແມ່ນເສັ້ນທາງ 4 ແຍກ 3 ແຍກ, ຢູ່ເຂດຊຸມຊົນ ທີ່ມີການສັນຈອນແອອັດ ແລະ ບ່ອນທາງໂຄ້ງ, ຈາກການເກີດອຸບັດຕິເຫດດັ່ງກ່າວ ມີພາຫະນະເປ້ເພ 610 ຄັນ, ເພເລັກນ້ອຍ 377 ຄັນ, ເພສົມຄວນ 221 ຄັນ, ໃຊ້ການບໍ່ໄດ້ 12 ຄັນ, ມີຄົນໄດ້ຮັບບາດເຈັບທັງໝົດ 614 ຄົນ, ບາດເຈັບເລັກນ້ອຍ 340 ຄົນ, ບາດເຈັບສົມຄວນ 208 ຄົນ, ບາດເຈັບສາຫັດ 29 ຄົນ ແລະ ເສຍຊີວິດ 37 ຄົນ, ຍິງ 5 ຄົນ, ຜູ້ເສຍຊີວິດທຽບໃສ່ປີ 2023 ເພີ່ມຂື້ນ 14 ຄົນ, ລວມມູນຄ່າເສຍຫາຍຍ້ອນການເກີດອຸບປະຕິເຫດທັງໝົດ 4 ຕື້ 155 ລ້ານກວ່າກີບ.

ທ່ານ ຮ້ອຍເອກ ເມືອງໄຊ ໝື່ນຫຼວງ ຮອງກອງສືບສວນ-ສອບສວນ ຄະດີອຸບັດຕິເຫດ ກອງບັນຊາການ ປ້ອງກັນຄວາມສະຫງົບ ແຂວງ ອັດຕະປື ໄດ້ໃຫ້ສໍາພາດໃນວັນທີ 7 ມັງກອນ 2025 ນີ້ວ່າ: ປີ 2024 ຜ່ານມາ ໄດ້ປະຕິບັດໜ້າທີ່ວິຊາສະເພາະຂອງຕົນດ້ວຍຄວາມຮັບຜິດຊອບສູງ ໂດຍໄດ້ເຮັດໜ້າທີ່ລົງເຄື່ອນໄຫວຕາມເສັ້ນທາງທາງຫຼວງ ໃນຂອບເຂດເທດສະບານແຂວງ ແລະ ບັນດາ 5 ຕົວເມືອງຂອງແຂວງ, ລວມທັງຕາມຈຸດ 4 ແຍກໄຟແດງ, ຕາມສຳນັກງານອົງການຕ່າງໆ ແລະ ບັນດາໝວດໂຮງຮຽນ ເພື່ອໃຫ້ພໍ່ແມ່ປະຊາຊົນ ຕະຫຼອດຮອດ, ພະນັກງານ, ທະຫານ, ຕຳຫຼວດ ແລະ ຄົນຕ່າງປະເທດທີ່ດໍາລົງຊີວິດຢູ່ພາຍໃນແຂວງ ກໍ່ຄືຜູ້ທີ່ໃຊ້ລົດ-ໃຊ້ຖະໜົນທົ່ວໄປ ໄດ້ຮັບຮູ້ກົດລະບຽບການສັນຈອນ.

ພ້ອມຍັງຮຽກຮ້ອງໃຫ້ປະຊາຊົນແຂວງອັດຕະປື ກໍ່ຄືຜູ້ທີ່ໃຊ້ລົດ-ໃຊ້ຖະໜົນ ຕາມສາຍທາງ ໃຫ້ປະຕິບັດກົດລະບຽບການສັນຈອນຢ່າງເຂັ້ມງວດ, ຫ້າມຂັບຂີ່ລົດໃຊ້ຄວາມໄວເກີນກຳນົດ, ເວລາຂັບຂີລົດຈັກໃຫ້ໃສ່ໝວກກັນກະທົບທີ່ໄດ້ມາດຕະຖານ, ດື່ມສິ່ງມຶນເມົາແລ້ວຫ້າມຂັບຂີ່, ໃຫ້ກຽດເຊິ່ງກັນ ແລະ ກັນ ລະຫວ່າງຜູ້ຂັບຂີ່ ເພື່ອໃຫ້ມີຄວາມຮັບປະກັນ ແລະ ປອດໄພ ຫຼຸດຜ່ອນ ແລະ ຫຼີກລ່ຽງການເກີດອຸບັດຕິເຫດທຸກກໍລະນີ.

ແຫຼ່ງຂາວ: LNR

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...